ꓗ‐ꓛꓲ ꓗꓴꓷꓼ ꓫꓴꓻ ꓛꓲ‐ꓒꓪꓲ ꓟꓵꓽ ꓗꓪ ꓜ ꓒꓴ ꓕꓲ ꓟꓳ ꓠꓳ ꓠꓬ (160000) ꓒꓯꓼ ꓙꓳ ꓡꓰ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓟ ꓓꓳꓽ

ꓗ‐ꓛꓲ ꓗꓴꓷꓼ ꓫꓴꓻ ꓛꓲ‐ꓒꓪꓲ ꓟꓵꓽ ꓗꓪ ꓜ ꓒꓴ ꓕꓲ ꓟꓳ ꓠꓳ ꓠꓬ (160000) ꓒꓯꓼ ꓙꓳ ꓡꓰ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓟ ꓓꓳꓽ

6 ꓦ ꓟ 23 ꓠꓬꓲ 2023 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓛꓲ‐ꓒꓪꓲ ꓟꓵꓽ ꓗꓪ ꓜ ꓒꓴ ꓕꓲ ꓟꓳ ꓠꓳ ꓠꓬ (160000) ꓒꓯꓼ ꓙꓳ ꓡꓰ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜꓽ ꓓꓴ ꓓꓳꓻ ꓓꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓛꓲ ꓠꓲ, ꓘꓳꓼ ꓫꓵꓼ ꓕꓲ ꓦꓻ ꓘꓴꓽ ꓗꓪ ꓜ ꓒꓴ ꓕꓲ ꓟꓳ ꓠꓳ ꓠꓬ ꓕꓲꓽ ꓫꓬ, ꓒꓯꓼ ꓗꓪ ꓐꓰ ꓪꓴꓻ ꓜꓽ ꓔꓬ ꓥ ꓟꓲ ꓮ ꓟꓶ ꓗꓪ ꓠꓬ ꓜ ꓒꓴ ꓒꓵꓽ ꓮ ꓘꓶ. ꓓꓯꓺ ꓙꓰ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜꓽ ꓓꓴ ꓓꓳꓻ ꓓꓴ ꓮ ꓘꓶ. ꓫ. ꓔꓬ ꓟ ꓥ ꓡꓳ ꓐꓰ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓡꓳ꓿

ꓜ ꓒꓴ ꓒꓵꓽ ꓮ ꓘꓶ. ꓓꓯꓺ ꓡ ꓓꓴ ꓟꓽ ꓓꓵꓽ ꓙ ꓔ ꓥ ꓟꓲ ꓛꓲ ꓠꓲ, ꓠꓬ ꓜ ꓒꓴ ꓒꓵꓽ ꓮ ꓘꓶ. ꓓꓯꓺ ꓡ ꓟ ꓪꓴ. ꓠꓬꓲ ꓮ ꓘꓶ. ꓫ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓡꓱ ꓜ ꓒꓴ ꓒꓵꓽ ꓓꓯꓺ ꓡ ꓟ ꓠꓬ ꓛꓲ‐ꓒꓪꓲ ꓟꓵꓽ ꓗꓪ ꓜ ꓮ ꓘꓶ. ꓟꓽ ꓪ ꓟ ꓪꓴ. ꓠꓬꓲ ꓥ ꓡꓳ꓿ ꓜ ꓒꓴ ꓔꓯ ꓟꓲ‐ꓚꓲ‐ꓠ꓾ ꓪꓮꓲ‐ꓟꓮꓪ ꓗꓪ ꓐꓰ ꓪꓴꓻ ꓢꓲ ꓠꓬꓲ ꓪꓴꓽ ꓔꓬ ꓟ ꓪꓴ. ꓠꓬꓲ ꓜ ꓒꓴ ꓒꓵꓽ ꓓꓯꓺ ꓡ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓛꓲ‐ꓒꓪꓲ ꓡꓳ ꓒꓱ ꓗꓪ ꓐꓰ ꓶꓽ ꓤ ꓗꓪ ꓔꓬ ꓟ ꓑ ꓫꓬ ꓐꓴ ꓥ ꓟꓲ ꓜꓽ ꓓꓴ ꓓꓳꓻ ꓓꓴ ꓒꓵꓽ ꓮ ꓘꓶ. ꓓꓯꓺ ꓡ ꓟ ꓪꓴ. ꓠꓬꓲ ꓮ ꓘꓶ. ꓫ. ꓔꓬ ꓡꓳ ꓐꓰ (Myitkyina news journal ) ꓓꓳꓽ ꓗꓪ ꓐꓰ ꓢꓷ.  ꓪ ꓡꓳ꓿