Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓖꓴ ꓟꓶ. Korea ꓗꓴꓷꓼ Seoul ꓡꓳ ꓒꓱ Halloween ꓑꓮꓲ ꓬꓲ ꓔꓶ. ꓗꓪ ꓑ ꓫꓬ 151 ꓣꓳ ꓫꓵꓻ ꓡꓰ ꓟ ꓓꓳꓽ
ꓖꓴ ꓟꓶ. Korea ꓗꓴꓷꓼ Seoul ꓡꓳ ꓒꓱ Halloween ꓑꓮꓲ ꓬꓲ ꓔꓶ. ꓗꓪ ꓑ ꓫꓬ 151 ꓣꓳ ꓫꓵꓻ ꓡꓰ ꓟ ꓓꓳꓽ
10 ꓦ 30 2022 ꓘꓳꓼ ꓕꓯ Korea ꓗꓴꓷꓼ Seoul ꓡꓳ ꓒꓱ Halloween ꓑꓮꓲ ꓬꓲ ꓔꓶ. ꓗꓪ ꓑ ꓫꓬ 151 ꓣꓳ ꓫꓵꓻ ꓡꓰꓳ ꓐꓰ ꓢꓷ. ꓪ ꓡꓳ꓿ ꓫꓵꓻ ꓡꓰ ꓢꓴ ꓑ ꓫꓬ ꓐꓴ ꓠꓬ ꓬꓲ ꓞꓲꓼ 20 ꓙꓳ ꓢꓴ ꓐꓴ ꓐꓰ ꓞꓳ ꓡꓱ ꓞꓳ ꓡꓯ. ꓮ ꓟꓬ, ꓥ ꓡꓳ ꓐꓰ ꓢꓷ. ꓪ ꓡꓳ꓿ Halloween ꓑꓮꓲ ꓗꓪ ꓡ ꓢꓴ ꓮ ꓟꓬ, ꓡ ꓟ ꓪꓴ. ꓠꓬꓲ ꓕꓲ ꓣꓳ ꓛꓳ ꓕꓲ ꓣꓳ ꓓꓱꓽ ꓡꓯ ꓘꓳ ꓢꓲ ꓢꓯꓼ ꓦ ꓟꓽ ꓓ ꓪꓴ. ꓠꓬꓲ ꓫꓵꓻ ꓡꓰ ꓢꓴ ꓐꓰ ꓠꓻ ꓓꓴ ꓡꓰ ꓢꓴ ꓑ ꓫꓬ ꓮ ꓟꓬ, ꓙꓳ ꓡꓰ ꓟ ꓥ ꓡꓳ꓿
Halloween ꓑꓮꓲ ꓔꓯ 10 ꓦ 29 ꓠꓬ ꓠꓽ ꓛꓳꓼ ꓠꓬꓲ ꓕꓯ ꓬꓰ ꓗꓷ ꓟ ꓥ ꓡꓳ꓿ ꓕꓱ ꓑꓮꓲ ꓗꓪ ꓡ ꓢꓴ ꓐꓴ ꓠꓬ ꓑ ꓫꓬ (100000) ꓣꓳ ꓡ ꓗꓷ ꓟ ꓥ ꓡꓳ꓿ ꓑꓮꓲ ꓬꓲ ꓔꓶ. ꓠꓬ ꓙ ꓖꓴ ꓗꓪ ꓥ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓕꓲ ꓣꓳ ꓛꓳ ꓕꓲ ꓣꓳ ꓓꓱꓽ ꓡꓯ ꓘꓳ ꓗꓷ ꓕꓯ ꓢꓯꓼ ꓦꓻ ꓟꓽ ꓓꓽ ꓢꓲ ꓠꓬꓲ ꓫꓵꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓙꓵꓽ ꓪ ꓙꓳ ꓐꓴ ꓡꓰ ꓠꓻ ꓓꓴ ꓡꓰ ꓢꓴ ꓐꓴ ꓔꓯ ꓠꓻ ꓫꓬ, ꓖꓶ ꓔꓬ ꓢꓲ ꓠꓬꓲ ꓮ ꓫꓵꓽ ꓑꓶ. ꓓꓴ ꓑ ꓫꓬ ꓐꓴ ꓫꓵꓻ ꓡꓰ ꓟ ꓚꓱ, ꓔꓯ ꓚꓺ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ Halloween ꓑꓮꓲ ꓠꓬ ꓫꓵꓻ ꓡꓰ ꓢꓴ ꓐꓴ ꓔꓯ ꓪꓽ ꓘꓴ ꓙ ꓟ ꓑꓮꓲ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓟꓽ ꓦꓻ ꓡꓱ ꓢꓴ ꓐꓴ ꓡꓰ ꓟꓽ ꓔꓱ, ꓟꓽ ꓜꓳꓽ ꓟ ꓚꓱ, ꓗꓪ ꓐꓰ ꓑꓮꓲ ꓔꓯ ꓬꓰ ꓗꓷ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓫꓵꓻ ꓗꓪ ꓛꓲ ꓙꓳ ꓡꓰ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿
Add new comment