ꓗ-ꓛꓲ ꓗꓴꓷꓼ ꓫꓴ ꓒ-ꓗ ꓡꓳ ꓒꓱ꓾ ꓟ-ꓠ ꓪꓰꓸ ꓑꓳꓼ ꓧꓪꓼ ꓔꓶꓸ ꓗꓪ ꓡꓳꓽ ꓓꓳ ꓧꓳꓹ ꓗꓷ ꓢꓲ ꓫꓵꓻ ꓢꓴ 37 ꓣꓳ ꓙꓳ ꓡꓰ ꓟ ꓘꓴꓽ ꓗꓪ ꓐꓰ ꓫꓵꓻ ꓟꓳ 25 ꓟ ꓔꓯ ꓧꓪ ꓟꓳꓻ ꓡꓰ ꓗꓷ ꓟ

Photo: The Irrawaddy - Burmese Edition
Wednesday, August 16, 2023

ꓗ-ꓛꓲ ꓗꓴꓷꓼ ꓫꓴ ꓒ-ꓗ ꓡꓳ ꓒꓱ꓾ ꓟ-ꓠ ꓪꓰꓸ ꓑꓳꓼ ꓧꓪ ꓔꓶꓸ ꓗꓪ 2023 ꓘꓳꓼ 8 ꓦ 13 ꓠꓬꓲ ꓕꓯ ꓡꓳꓽ ꓓꓳ ꓧꓳꓹ ꓗꓷ ꓟ ꓥ ꓢꓲ꓾ ꓟꓵꓽ ꓠꓯꓸꓼ ꓗꓪ ꓔꓵꓸ ꓡꓰ ꓢꓴ ꓫꓵꓻ ꓢꓴ 37 ꓣꓳ ꓙꓳ ꓡ ꓟ ꓗꓪ 25 ꓣꓳ ꓔꓯ ꓠꓬ 8 ꓦ 15 ꓠꓬꓲ ꓟꓶꓽ ꓘꓶꓼ 5 ꓙꓵꓹ ꓗꓪ ꓛꓲꓺ ꓫꓵꓻ ꓢꓴ 25 ꓣꓳ ꓔꓯ ꓧꓪ ꓟꓳꓻ ꓡꓰꓳ꓾ ꓐꓰ ꓬꓰ ꓙ ꓢꓴ ꓐꓴ ꓜꓴ ꓗꓪ ꓐꓰ ꓢꓷꓸ ꓪ ꓡꓳ=

ꓫꓵꓽ ꓪꓴ ꓕꓱ ꓟ ꓗꓪ ꓫꓵꓻ ꓗꓷ ꓟ ꓪꓰ. ꓑꓳꓼ ꓧꓪ ꓢꓴ ꓐꓴ ꓠꓬ ꓑꓳꓼ ꓚꓴ. ꓔꓬ ꓟ ꓙꓵ, ꓕꓯ ꓡꓳ ꓓꓳ ꓧꓳꓹ ꓡ ꓢꓲ ꓠꓬꓲ ꓬꓲꓻ ꓙꓬ ꓠꓬ ꓬꓲ ꓪ ꓟꓬꓱꓽ ꓬꓰ ꓔꓬ ꓟ ꓔꓶ. ꓗꓪ ꓛꓲ ꓛꓲ ꓡ ꓟ ꓪꓴ. ꓠꓬꓲ ꓬꓲ ꓪ ꓠꓬ ꓬꓲꓻ ꓙꓬ ꓘꓴꓽ ꓗꓪ ꓫꓳꓺ ꓞꓰꓻ ꓡꓰ ꓢꓲ ꓫꓵꓻ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓪꓰ. ꓑꓳꓼ ꓧꓪ ꓔꓶ. ꓗꓪ ꓟꓵꓽ ꓡꓶꓽ ꓡ꓾ ꓡꓳ ꓓꓳ ꓧꓳꓹ ꓡ ꓟ ꓪꓴ. ꓠꓬꓲ ꓠꓻ ꓓꓴ ꓡꓰ ꓢꓴ ꓐꓴ ꓔꓯ  ꓒ‐ꓗ ꓠꓯꓻ ꓞꓲꓼ ꓦꓲꓻ ꓗꓪ ꓠꓻ ꓫꓬ, ꓖꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓗꓳ. ꓗꓷ ꓟ 2020 ꓘꓳꓼ ꓕꓯ ꓥ ꓟꓲ ꓪꓰ‐ꓘ ꓪꓰ. ꓑꓳꓼ ꓧꓪ ꓔꓶ. ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓫꓵꓻ ꓢꓴ (170) ꓣꓳ ꓙꓳ ꓗꓷ ꓟ ꓥ ꓡꓳ꓾ ꓐꓰ ꓢꓷ. ꓪ ꓡꓳ꓿

Add new comment

1 + 9 =

Quick Links