ꓗ‐ꓢꓰ‐ꓢꓲ‐ꓔ ꓗꓴꓷꓼ ꓗꓪ ꓔꓲ.‐ꓠꓰ. ꓓꓶꓽ ꓡꓯ ꓘꓳ_ ꓟ ꓗꓪ ꓡꓲ‐ꓢꓴ ꓒꓽ (3) ꓣꓳ ꓐ ꓢꓲ ꓠꓬꓲ ꓡꓯꓼ ꓫꓴꓺ ꓓꓽ ꓘꓳ, ꓣꓴ ꓟꓶˍ ꓟ ꓓꓳꓽ

ꓗ‐ꓢꓰ‐ꓢꓲ‐ꓔ ꓗꓴꓷꓼ ꓗꓪ ꓔꓲ.‐ꓠꓰ. ꓓꓶꓽ ꓡꓯ ꓘꓳ_ ꓟ ꓗꓪ ꓡꓲ‐ꓢꓴ ꓒꓽ (3) ꓣꓳ ꓐ ꓢꓲ ꓠꓬꓲ ꓡꓯꓼ ꓫꓴꓺ ꓓꓽ ꓘꓳ, ꓣꓴ ꓟꓶˍ ꓟ ꓓꓳꓽ

9 ꓦ 17 ꓠꓬꓲ 2022 ꓘꓳꓼ ꓕꓯ ꓗ‐ꓢꓰ‐ꓢꓲ‐ꓢ‐ꓔ ꓗꓴꓷꓼ ꓗꓪ ꓬꓲ ꓞꓲꓼ (12) ꓘꓳꓼ ꓙꓳ ꓡꓰ ꓢꓴ ꓐꓴ ꓔꓲ.‐ꓠꓰ ꓓꓶꓽ ꓔꓯ ꓡꓯꓼ ꓘꓳ ꓟ ꓑꓮꓲ ꓗꓪ ꓡꓲ‐ꓢꓴ ꓒꓽ (3) ꓣꓳ ꓥ ꓟꓲ ꓔꓯ ꓡꓯꓼ ꓘꓳ ꓗꓷ ꓐꓰ ꓢꓷ. ꓪ ꓡꓳ꓿ ꓕꓱ ꓔꓲ.‐ꓠꓰ ꓓꓶꓽ ꓔꓯ ꓡꓯꓼ ꓘꓳ ꓟ ꓠꓬ ꓬꓲ ꓞꓲꓼ (12) ꓘꓳꓼ ꓙꓳ ꓡꓰ ꓢꓴ ꓐꓴ ꓔꓯ ꓡꓯꓼ ꓘꓳ ꓟ ꓑꓮꓲ ꓥ ꓡꓳ꓿ ꓟꓬ‐ꓟ ꓗꓴꓷꓼ ꓗꓪ ꓐꓰ ꓔꓲ‐ꓠꓰ ꓓꓶꓽ ꓔꓯ ꓡꓯ ꓘꓳ ꓡ ꓟ ꓗꓪ ꓐꓰ ꓡꓲ‐ꓢꓴ ꓤ (3) ꓣꓳ ꓥ ꓟꓲ ꓐ ꓗꓷꓳ꓿

ꓬꓲ ꓪ 3 ꓣꓳ ꓟꓬꓱꓺ ꓠꓬ ꓓ‐ꓪꓵ꓾ ꓒꓲ‐ꓢ‐ꓢꓯ.꓾ ꓐꓰ ꓖꓪ‐ꓤ‐ꓞꓰ ꓐꓴ ꓥ ꓡꓳ꓿ ꓬꓲ ꓪ ꓠꓬ ꓑꓴꓔꓮꓳ ꓡꓳ ꓒꓱ ꓟꓲ‐ꓚꓲ‐ꓠ ꓡꓳ ꓒꓱ ꓐꓰ ꓢꓳ‐ꓡꓳ ꓡꓳ ꓒꓱ ꓗꓪ ꓐꓰ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓝꓮꓲ ꓬꓲ. ꓪ ꓔꓲ‐ꓠꓰ ꓔꓯ ꓡꓯ ꓘꓳ ꓗꓷ ꓟ ꓑꓮꓲ ꓗꓪ 3 ꓧꓪ, ꓧꓪ. ꓡꓰ ꓕꓲ ꓧꓪ, ꓠꓬ ꓞꓳ. ꓡꓰ ꓐꓰ ꓢꓷ. ꓪ ꓡꓳ꓿ꓝꓮꓲ ꓡꓯ ꓫꓴꓺ ꓓꓽ ꓘꓳ, ꓣꓴ ꓟꓶ ꓡꓰ ꓢꓲ ꓠꓬꓲ 9 ꓦ 20 ꓠꓬꓲ ꓕꓯ ꓬꓮꓠꓖꓳꓠ ꓡꓳ ꓒꓱ ꓗꓪ ꓡꓽ ꓛꓲ ꓡꓳ ꓐꓰ ꓢꓷ. ꓪ ꓡꓳ꓿ ꓟꓬ‐ꓟ ꓗꓴꓷꓼ ꓐꓱ ꓶ ꓟꓬꓱꓽ ꓓꓳꓽ ꓛꓵꓽ ꓔꓴ ꓢꓴ ꓓꓽ ꓒꓽ ꓐꓴ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓗ, ꓛꓲ ꓛꓲ ꓡꓰ ꓘꓳ, ꓣꓴ ꓗꓷꓳ ꓐꓰ ꓢꓷ. ꓪ ꓡꓳ꓿