ꓗ‐ꓬ ꓟꓵꓽ ꓗꓪ ꓐꓰ ꓤ ꓠꓱ ꓤ ꓐꓴ ꓧꓪꓽ ꓖꓳ ꓓꓱ ꓗꓪ ꓠꓻ ꓫꓵꓽ ꓔꓳ, ꓜꓳ ꓔꓬ ꓟ ꓓꓳꓽ

ꓗ‐ꓬ ꓟꓵꓽ ꓗꓪ ꓐꓰ ꓤ ꓠꓱ ꓤ ꓐꓴ ꓧꓪꓽ ꓖꓳ ꓓꓱ ꓗꓪ ꓠꓻ ꓫꓵꓽ ꓔꓳ, ꓜꓳ ꓔꓬ ꓟ ꓓꓳꓽ

3 ꓦ ꓟ 17 ꓠꓬꓲ 2023 ꓘꓳꓼ ꓕꓯ ꓗ‐ꓬ ꓟꓵꓽ ꓓꓲ‐ꓟꓳ‐ꓢꓳ ꓟꓵꓽ  ꓗꓪ ꓐꓰ ꓟꓯꓼ ꓘꓰ, ꓟꓯꓼ ꓑꓬ ꓔꓬ ꓢꓴ ꓐꓴ ꓗꓪ ꓐꓰ ꓤ ꓠꓱ ꓤ ꓐꓴ ꓮ ꓟꓬ, ꓠꓬ ꓧꓪꓽ ꓖꓳ ꓓꓱ ꓬꓲ. ꓗꓪ. ꓙꓲꓻ ꓗꓪ ꓠꓻ ꓓꓴ ꓔꓳ, ꓜꓳ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓤ ꓠꓱ ꓤ ꓐꓴ ꓐꓱ ꓶ ꓠꓯꓺ ꓞꓲꓼ ꓣꓱ ꓞ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓗꓳ. ꓗꓷ ꓟ 3 ꓦ ꓟ 9 ꓠꓬꓲ ꓗꓪ ꓐꓰ ꓓꓳꓻ ꓓꓴ ꓬꓲꓻ ꓙꓬ ꓫ. ꓡꓰ ꓟ ꓪꓴ. ꓠꓬꓲ ꓤ ꓠꓱ ꓤ ꓐꓴ ꓖꓳ ꓓꓱꓽ ꓢꓲꓽ ꓫꓬ ꓠ, ꓟ ꓫ. ꓡꓰ ꓟ ꓪꓴ. ꓠꓬꓲ  ꓧꓪꓽ ꓖꓳ ꓓꓱ ꓬꓲ. ꓗꓪ. ꓙꓲꓻ ꓗꓪ ꓠꓻ ꓓꓴ ꓒꓬꓱꓼ ꓡ ꓟ ꓥ ꓡꓳ꓿

ꓠꓻ ꓔꓬ ꓢꓴ ꓤ ꓠꓱ ꓤ ꓐꓴ ꓠꓬ ꓧꓪꓽ ꓖꓳ ꓓꓱ ꓞꓻ ꓡ ꓟ ꓝꓮꓲ ꓮ ꓟꓬ, ꓫꓵꓽ ꓠꓻ ꓔꓬ ꓟ ꓥ ꓡꓳ꓿ ꓕꓱ ꓤ ꓠꓱ ꓤ ꓐꓴ ꓠꓬ ꓟꓵꓽ ꓗꓪ ꓔꓬ ꓟ ꓪꓴ. ꓠꓬꓲ ꓠꓻ ꓫꓬ, ꓠ, ꓟ ꓫ. ꓔꓬ ꓡꓳ꓿

ꓤ ꓠꓱ ꓤ ꓐꓴ ꓐꓱ ꓶ ꓜꓽ ꓓꓴ ꓐꓰ ꓠꓯꓺ ꓞꓲꓼ ꓣꓱ ꓬꓯꓼ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓠꓻ ꓓꓴ ꓔꓳ, ꓜꓳ ꓔꓬ ꓟ ꓤ ꓠꓱ ꓤ ꓐꓴ ꓠꓬ (50) ꓣꓳ ꓥ ꓡꓳ ꓐꓰ (The 74) media ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿