ꓗꓟꓢꓢ‐ꓟꓬꓲꓔꓗꓬꓲꓠꓮ ꓜꓴꓻ ꓗꓪ ꓐꓰ ꓟꓯꓼ ꓘꓰ ꓟꓯꓼ ꓒꓬ ꓔꓬ ꓢꓴ ꓐꓴ ꓔꓯ ꓔꓶ ꓫꓵꓽ ꓔꓶ ꓙꓵꓽ ꓢꓳꓻ ꓜꓲꓼ ꓓꓴ ꓬꓰ ꓖꓶ ꓟ

ꓗꓟꓢꓢ‐ꓟꓬꓲꓔꓗꓬꓲꓠꓮ ꓜꓴꓻ ꓗꓪ ꓐꓰ ꓟꓯꓼ ꓘꓰ ꓟꓯꓼ ꓒꓬ ꓔꓬ ꓢꓴ ꓐꓴ ꓔꓯ ꓔꓶ ꓫꓵꓽ ꓔꓶ ꓙꓵꓽ ꓢꓳꓻ ꓜꓲꓼ ꓓꓴ ꓬꓰ ꓖꓶ ꓟ

 7 ꓦ ꓟ 5 ꓠꓬꓲ 2023 ꓘꓳꓼ ꓕꓯ ꓗꓟꓢꓢ‐ꓟꓬꓲꓔꓗꓬꓬꓲꓠꓮ ꓜꓴꓻ ꓗꓪ ꓐꓰ ꓟꓯꓼ ꓘꓰ ꓟꓯꓼ ꓒꓬ ꓔꓬ ꓢꓴ ꓑ ꓫꓬ ꓐꓴ ꓔꓯ ꓔꓶ ꓫꓵꓽ ꓔꓶ ꓙꓵꓽ ꓚꓱ, ꓔꓯ ꓟ. ꓖꓶ ꓗꓷꓳ ꓐꓰ ꓐꓯ ꓔ ꓡꓳ꓿ ꓕꓱ ꓢꓳꓻ ꓜꓲꓼ ꓓꓴ ꓔꓯ 6 ꓦ ꓟ 29 ꓠꓬꓲ ꓗꓪ ꓐꓰ 30 ꓠꓬꓲ ꓛꓲ ꓗ‐ꓔꓳ‐ꓗꓴ ꓪꓽ ꓘꓴ ꓦꓲꓻ ꓮꓴꓠꓖꓠꓮꓠ ꓗꓪ ꓟ. ꓖꓶ ꓗꓷꓳ ꓐꓰ ꓐꓯ ꓔ ꓡꓳ꓿ꓕꓱ ꓢꓳꓻ ꓜꓲꓼ ꓓꓴ ꓗꓪ ꓑ‐ꓡ‐ꓠ ꓐꓰ ꓠꓳ‐ꓐꓳ ꓟꓯꓼ ꓘꓰ ꓟꓯꓼ ꓒꓬ ꓔꓬ ꓢꓴ ꓑ ꓫꓬ ꓐꓴ ꓢꓳꓻ ꓤ (39) ꓣꓳ ꓔꓯ ꓟ. ꓖꓶ ꓗꓷꓳ ꓐꓰ ꓐꓯ ꓔ ꓡꓳ꓿

ꓕꓱ ꓢꓳꓻ ꓜꓲꓼ ꓓꓴ ꓗꓪ ꓐꓰ ꓔꓶ ꓫꓵꓽ ꓔꓶ ꓙꓵꓽ ꓔꓯ ꓮ ꓡꓰ ꓐꓰ ꓔꓶ ꓢꓲ ꓠꓬꓲ ꓪꓴꓽ ꓜ ꓠ, ꓟ ꓐꓰ ꓪꓴꓽ ꓟꓴ ꓡ ꓠ, ꓟ ꓮ ꓡꓰ ꓐꓰ ꓬꓰ ꓠ, ꓟ ꓚꓱ, ꓮ ꓟꓬ, ꓫꓵꓽ ꓔꓯ ꓟ. ꓖꓶ ꓗꓷꓳ꓿ ꓝꓮꓲ ꓔꓶ ꓫꓵꓽ ꓔꓶ ꓙꓵꓽ ꓗꓪ ꓠꓯꓻ ꓞꓲꓼ ꓔꓯ ꓮ ꓡꓰ ꓐꓰ ꓣꓱ ꓟ ꓚꓱ, ꓔꓯ ꓥ ꓟꓲ  ꓟ. ꓖꓶ ꓗꓷꓳ ꓐꓰ ꓗꓟꓢꓢ‐ꓟꓬꓲꓔꓗꓬꓲꓠꓮ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿