ꓗ‐ꓛꓲ ꓗꓴꓷꓼ ꓫꓴꓻ ꓗꓪ ꓠꓯꓻ ꓞꓲꓼ ꓟ. ꓒꓽ ꓟ. ꓟ ꓟꓽ ꓡꓳꓼ ꓟ ꓪꓴ. ꓠꓬꓲ ꓠꓻ ꓢꓴ ꓒꓬ ꓢꓴ ꓐꓴ ꓠꓻ ꓫꓬ, ꓠ, ꓟ ꓫ. ꓔꓬ ꓟ ꓓꓳꓽ (local news)

Monday, March 04, 2024

ꓗ‐ꓛꓲ ꓗꓴꓷꓼ ꓫꓴꓻ ꓗꓪ ꓠꓯꓻ ꓞꓲꓼ ꓟ. ꓒꓽ ꓟ. ꓟ ꓟꓽ ꓡꓳꓼ ꓟ ꓪꓴ. ꓠꓬꓲ ꓠꓻ ꓢꓴ ꓒꓬ ꓢꓴ ꓐꓴ ꓠꓻ ꓫꓬ, ꓠ, ꓟ ꓫ. ꓔꓬ ꓟ ꓓꓳꓽ

3 ꓦ ꓟ 2 ꓠꓬꓲ 2024 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓗꓪ ꓡꓳ ꓒꓱ ꓗꓪ ꓐꓰ ꓶꓻ ꓤ ꓗꓪ ꓔꓬ ꓟ ꓑ ꓫꓬ ꓐꓴ ꓐꓱ ꓶ ꓠꓻ ꓫꓬ, ꓖꓶ ꓠ, ꓟ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓮ ꓟꓶ ꓟ ꓙꓵ, ꓗꓪ ꓶꓻ ꓤ ꓒꓵꓽ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓓꓯꓻ ꓔꓬ ꓟ ꓪꓴ. ꓠꓬꓲ ꓠꓯꓻ ꓞꓲꓼ ꓒꓵꓽ ꓥ ꓟꓲ ꓮ ꓘꓶ. ꓛꓲ ꓓꓯꓻ ꓡ ꓟ ꓪꓴ. ꓠꓬꓲ ꓡꓳ ꓒꓱ ꓗꓪ ꓐꓰ ꓶꓻ ꓤ ꓟ ꓟꓵꓽ ꓗꓪ ꓔꓬ ꓟ ꓑ ꓫꓬ ꓐꓴ ꓔꓯ ꓠꓻ ꓫꓬ, ꓖꓶ ꓠ, ꓟ ꓮ ꓘꓶ. ꓛꓲ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓶꓻ ꓤ ꓟ ꓟꓵꓽ ꓗꓪ ꓙꓰ ꓢꓲ ꓠꓬꓲ ꓠꓻ ꓫꓬ, ꓖꓶ ꓔꓬ ꓢꓴ ꓐꓴ ꓡꓰ ꓐꓯ ꓔ ꓟ ꓠꓬ ꓮ ꓟꓶ ꓟ ꓙꓵ, ꓗꓪ ꓠꓯꓻ ꓞꓲꓼ ꓒꓵꓽ ꓠꓬ ꓮ ꓘꓶ. ꓓꓯꓻ ꓡ ꓟ ꓡꓰ ꓟꓽ ꓞꓲ ꓠꓯꓺ ꓞꓲꓼ ꓓꓯ ꓠ, ꓟ ꓐꓱ ꓶ ꓥ ꓟꓲ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓡꓳ ꓒꓱ ꓗꓪ ꓐꓰ ꓶꓻ ꓤ ꓟ ꓟꓵꓽ ꓗꓪ ꓒꓴ ꓔ ꓟ ꓠꓯꓼ ꓞꓲꓼ ꓦꓲꓻ ꓕꓲ ꓐꓱ ꓔꓯ ꓑꓲ. ꓠ, ꓟ ꓗꓷ ꓡꓰ ꓟꓥ ꓡꓳ꓿ ꓠꓯꓻ