ꓗꓳ‐ꓡꓯ‐ꓐꓲ‐ꓬ ꓗꓴꓷꓼ ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓑ ꓫꓬ (33)ꓣꓳ ꓫꓵꓻ ꓡꓰ ꓟ ꓓꓳꓽ

Wednesday, December 07, 2022

ꓗꓳ‐ꓡꓯ‐ꓐꓲ‐ꓬ ꓗꓴꓷꓼ ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓑ ꓫꓬ (33)ꓣꓳ ꓫꓵꓻ ꓡꓰ ꓟ ꓓꓳꓽ

12 ꓦ ꓟ 6 ꓠꓬꓲ 2022 ꓘꓳꓼ ꓕꓯ ꓗꓳ‐ꓡꓯ‐ꓐꓲ‐ꓬ ꓗꓴꓷꓼ ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓙꓽ ꓖꓴ ꓗꓪ ꓟꓳ‐ꓓꓳ ꓕꓲ ꓢꓶꓽ ꓡꓱꓸꓼ ꓔꓲ. ꓡꓰ ꓢꓲ ꓠꓬꓲ ꓟꓳ‐ꓓꓳ ꓘꓴꓽ ꓗꓪ ꓜꓶꓽ ꓔꓬ ꓟ ꓑ ꓫꓬ 33 ꓣꓳ ꓠꓬ ꓫꓵꓻ ꓢꓲ ꓠꓬꓲ ꓢꓯ. ꓔꓬ ꓢꓴ 9 ꓣꓳ ꓔꓯ ꓚꓬꓴ. ꓙ ꓗꓷꓳ ꓐꓰ ꓐꓯ ꓔ ꓡꓳ꓿

ꓕꓱ ꓫꓵꓻ ꓡꓰ ꓟ ꓑ ꓫꓬ ꓐꓴ ꓘꓴꓽ ꓗꓪ ꓐꓰ ꓤ ꓠꓱ ꓤ ꓢ ꓣꓳ ꓥ ꓟꓲ ꓐ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓟꓳ‐ꓓꓳ ꓘꓴꓽ ꓗꓪ ꓐꓰ ꓢꓯ. ꓔꓬ ꓢꓴ ꓑ ꓫꓬ ꓕꓲ ꓣꓳ ꓡꓰ ꓐꓯ ꓟ. ꓖꓶ ꓡ ꓟ ꓠꓬ ꓟꓳ‐ꓓꓳ ꓫꓵ. ꓒꓽ ꓠꓬ ꓟꓵꓽ ꓡꓶꓽ ꓡ ꓟ ꓔꓯ ꓗꓽ ꓕ. ꓠ, ꓟ ꓮ ꓟꓬ, ꓢꓯꓼ ꓕꓵꓼ ꓢꓲ ꓠꓬꓲ ꓟꓳ‐ꓓꓳ ꓔꓯ ꓫꓵ. ꓗꓷ ꓥ ꓟꓲ ꓟꓳ‐ꓓꓳ ꓘꓴꓽ ꓗꓪ ꓜꓶꓽ ꓔꓬ ꓟ ꓑ ꓫꓬ ꓐꓴ ꓫꓵꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓑ ꓫꓬ 33ꓣꓳ ꓜꓶꓽ ꓔꓬ ꓟ ꓟꓳ‐ꓓꓳ ꓠꓬ ꓗ‐ꓡꓲ ꓡꓳ ꓒꓱ ꓗꓪ ꓐꓰ ꓙꓰ ꓗꓷ ꓟ ꓥ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ꓿

ꓗꓳ. ꓗꓷ ꓟ 8 ꓦ ꓘꓴꓽ ꓗꓪ ꓥ ꓟꓲ ꓗꓳ‐ꓡꓯ‐ꓐꓲ‐ꓬ ꓗꓴꓷꓼ ꓗꓪ ꓟꓶꓽ ꓦ ꓦ ꓟꓵꓽ ꓡꓶꓽ ꓗꓷ ꓟ ꓪꓴ. ꓠꓬꓲ ꓑ ꓫꓬ (270) ꓣꓳ ꓫꓵꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

Add new comment

16 + 1 =

Quick Links