ꓗ-ꓕꓳ-ꓡꓲꓗ Social Media ꓖꓪ ꓙꓱ ꓜꓲꓼ ꓓꓴ ꓔꓯ ꓒꓲ-ꓡꓲ-ꓒꓲ ꓗꓴꓷꓼ ꓗꓪ ꓕꓱ ꓕꓲ ꓦ ꓗꓪ ꓬꓰ ꓓꓴ ꓥꓳ꓾

ꓗ-ꓕꓳ-ꓡꓲꓗ Social Media ꓖꓪ ꓙꓱ ꓜꓲꓼ ꓓꓴ ꓔꓯ ꓒꓲ-ꓡꓲ-ꓒꓲ ꓗꓴꓷꓼ ꓗꓪ ꓕꓱ ꓕꓲ ꓦ ꓗꓪ ꓬꓰ ꓓꓴ ꓥꓳ꓾

ꓒꓲ-ꓡꓲ-ꓒꓲ ꓗ-ꓕꓳ-ꓡꓲꓗ ꓔꓲꓺ ꓒ ꓓꓽ ꓜꓴꓻ ꓠꓬ 11 ꓦ 26-27 ꓗꓪ “ꓗ-ꓕꓳ-ꓡꓲꓗ Social Media” ꓖꓪ ꓙꓱ ꓜꓲꓼ ꓓꓴ ꓬꓰ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓳ=

ꓖꓪ ꓙꓱ ꓜꓲꓼ ꓓꓴ ꓬꓲ ꓔꓶꓻ ꓙꓱꓼ ꓠꓬ social media ꓣꓱꓽˍ ꓟ ꓠꓬ ꓶꓼ ꓓꓳ ꓫꓱꓹ ꓓꓳ ꓚ ꓒꓬꓱꓻ ꓠꓹ ꓟ ꓟꓬꓽ ꓠꓬꓲ ꓕꓲꓺ ꓡꓰˍ ꓟ ꓚꓱꓹ ꓥ ꓟ ꓔꓯ ꓢꓷꓸ ꓡꓰ ꓠꓹ ꓟ ꓥ ꓡꓳ꓾ ꓐꓰ ꓐꓯ ꓔ ꓡꓳ=

ꓖꓪ ꓙꓱ ꓜꓲꓼ ꓓꓴ ꓗꓪ ꓛꓲ ꓡ ꓢꓴ ꓐꓴ ꓔꓯ ꓲꓠꓔꓰꓣꓠꓰꓔ ꓗꓪ ꓟꓶ ꓔ ꓟ ꓓꓳꓽ ꓐꓴ ꓔꓯ ꓐꓱ ꓡꓯ ꓘꓳ ꓠꓹ ꓟ꓾ ꓕꓱ ꓡꓱ ꓢꓷꓸ ꓗꓷ ꓗ ꓠꓯꓸ ꓚꓲ ꓛꓬ ꓪꓴ-ꓢ ꓟꓬꓱꓽ ꓬꓰˍ ꓟ ꓚꓱꓹ ꓔꓯ ꓫꓬꓹ ꓔꓱꓹ ꓠꓹ ꓟ ꓐꓰ Social Media ꓔꓯ ꓣꓱꓽˍ ꓕꓯ ꓗ-ꓕꓳ-ꓡꓲꓗ ꓟꓰꓓꓲꓮ ꓙꓵꓽ ꓗ ꓔꓯ ꓛꓳ ꓠꓹ ꓟ꓾ ꓤ ꓟꓴ ꓠꓹ ꓟ ꓔꓯ ꓢꓷꓸ ꓡꓰ ꓝꓲ ꓠꓹ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓳꓠꓡꓲꓠꓰ ꓗ-ꓕꓳ-ꓡꓲꓗ ꓟꓰꓓꓲꓮ ꓜꓴꓻ ꓐꓴ ꓔꓯ ꓬꓲ ꓜꓴꓻ ꓜꓴ ꓐ ꓡ ꓠꓹ ꓟ꓾ ꓝꓮꓚꓰꓐꓳꓳꓗ ꓔꓯ ꓗ-ꓕꓳ-ꓡꓲꓗ ꓟꓰꓓꓲꓮ ꓙꓵꓽ ꓗ ꓐꓰ ꓕꓲ ꓡꓰꓹ ꓣꓱꓽ ꓛꓰꓽ ꓙꓳ ꓙꓳ ꓡꓰꓽ ꓣꓱꓽ ꓗꓴꓸ ꓠꓹ ꓟ꓾ ꓚꓳꓑꓬꓣꓲꓖꓧꓔ ꓚꓱꓹ ꓐꓴ ꓔꓯ ꓥˍ ꓟꓲ ꓖꓪ ꓙꓱ ꓓꓴ ꓥꓳ꓾ ꓐꓰ ꓣꓦꓮ ꓓꓳꓽ ꓗꓪ ꓐꓯ ꓔ ꓡꓳ=