ꓗ-ꓕꓳ-ꓡꓲꓗ ꓘꓴ-ꓜꓲ-ꓞꓳ ꓟꓬ-ꓟ ꓗꓴꓷꓼ Hpa Ann ꓡꓳ ꓒꓱ ꓗꓪ ꓪꓴ-ꓢ ꓟꓬꓱꓽ ꓟꓯꓻ ꓔꓬ ꓟ ꓗ-ꓕꓳ-ꓡꓲꓗ ꓔꓲꓺ ꓒ ꓕꓲ ꓪ Covid-19 ꓠꓻ ꓫꓵꓽ ꓑꓶ. ꓓꓴ ꓫꓵꓻ ꓡꓰ ꓟ ꓓꓳꓽ

ꓗ-ꓕꓳ-ꓡꓲꓗ ꓘꓴ-ꓜꓲ-ꓞꓳ ꓟꓬ-ꓟ ꓗꓴꓷꓼ Hpa Ann ꓡꓳ ꓒꓱ ꓗꓪ ꓪꓴ-ꓢ ꓟꓬꓱꓽ ꓟꓯꓻ ꓔꓬ ꓟ ꓗ-ꓕꓳ-ꓡꓲꓗ ꓔꓲꓺ ꓒ ꓕꓲ ꓪ Covid-19 ꓠꓻ ꓫꓵꓽ ꓑꓶ. ꓓꓴ ꓫꓵꓻ ꓡꓰ ꓟ ꓓꓳꓽ

 7ꓦ ꓟ 9 ꓠꓬꓲ 2021 ꓘꓳꓼ ꓕꓯ ꓗ-ꓕꓳ-ꓡꓲꓗ ꓘꓴ-ꓜꓲ-ꓞꓳ ꓟꓬ-ꓟ ꓗꓴꓷꓼ Hpa An ꓡꓳ ꓒꓱ ꓗꓪ ꓪꓴ-ꓢ ꓟꓬꓱꓽ ꓟꓯꓻ ꓔꓬ ꓟ ꓔꓲꓺ ꓒ ꓕꓲ ꓪ ꓥ ꓟ ꓔꓲꓺ ꓒ Monsignor Martinus Myint Soe ꓠꓬ Covid-19 ꓠꓻ ꓫꓵꓽ ꓑꓶ. ꓓꓴ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳꓹ ꓬꓰꓳ= ꓔꓲꓺ ꓒ Monsignor Martinus Myint Soe ꓔꓯ 1958 ꓘꓳꓼ 9 ꓦ ꓟ ꓡꓲꓸ ꓠꓬꓲ ꓕꓯ ꓦꓵꓻ ꓗꓷꓳ= ꓔꓲꓺ ꓒ Monsignor Martinus Myint Soe1988 ꓘꓳꓽ 11 ꓦ ꓟ 20 ꓠꓬꓲ ꓕꓯ ꓔꓲꓺ ꓒ ꓕꓲ ꓪ ꓒꓬꓱꓼ ꓡ ꓪ= ꓖꓳ ꓗ. ꓠꓯ. ꓔꓲꓺ ꓒ ꓠꓬ ꓗ-ꓕꓳ-ꓡꓲꓗ ꓘꓴ-ꓜꓲ-ꓞꓳ Hpa An ꓡꓳ ꓒꓱ ꓗꓪ ꓪꓴ-ꓢ ꓟꓬꓱꓽ ꓟꓯꓻ ꓗꓷꓳ= ꓟꓬ-ꓟ ꓗꓴꓷꓼ ꓗꓪ ꓟ ꓠꓯ ꓞꓲꓼ ꓟꓸ ꓒ ꓐꓴ ꓡꓰ ꓐꓯ ꓑꓶ ꓔ ꓟ ꓓꓳꓽ ꓠꓬ Covid-19 ꓠꓻ ꓫꓵꓽ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬ: ꓡ ꓟ ꓔꓯ ꓡꓳꓸ ꓐꓰ ꓐꓯ ꓔ ꓡꓳ= ꓟꓬ-ꓟ ꓗꓴꓷꓼ ꓘꓴ: ꓗꓪ ꓠꓻ ꓫꓵꓽ ꓑꓶ. ꓓꓴ ꓧꓪꓽ ꓖꓳ ꓓꓱ ꓡꓳꓹ ꓬꓰ ꓢꓴ ꓗ-ꓕꓳ-ꓡꓲꓗ ꓔꓲꓺ ꓒ ꓮꓽ ꓟꓬꓹ ꓣꓳ ꓙꓳ ꓡꓰꓳ= ꓗ-ꓕꓳ-ꓡꓲꓗ ꓘꓴ-ꓜꓲ-ꓞꓳ Kalay ꓐꓰ Sagaing ꓡꓳ ꓒꓱ ꓗꓪ ꓪꓴ-ꓢ ꓟꓬꓱꓽ ꓟꓯꓻ ꓔꓬ ꓢꓴ ꓔꓲꓺ ꓒ (20) ꓣꓳ ꓠꓬ ꓠꓻ ꓫꓵꓽ ꓠꓻ ꓔꓬ ꓡꓳ ꓐꓰ RVA ꓓꓳꓽ ꓗꓪ ꓐꓳ ꓔ ꓡꓳ=