ꓗ‐ꓛꓲ ꓗꓴꓷꓼ ꓫꓴꓻ ꓟꓲ‐ꓛꓲ‐ꓠ ꓡꓳ ꓒꓱ ꓗꓪ ꓜ ꓒꓴ ꓒꓵꓽ ꓮ ꓘꓶ. ꓓꓯˍ ꓡ ꓟ ꓓꓳꓽ

ꓗ‐ꓛꓲ ꓗꓴꓷꓼ ꓫꓴꓻ ꓟꓲ‐ꓛꓲ‐ꓠ ꓡꓳ ꓒꓱ ꓗꓪ ꓜ ꓒꓴ ꓒꓵꓽ ꓮ ꓘꓶ. ꓓꓯˍ ꓡ ꓟ ꓓꓳꓽ

7 ꓦ ꓟ 8 ꓠꓬꓲ 2023 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓟ ꓲ‐ꓚꓲ‐ꓠ ꓡꓳ ꓒꓱ ꓘꓴꓽ ꓗꓪ ꓜ ꓒꓴ ꓒꓵꓽ ꓮ ꓘꓶ. ꓓꓯˍ ꓡ ꓡꓳ ꓐꓰ ꓐꓯ ꓔ ꓡꓳ꓿ ꓜ ꓒꓴ ꓒꓵ ꓮ ꓘꓶ. ꓓꓯˍ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓦ‐ꓐ ꓗꓪ ꓐꓰ ꓠꓬ ꓜ ꓒꓴ ꓒꓵꓽ ꓮ ꓘꓶ. ꓓꓯ ꓡ ꓡꓳ ꓐꓰ ꓑ ꓫꓬ ꓕꓳ ꓣꓳ ꓡꓰ ꓫ. ꓕꓱ ꓔ ꓡꓳ꓿ ꓗꓳ. ꓗꓷ ꓟ ꓦ‐ꓐ ꓕꓯ ꓜꓽ ꓒꓴ ꓒꓵꓽ ꓠꓬ 60000 ꓒꓯ ꓙꓳˍ ꓥ ꓟꓲ ꓮ ꓟꓲ ꓠꓬ 8000 ꓒꓯ 9000 ꓒꓯ ꓙꓳˍ ꓡꓰꓳ ꓐꓰ ꓐꓯ ꓔ ꓡꓳ꓿

ꓜ ꓒꓴ ꓒꓵꓽ ꓠꓬ ꓕꓲ ꓫꓵꓽ ꓠꓽ ꓡꓰ ꓕꓲ ꓫꓵꓽ ꓠꓽ ꓗꓪ ꓮ ꓘꓶ. ꓓꓯ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓡꓰ ꓐꓰ ꓜ ꓒꓴ ꓒꓵꓽ ꓮ ꓘꓶ. ꓓꓯˍ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓠꓬ ꓜ ꓓꓴ ꓓꓳꓻ ꓓꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓜ ꓒꓴ ꓒꓵꓽ ꓠꓬ ꓮ ꓟꓬ, ꓥ ꓟꓶ ꓝꓮꓲ ꓮ ꓟꓬ, ꓓꓯˍ ꓡ ꓓꓴ ꓙꓳˍ ꓡꓳ ꓐꓰ (Manau Voice) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿