ꓗ‐ꓠꓯ‐ꓓ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓐꓴ ꓔꓲꓺ ꓒ ꓪ ꓔꓲ ꓔꓯ ꓜꓲ ꓡ ꓟ ꓓꓳꓽ

ꓗ‐ꓠꓯ‐ꓓ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓐꓴ ꓔꓲꓺ ꓒ ꓪ ꓔꓲ ꓔꓯ ꓜꓲ ꓡ ꓟ ꓓꓳꓽ

11 ꓦ ꓟ 17 ꓠꓬꓲ ꓕꓯ ꓗ‐ꓠꓯ‐ꓓ ꓗꓪ ꓐꓰ ꓗ‐ꓕꓳ‐ꓡꓲ ꓔꓲꓺ ꓒ ꓓꓽ ꓐꓴ ꓠꓬ Vatican ꓗꓴꓷꓼ ꓗꓪ ꓔꓬ ꓟ ꓔꓲꓺ ꓒ ꓪ ꓔꓲ ꓔꓯ ꓜꓲ ꓡꓯ ꓘꓳ ꓗꓷꓳ ꓐꓰ ꓐꓯ ꓔ ꓡꓳ꓿ꓔꓲꓺ ꓒ ꓪ ꓔꓲ ꓠꓬ ꓗꓳ. ꓗꓷ ꓟ ꓦ ꓐ ꓛꓳꓼ ꓟ ꓕꓯ ꓗ‐ꓠꓯ‐ꓓ ꓗꓴꓷꓼ ꓗꓪ ꓙꓰ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓗ‐ꓠꓯ‐ꓓ ꓗꓴꓷꓼ ꓗꓪ ꓙꓰ ꓗꓷ ꓕꓯ ꓗꓳ. ꓗꓷ ꓟ ꓙꓵ, ꓕꓯ ꓪꓴ‐ꓢ ꓟꓬꓱꓽ ꓟꓯꓻ ꓢꓴ ꓐꓴ ꓐꓰ ꓗ‐ꓠꓯ‐ꓓ ꓞꓳ ꓫꓵꓽ ꓐꓴ ꓟꓽ ꓪꓽ ꓡꓯ ꓘꓳ ꓓꓴ ꓮ ꓟꓬ, ꓙꓳ ꓡꓰ ꓟ ꓔꓯ ꓪꓽ ꓡꓯ ꓘꓳ ꓠ, ꓟ ꓢꓯꓼ ꓕꓵꓼ ꓗꓷ ꓟ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓮ ꓟꓶ ꓟ ꓙꓵ, ꓗꓪ ꓠꓬ ꓘꓴ ꓜꓲꓼ ꓞꓳ ꓐꓰ ꓗ‐ꓠꓯ‐ꓓ ꓞꓳ ꓫꓵꓽ ꓐꓴ ꓪꓽ ꓡꓯ ꓘꓳ ꓓꓴ ꓮ ꓟꓬ, ꓙꓳ ꓡꓰꓳ ꓐꓰ ꓧꓳꓽ ꓪꓴ. ꓟꓴ ꓢꓴ ꓐꓴ ꓡꓰ ꓐꓯ ꓔ ꓡꓳ꓿

ꓝꓮꓲ ꓗ‐ꓠꓯ‐ꓓ ꓗꓴꓷꓼ ꓗꓪ ꓔꓬ ꓟ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓙꓲ‐ꓢꓴ ꓢꓲꓺ ꓤ ꓐꓴ ꓐꓰ ꓗ‐ꓠꓯ‐ꓓ ꓞꓳ ꓫꓵꓽ ꓐꓴ ꓐꓰ ꓮ ꓟꓬ, ꓪꓽ ꓡꓯ ꓘꓳ ꓠ, ꓟ ꓐꓰ ꓡ ꓠ, ꓟ ꓙꓵ, ꓕꓯ ꓞꓳ ꓡꓯ. ꓞꓳ ꓡꓱ ꓐꓴ ꓐꓱ ꓶ ꓢꓷ. ꓠꓲ, ꓕꓳꓽ ꓶ ꓢꓳ ꓣꓴ ꓟꓶ ꓠ, ꓟ ꓘꓴ ꓜꓲꓼ ꓞꓳ ꓗꓪ ꓐꓰ ꓮ ꓟꓬ, ꓬꓰ ꓙ ꓠ, ꓟ ꓐꓯ ꓗꓷꓳ꓿

ꓝꓮꓲ ꓗ‐ꓠꓯ‐ꓓ ꓔꓲꓺ ꓒ ꓓꓽ ꓡꓰ ꓘꓴ ꓜꓲꓼ ꓞꓳ ꓡꓰ ꓒꓴ ꓔ ꓟ ꓢꓳ ꓦꓲꓻ ꓗꓪ ꓢꓳ ꓤ ꓐꓴ ꓔꓯ ꓟꓲ ꓠꓯ ꓢꓷ. ꓠꓲ, ꓐꓰ ꓪꓴ‐ꓢ ꓐꓯ ꓘꓶꓽ ꓔꓯ ꓟ. ꓖꓶ ꓔꓬ ꓟ ꓐꓰ ꓟꓽ ꓦ ꓡꓱ ꓢꓴ ꓐꓴ ꓔꓯ ꓥ ꓟꓲ ꓢꓳ ꓦꓲꓻ ꓗꓪ ꓘꓳ, ꓣꓴ ꓢꓲ ꓠꓬꓲ ꓟꓲ ꓠꓯ ꓢꓷ. ꓠꓲ, ꓟ. ꓖꓶ ꓔꓬ ꓟ ꓚꓱ, ꓔꓯ ꓐꓯ ꓟ. ꓖꓶ ꓗꓷꓳ꓿ ꓗ‐ꓠꓯ‐ꓓ ꓗꓴꓷꓼ ꓐꓰ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓔꓬ ꓟ ꓔꓲꓺ ꓒ ꓓꓽ ꓐꓴ ꓔꓯ ꓗ‐ꓠꓯ‐ꓓ ꓞꓳ ꓫꓵꓽ ꓐꓴ ꓐꓰ ꓪꓽ ꓡꓯ ꓘꓳ ꓓꓴ ꓮ ꓟꓬ, ꓙꓳ ꓠ, ꓟ ꓔꓲꓺ  ꓒ ꓪ ꓔꓲ ꓡꓰ ꓐꓯ ꓗꓷꓳ꓿