ꓗ-ꓛꓲ ꓗꓴꓷꓼ ꓫꓴꓸ ꓬꓲ ꓒꓵ: ꓖꓶ ꓟ: ꓛꓵ ꓠꓯꓻ ꓞꓲꓼ ꓫꓬꓹ ꓖꓶ ꓜꓴꓻ ꓗꓪ ꓐꓰ ꓙꓳ: ꓟ ꓤ ꓐꓴ ꓔꓯ ꓠꓯꓻ ꓞꓲꓼ ꓫꓬꓹ ꓖꓶ ꓔꓬ ꓟ ꓓꓳꓽ

Tuesday, August 22, 2023

ꓗ-ꓛꓲ ꓗꓴꓷꓼ ꓫꓴꓸ ꓬꓲ ꓒꓵ: ꓖꓶ ꓟ: ꓛꓵ ꓠꓯꓻ ꓞꓲꓼ ꓫꓬꓹ ꓖꓶ ꓜꓴꓻ ꓗꓪ ꓐꓰ ꓙꓳ: ꓟ ꓤ ꓐꓴ ꓔꓯ ꓠꓯꓻ ꓞꓲꓼ ꓫꓬꓹ ꓖꓶ ꓔꓬ ꓟ ꓓꓳꓽ ꓗ-ꓛꓲ ꓗꓴꓷꓼ ꓫꓴ ꓬꓲ ꓒꓵ: ꓖꓶ ꓟ: ꓛ ꓠꓯꓻ ꓞꓲꓼ ꓫꓬꓹ ꓖꓶ ꓜꓴꓻ ꓗꓪ ꓐꓰ ꓕꓲ ꓠ: ꓡꓰ ꓕꓲ: ꓠ: ꓠ:-ꓠꓬꓲ:-ꓠꓬꓲ ꓕꓯ ꓙꓳ: ꓟ ꓤ ꓐꓴ ꓔꓯ ꓣꓱꓽ ꓬꓯꓼˍ ꓟ ꓠꓯꓸꓻ ꓞꓲꓼ ꓫꓬꓹ ꓖꓶ ꓖꓴˍ ꓡꓰꓳ ꓐꓰ ꓢꓷꓸ ꓪ ꓡꓳ= ꓗ-ꓛꓲ ꓗꓴꓷꓼ ꓫꓴꓸ ꓬꓲ ꓒꓵ: ꓖꓶ ꓟ: ꓛꓵ ꓠꓯꓻ ꓞꓲꓼ ꓫꓬꓹ ꓖꓶ ꓜꓴꓻ ꓗꓪ ꓐꓰ ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓙꓳˍ ꓟ ꓢꓷꓸ ꓠꓲꓹ ꓙꓳ: ꓦꓲꓸꓹ ꓗꓪ ꓢꓷꓸ ꓠꓲꓹ ꓢꓳ ꓔꓬ ꓢꓴ ꓐꓴ ꓙꓳ: ꓟ ꓤ ꓐꓴ ꓔꓯ ꓠꓸꓹ ꓫꓬꓹ ꓖꓶ ꓔꓬ ꓟ ꓢꓷꓸ ꓙ ꓟꓳ ꓙ ꓘꓶ ꓔꓯ ꓡꓯꓼ ꓫꓵ ꓟꓬꓱꓽ ꓬꓰ ꓔꓬ ꓡꓳ ꓐꓰ ꓬꓲ ꓒꓵ: ꓖꓶ ꓟ: ꓛꓵ ꓠꓯꓻ ꓞꓲꓼ ꓫꓬꓹ ꓖꓶ ꓜꓴꓻ ꓔꓯ ꓧꓳ: ꓣꓱꓽ ꓔꓬ ꓟ ꓞꓳ ꓪꓴ: ꓕꓲ: ꓣꓳ ꓡꓰ ꓐꓯ ꓡꓳ=

ꓙꓳ: ꓟ ꓤ ꓐꓴ ꓠꓬ ꓧꓪ: ꓖꓳ ꓓꓱ: ꓢꓲ: ꓫꓬ ꓠꓹ ꓟ ꓬꓲꓸ ꓚꓱꓹ ꓔꓯ ꓟ: ꓢꓷꓸ꓾ ꓝꓮꓲ ꓟꓽ ꓞꓲ ꓟꓬ: ꓠꓬꓲ ꓔꓳꓹ ꓜꓳ: ꓔꓬ ꓟ ꓠꓬ ꓢꓲꓽ ꓛꓵ ꓐꓶ ꓓꓲꓻ ꓜꓸ:ˍ ꓟ ꓕꓱ ꓡꓱ ꓫꓵꓽ ꓮ ꓘꓶꓸ ꓔꓳꓹ ꓜꓳ: ꓔꓬ ꓟ ꓪꓴꓸ ꓠꓬꓲ ꓧꓪ: ꓖꓳ ꓓꓱ: ꓢꓲ: ꓫꓬ ꓠꓹ ꓟ ꓚꓱꓹ ꓐꓰ ꓣꓱꓽ ꓬꓯꓼˍ ꓟ ꓠꓯꓸꓻ ꓞꓲꓼ ꓠꓯꓻ ꓟꓲ ꓔꓯ ꓖꓶ ꓔꓬ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓗ-ꓛꓲ ꓗꓴꓷꓼ ꓫꓴ ꓬꓲ ꓒꓵ: ꓖꓶ ꓟ: ꓛꓵ ꓠꓯꓻ ꓞꓲꓼ ꓫꓬꓹ ꓖꓶ ꓜꓴꓻ ꓗꓪ ꓐꓰ 2023 ꓘꓳꓼ 8 ꓦ ꓟ ꓬꓲꓸ ꓘꓴꓽ ꓗꓪ ꓮ ꓟꓬꓹ ꓖ ꓗꓪ ꓙꓰ ꓢꓲ꓾ ꓠꓯꓻ ꓞꓲꓼ ꓫꓬꓹ ꓖꓶ ꓪ ꓡꓰꓳ ꓐꓰ ꓢꓷꓸ ꓪ ꓡꓳ=