ꓗ‐ꓛꓲ ꓗꓴꓷꓼ ꓫꓴꓻ ꓕꓲ‐ꓠꓮꓲ ꓡꓳ ꓒꓱ ꓗꓪ ꓟꓵꓽ ꓙꓴꓽ ꓙꓲˍ ꓗꓷ ꓟ

 ꓗ‐ꓛꓲ ꓗꓴꓷꓼ ꓫꓴꓻ ꓕꓲ‐ꓠꓮꓲ ꓡꓳ ꓒꓱ ꓗꓪ ꓟꓵꓽ ꓙꓴꓽ ꓙꓲˍ ꓗꓷ ꓟ

10 ꓦ ꓟ 26 ꓠꓬꓲ ꓟꓶꓼ ꓘꓶꓼ 12 ꓙꓵꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓕꓲ‐ꓠꓮꓲ ꓟꓵꓽ ꓗꓪ ꓟꓵꓽ ꓙꓴꓽ ꓕꓲ ꓟ ꓙꓲˍ ꓗꓷ ꓐꓰ ꓐꓯ ꓔ ꓡꓳ꓿ ꓕꓲ‐ꓠꓮꓲ ꓟꓵꓽ ꓗꓪ ꓙꓲˍ ꓟ ꓟꓵꓽ ꓙꓴꓽ ꓠꓬ ꓬꓲ ꓢꓯꓼ ꓮ ꓘꓶ. ꓟꓽ ꓙꓳ ꓟ ꓟꓵꓽ ꓙꓴꓽ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓰ ꓥ ꓟ ꓪꓴ ꓠꓬꓲ ꓟꓵꓽ ꓙꓴꓽ ꓙꓲˍ ꓟ ꓑꓶ. ꓓꓴ ꓠꓻ ꓓꓴ ꓡꓰ ꓢꓴ ꓑ ꓫꓬ ꓐꓴ ꓐꓰ ꓐꓬ ꓡꓰ ꓟ ꓑ ꓫꓬ ꓔꓬ ꓦꓲꓻ ꓟꓽ ꓙꓳˍ ꓐꓰ ꓐꓯ ꓔ ꓡꓳ꓿

 ꓕꓲ‐ꓠꓮꓲ ꓟꓵꓽ ꓗꓪ ꓙꓵꓽ ꓗꓷ ꓟ ꓟꓵꓽ ꓙꓴꓽ ꓠꓬ ꓬꓲ ꓢꓯꓼ (4) ꓙꓳˍ ꓟ ꓟꓵꓽ ꓙꓴꓽ ꓥ ꓡꓳ꓿ ꓕꓱ ꓟꓵꓽ ꓙꓴꓽ ꓙꓲˍ ꓗꓷ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓠꓻ ꓓꓴ ꓡꓰ ꓢꓴ ꓟꓽ ꓔꓬ ꓡꓳ ꓐꓰ ꓟꓵꓽ ꓘꓳꓼ ꓔꓯ ꓟꓳ. ꓢꓷ. ꓠꓲ, ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ ꓐꓰ (Myanma Platform) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿