ꓗꓟꓢꓢ ꓟꓲ‐ꓚꓲ‐ꓠꓽ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓟꓳ.‐ꓠꓬꓲ, ꓗꓪ ꓑ ꓫꓬ ꓐꓴ ꓔꓯ ꓜꓽ ꓓꓴ ꓓꓳ ꓓꓴ ꓬꓰ ꓙ ꓗꓷ ꓟ ꓓꓳꓽ

ꓗꓟꓢꓢ ꓟꓲ‐ꓚꓲ‐ꓠꓽ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓟꓳ.‐ꓠꓬꓲ, ꓗꓪ ꓑ ꓫꓬ ꓐꓴ ꓔꓯ ꓜꓽ ꓓꓴ ꓓꓳ ꓓꓴ ꓬꓰ ꓙ ꓗꓷ ꓟ ꓓꓳꓽ

11 ꓦ ꓟ 22 ꓠꓬꓲ 2022 ꓘꓳꓼ ꓕꓯ ꓟꓲ‐ꓚꓲ‐ꓠꓽ ꓢ‐ꓢꓶ‐ꓠꓽ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓡꓰ ꓒꓴ ꓔ ꓟ ꓗꓟꓢꓢ ꓜꓴꓻ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓟꓳ.‐ꓠꓬꓲ, ꓡꓳ ꓒꓱ ꓡꓳ ꓒꓱ ꓒ ꓕꓲꓺ ꓗꓪ ꓔꓬ ꓟ ꓜꓽ ꓓꓴ ꓓꓳ ꓓꓴ ꓫ. ꓔꓬ ꓢꓴ ꓑ ꓫꓬ ꓐꓴ ꓔꓯ  ꓮ ꓟꓬ, ꓬꓰ ꓙ ꓗꓷꓳ ꓐꓰ ꓢꓷ. ꓪ ꓡꓳ꓿

ꓝꓮꓲ ꓗꓟꓢꓢ ꓜꓴꓻ ꓡꓰ ꓠꓻ ꓓꓴ ꓔꓳ, ꓜꓳꓽ ꓡ ꓟ ꓙꓵ, ꓕꓯ ꓮ ꓡꓰ ꓐꓰ ꓬꓰ ꓙ ꓔ ꓙ ꓠ, ꓟ ꓢꓷ. ꓠꓲ, ꓔꓯ ꓥ ꓟꓲ ꓟ. ꓖꓶ ꓗꓷꓳ ꓐꓰ ꓢꓷ. ꓪ ꓡꓳ꓿ ꓟꓳ.‐ꓠꓬꓲ, ꓡꓳ ꓒꓱ ꓒ ꓕꓲꓺ ꓗꓪ ꓔꓬ ꓟ ꓫ. ꓢꓴ ꓟꓷꓼ ꓢꓴ ꓑ ꓫꓬ ꓐꓴ ꓐꓰ ꓠꓻ ꓔꓬ ꓢꓴ ꓑ ꓫꓬ ꓐꓴ ꓣꓱꓽ ꓞ, ꓔꓬ ꓟ ꓮ ꓟꓬ, ꓫꓵꓽ ꓔꓯ ꓬꓰ ꓙ  ꓗꓷꓳ꓿

ꓗꓟꓢꓢ ꓜꓴꓻ ꓡꓰ 11 ꓦ ꓟ 10 ꓠꓬꓲ ꓗꓪ ꓐꓰ 11 ꓠꓬꓲ ꓕꓯ ꓲꓠ,‐ꓓꓮꓪ ꓗꓪ ꓔꓬ ꓟ ꓫ. ꓔꓬ ꓢꓴ ꓑ ꓫꓬ ꓐꓴ ꓔꓯ ꓜꓽ ꓓꓴ ꓓꓳ ꓓꓴ ꓐꓰ ꓠꓯꓻ ꓞꓲꓼ ꓬꓰ ꓙ ꓗꓷꓳ ꓐꓰ ꓢꓷ. ꓪ ꓡꓳ꓿ ꓗꓟꓢꓢ ꓜꓴꓻ ꓠꓬ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓡꓰ ꓫ. ꓔꓬ ꓢꓴ ꓐꓴ ꓔꓯ ꓬꓰ ꓙ ꓠ, ꓟ ꓒꓴ ꓔ ꓟ ꓜꓴꓻ ꓥ ꓡꓳ꓿