ꓗ‐ꓛꓲ ꓗꓴꓷꓼ ꓫꓴꓺ ꓲ‐ꓙ‐ꓬ ꓟꓵꓽ ꓲ‐ꓔ‐ꓜꓴ ꓘ, ꓗꓪ ꓙꓳ ꓟ (ꓢꓳ ꓒꓽ ꓢꓳ ꓟ) ꓮ ꓟꓬ, ꓬꓲ. ꓜꓲ, ꓠꓻ ꓔꓬ ꓟ ꓑꓶ. ꓓꓴ ꓙꓳ ꓟ ꓦꓲꓻ ꓑꓲ. ꓔ ꓟ ꓓꓳꓽ

ꓗ‐ꓛꓲ ꓗꓴꓷꓼ ꓫꓴꓺ ꓲ‐ꓙ‐ꓬ ꓟꓵꓽ ꓲ‐ꓔ‐ꓜꓴ ꓘ, ꓗꓪ ꓙꓳ ꓟ (ꓢꓳ ꓒꓽ ꓢꓳ ꓟ)  ꓮ ꓟꓬ, ꓬꓲ. ꓜꓲ, ꓠꓻ ꓔꓬ ꓟ ꓑꓶ. ꓓꓴ ꓙꓳ ꓟ ꓦꓲꓻ ꓑꓲ. ꓔ ꓟ ꓓꓳꓽ

9 ꓦ 20 ꓠꓬꓲ 2022 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓺ ꓲ‐ꓙ‐ꓬ ꓟꓵꓽ ꓲ‐ꓔ‐ꓜꓴ ꓘ, ꓐꓰ ꓡ‐ꓬ ꓘ, ꓗꓪ ꓙꓳ ꓟ (ꓢꓳ ꓒꓽ  ꓚꓢꓳ ꓟ) ꓮ ꓟꓬ, ꓬꓲ. ꓜꓲ, ꓠꓻ ꓔꓬ ꓟ ꓪꓴ. ꓠꓬꓲ ꓢꓳ ꓦꓲꓻ ꓔꓯ ꓑꓲ. ꓔ ꓡꓳ ꓐꓰ ꓢꓷ. ꓪ ꓡꓳ꓿ ꓢꓳ ꓦꓲꓻ ꓗꓪ ꓙꓳ ꓟ (ꓢꓳ ꓒꓽ ꓢꓳ ꓟ) (150) ꓣꓳ ꓠꓬ ꓬꓲ. ꓜꓲ, ꓠꓻ ꓔꓬ ꓟ ꓑꓶ. ꓓꓴ ꓢꓳ ꓦꓲꓻ ꓔꓯ ꓑꓲ. ꓔ ꓟ ꓥ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓟꓲꓽ ꓦ ꓮ ꓘꓶ. ꓦ ꓟ ꓪꓴ. ꓠꓬꓲ ꓬꓲ. ꓜꓲ, ꓠꓻ ꓫꓵꓽ ꓙꓳ_ ꓟ ꓙꓵ, ꓥ ꓟ ꓪꓴ. ꓠꓬꓲ ꓙꓳ ꓟ (ꓢꓳ ꓒꓽ ꓢꓳ ꓟ ) ꓐꓴ ꓮ ꓟꓬ, ꓠꓻ ꓔꓬ ꓟ ꓥ ꓡꓳ꓿ ꓝꓮꓲ ꓢꓳ ꓦꓲꓻ ꓠꓽ ꓗꓷ_ ꓟ ꓠꓬ ꓢꓽ ꓠꓬꓲ ꓙꓳ ꓡꓰꓳ ꓐꓰ ꓐꓯ ꓔ ꓡꓳ꓿

ꓠꓻ ꓔꓬ ꓟ ꓙꓳ ꓟ (ꓢꓳ ꓒ ꓢꓳ ꓟ ) ꓐꓴ ꓠꓬ ꓖꓳ ꓓꓱꓽ ꓝ_ ꓟ꓾ ꓙꓯ_ ꓟ꓾ ꓠ ꓘꓴ ꓢꓲ ꓓꓳ_ ꓟ꓾ ꓦꓬꓼ ꓟ ꓧꓳ,_ ꓟ ꓮ ꓟꓬ, ꓫꓵꓽ ꓠꓻ ꓔꓬ ꓢꓲ ꓠꓬꓲ ꓠꓻ ꓔꓬ ꓢꓴ ꓙꓳ ꓟ (ꓢꓳ ꓒ ꓢꓳ ꓟ) ꓐꓱ ꓶ ꓠꓯꓺ ꓞꓲꓼ ꓣꓱꓽ ꓬꓯꓼ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿