ꓗ˗ꓛꓲ ꓗꓴꓷꓼ ꓫꓴ ꓪꓮꓲ˗ꓟꓮꓪ ꓡꓳ ꓒꓱ ꓠꓳ˗ꓛꓲꓸ ꓘꓹ ꓗꓪ ꓑꓶꓸ ꓫꓴ. ꓟꓲ (ꓓꓰ ꓟꓲ ꓗꓪ ) ꓑꓶꓼ ꓠꓶꓼ ꓮ ꓟꓬꓹ ꓟꓬ ꓟ ꓪꓴꓸ ꓠꓬꓲ ꓑ ꓫꓬ ꓐꓴ ꓔꓶꓻ ꓔ ꓟ ꓜ ꓜꓲ ꓐꓬ ꓡꓰ ꓟ ꓓꓳꓽ

ꓗ˗ꓛꓲ ꓗꓴꓷꓼ ꓫꓴ ꓪꓮꓲ˗ꓟꓮꓪ ꓡꓳ ꓒꓱ ꓠꓳ˗ꓛꓲꓸ ꓘꓹ ꓗꓪ ꓑꓶꓸ ꓫꓴ. ꓟꓲ (ꓓꓰ ꓟꓲ ꓗꓪ ) ꓑꓶꓼ ꓠꓶꓼ ꓮ ꓟꓬꓹ ꓟꓬ ꓟ ꓪꓴꓸ ꓠꓬꓲ ꓑ ꓫꓬ ꓐꓴ ꓔꓶꓻ ꓔ ꓟ ꓜ ꓜꓲ ꓐꓬ ꓡꓰ ꓟ ꓓꓳꓽ

9 ꓦ 9 ꓠꓬꓲ 2023 ꓘꓳꓼ ꓕꓯ ꓗ˗ꓛꓲ ꓗꓴꓷꓼ ꓫꓴꓻ ꓪꓮꓲ˗ꓟꓮꓪ ꓡꓳ ꓒꓱ ꓠꓳ˗ꓛꓲꓸ ꓘꓹ ꓗꓪ ꓑ ꓫꓬ ꓐꓴ ꓟꓬꓱꓽ ꓬꓰ ꓜ ꓟ ꓑꓶꓸ ꓫꓴꓸ ꓟꓲ (ꓓꓰ ꓟꓲ) ꓗꓪ ꓑꓶꓼ ꓠꓶꓼ  ꓮ ꓟꓬꓹ ꓟꓬ ꓡ ꓟ ꓪꓴꓸ ꓠꓬꓲ ꓑ ꓫꓬ ꓐꓴ ꓔꓶꓻ ꓔ ꓟ ꓜ ꓜꓲ ꓮ ꓟꓬꓹ ꓐꓬ ꓡꓰ ꓡꓳ ꓐꓰ ꓐꓯ ꓔ ꓡꓳ꓿

ꓑ ꓫꓬ ꓕꓲ ꓣꓳ ꓡꓰ ꓐꓯ ꓔ ꓡꓳ ꓟ ꓠꓬ ꓗꓳꓸ ꓗꓷ ꓟ 6 ꓦ ꓟ ꓕꓯ ꓕꓱ ꓑꓶꓼ ꓠꓶꓼ ꓠꓬ ꓮ ꓘꓶꓸ ꓟꓽ ꓪꓴ ꓢꓲ ꓖꓳ ꓡꓱ ꓥ ꓟꓲ ꓮ ꓟꓶ ꓟ ꓙꓵꓹ ꓗꓪ ꓠꓬ ꓑꓶꓸ ꓫꓴꓸ ꓟꓲ (ꓓꓲ ꓟꓲ) ꓗꓪ ꓑꓶꓼ ꓠꓶꓼ ꓠꓬ ꓮ ꓘꓶꓸ ꓪꓴ ꓡ ꓟ ꓪꓴꓸ ꓠꓬꓲ ꓜ ꓜꓲ ꓔꓯ ꓐꓬ ꓡꓰ ꓝꓲ ꓡꓳ ꓐꓰ ꓐꓯ ꓔ ꓡꓳ꓿

ꓜ ꓜꓲ ꓐꓬ ꓡꓰ ꓝꓲ ꓟ ꓑꓶꓼ ꓠꓶꓼ ꓔꓯ ꓢꓰꓼ ꓠꓹ ꓟ ꓠꓯꓻ ꓞꓲꓼ ꓠꓬ ꓮ ꓘꓶꓸ ꓠꓯꓸ ꓔ ꓟ ꓪꓴꓸ ꓠꓬꓲ ꓑ ꓫꓬ ꓐꓴ ꓮ ꓘꓶꓸ ꓫꓸ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓑꓶꓼ ꓠꓶꓼ ꓔꓯ ꓗꓳꓸ ꓗꓷ ꓟ 3 ꓘꓳꓼ ꓕꓯ ꓡꓳꓸ ꓟꓳ ꓪ ꓟ ꓥ ꓟꓲ ꓞꓲ ꓠꓲ, ꓥ ꓟꓲ ꓝꓮꓲ ꓕꓲ ꓧꓪ, ꓑꓶꓸ ꓫꓴ. ꓟꓲ (ꓓꓰ ꓟꓲ )ꓗꓪ ꓡꓳꓸ ꓟꓳ ꓪ ꓟ ꓥ ꓡꓳ  ꓐꓰ (Myitkyina journal) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿