ꓗꓰꓠꓧ ꓔꓴꓠꓖ ꓗ-ꓕꓳ-ꓡꓲꓗ ꓢ-ꓢꓶꓽ-ꓠꓽ ꓬꓰ-ꓢꓴ ꓫꓵꓺ ꓠꓲꓹ ꓟ ꓔꓲꓺ ꓒ ꓒꓬꓱꓼ ꓢꓳ ꓦꓲ (50) ꓘꓳꓼ ꓐꓲˍ ꓟ ꓫꓵꓺ ꓙꓴꓐꓲꓡꓰꓰ ꓑꓮꓲꓽ ꓬꓰ ꓓꓳ ꓡꓰꓳ

ꓗꓰꓠꓧ ꓔꓴꓠꓖ ꓗ-ꓕꓳ-ꓡꓲꓗ ꓢ-ꓢꓶꓽ-ꓠꓽ ꓬꓰ-ꓢꓴ ꓫꓵꓺ ꓠꓲꓹ ꓟ ꓔꓲꓺ ꓒ ꓒꓬꓱꓼ ꓢꓳ ꓦꓲ (50) ꓘꓳꓼ ꓐꓲˍ ꓟ ꓫꓵꓺ ꓙꓴꓐꓲꓡꓰꓰ ꓑꓮꓲꓽ ꓬꓰ ꓓꓳ ꓡꓰꓳ

ꓗꓰꓠꓖ ꓔꓴꓠꓖ ꓗ-ꓔꓳ-ꓡꓲꓗ ꓢ-ꓢꓶꓽ-ꓠꓽ꓾ ꓗꓰꓠꓖ ꓔꓴꓠꓖ ꓡꓳ ꓒꓱ ꓗꓪ 12 ꓦ 4 ꓠꓬꓲ 2022 ꓘꓳꓼ ꓕꓯ ꓬꓰ-ꓢꓴ ꓫꓵꓺ ꓠꓲꓹ ꓟ ꓔꓲꓺ ꓒ ꓒꓬꓱꓼ ꓢꓳ ꓦꓲ (50) ꓘꓳꓼ ꓐꓲˍ ꓟ ꓙꓴꓐꓲꓡꓰꓰ ꓑꓮꓲꓽ ꓔꓯ ꓠꓯꓼ ꓙꓵꓹ ꓕꓯ ꓬꓰ ꓓꓳ ꓡꓰꓳ=

ꓬꓲꓸ ꓪꓴꓸ ꓗꓪ ꓙꓴꓐꓲꓡꓰꓰ ꓚꓲꓸ ꓟꓶ ꓓꓴ ꓕꓳꓽ ꓶ ꓐꓳ ꓔ ꓟ ꓭꓸ ꓛꓲ ꓬꓲꓻ ꓘꓴ ꓔꓯ ꓗꓰꓠꓖ ꓔꓴꓠꓖ ꓗ-ꓔꓳ-ꓡꓲꓗ ꓢ-ꓢꓶꓽ-ꓠꓽ ꓔꓲꓺ ꓒ ꓓꓽ ꓙꓳꓧꓠ ꓢꓮꓪ ꓬꓮꓪ ꓧꓮꓠ ꓡꓰ ꓶꓽ ꓥꓳꓽ ꓙꓱꓽ ꓖꓶꓽ ꓗꓷ ꓢꓲ ꓑꓮꓲꓽ ꓔꓯ ꓒꓴ ꓗꓷꓳ=

ꓖꓳ ꓗ ꓠꓯꓸ ꓔꓲꓺ ꓒ ꓓꓽ ꓐꓰ ꓗꓰꓠꓖ ꓔꓴꓠꓖ ꓢ-ꓢꓶꓽ-ꓠꓽ ꓗꓪ ꓟ ꓔꓲ ꓒ ꓐꓴ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓟꓲ-ꓢ ꓪꓽ ꓘꓴˍ ꓟ ꓔꓯ ꓬꓰ ꓗꓷꓳ=

ꓟꓲ-ꓢ ꓬꓰ ꓓꓳ ꓡꓰ ꓗ ꓠꓯꓸ ꓔꓲꓺ ꓒ ꓒꓬꓱꓼ ꓢꓳ ꓦꓲ ꓫꓵꓺ ꓙꓴꓐꓲꓡꓰꓰ ꓚꓲꓸ ꓟꓶ ꓓꓴ ꓐꓬꓱꓽ ꓟꓳꓸ ꓖꓶ ꓔ ꓖꓴ ꓔꓯ ꓔꓲꓺ ꓒ ꓓꓽ ꓐꓰ ꓕꓲ ꓪꓽ ꓖꓳ ꓗꓪ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓡꓰ ꓒꓴ ꓖꓶ ꓗꓷꓳ=

ꓝ ꓢꓲ ꓠꓬꓲ ꓙꓴꓐꓲꓡꓰꓰ ꓚꓲꓸ ꓟꓶ ꓓꓴ ꓑꓮꓲꓽ ꓐꓰ ꓜ ꓜꓽ ꓑꓮꓲꓽ ꓔꓯ ꓑꓲ-ꓟꓰ ꓗꓳꓹ ꓗꓪ ꓬꓰ ꓗꓷ ꓢꓲ ꓔꓲꓺ ꓒ ꓓꓽ ꓡꓰ ꓫꓸ ꓕꓱˍ ꓟ꓾ ꓢꓳꓻ ꓦꓲ ꓗꓪ ꓔꓬ ꓗꓳꓸ ꓗꓷ ꓢꓴ ꓗꓳ-ꓟ-ꓔꓲ ꓡꓰ ꓬꓰ-ꓢꓴ ꓬꓲ ꓫꓵꓺ ꓠꓲꓹ ꓟ ꓔꓲꓺ ꓒ ꓒꓬꓱꓼ ꓢꓳ ꓦꓲ ꓚ ꓟꓲꓽ ꓔꓯ ꓵꓻ ꓟꓸ ꓖꓶˍ ꓟ꓾ ꓪꓴ-ꓢ ꓟꓬꓱꓽ ꓟꓯꓻ ꓔꓬ ꓟ ꓔꓲꓺ ꓟ ꓜꓴꓻ ꓐꓴ ꓐꓰ ꓠꓱꓸ ꓐꓯ ꓜꓴꓻ ꓐꓴ ꓗꓪ ꓐꓰˍ ꓟꓲ ꓒꓵꓽ ꓗ ꓬꓰˍ ꓟ ꓕꓳꓽ ꓶ ꓵꓻˍ ꓟ ꓔꓯ ꓬꓰ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓖꓳ ꓗ ꓠꓯꓸ ꓢꓳ ꓦꓲꓻ ꓗꓪ ꓔꓬ ꓗꓳꓸ ꓗꓷ ꓢꓴ ꓡꓰ ꓢꓳ ꓦꓲ ꓐꓱ ꓶ ꓮꓽ ꓡꓴ ꓒꓴ ꓖꓶˍ ꓟ ꓬꓰ ꓗꓷ ꓢꓲ꓾ ꓑꓮꓲꓽ ꓗꓪ ꓛꓲꓺ ꓡ ꓗꓷ ꓟ ꓢꓳ ꓦꓲ ꓗꓪ ꓔꓬ ꓗꓳꓸ ꓗꓷ ꓟ ꓢꓳ ꓤ ꓐꓴ ꓐꓰ ꓬꓲ ꓪ ꓕꓲ ꓦꓲ ꓢꓴ ꓐꓴ ꓡꓰ ꓟꓳꓼ ꓡꓳ ꓜ ꓜꓽ ꓗꓷ ꓢꓲ ꓑꓮꓲꓽ ꓔꓯ ꓠꓽ ꓗꓷꓳ꓾ ꓐꓰ ꓢꓷꓸ ꓪ ꓡꓳ=