ꓗ-ꓜꓯꓹ-ꓢ-ꓔꓯ ꓗꓪ ꓢꓲꓹ ꓠꓯ ꓮ ꓔꓳꓸ ꓐꓬ ꓗꓷ ꓢꓲ ꓢꓲꓹ ꓠꓯ ꓟꓬꓱꓽ ꓬꓰ ꓢꓴ 14 ꓣꓳ ꓫꓵꓻ ꓗꓷ ꓟ

Wednesday, June 14, 2023

ꓗ-ꓜꓯꓹ-ꓢ-ꓔꓯ ꓗꓴꓷꓼ ꓐꓶ ꓓꓳ ꓕꓲ ꓛꓱꓽ ꓗꓪ ꓟ꓾ Abai ꓟꓵꓽ ꓗꓪ ꓢꓲꓹ ꓠꓯ ꓮ ꓔꓳꓸ ꓐꓬ ꓗꓷ ꓟ ꓑꓶꓸ ꓓꓴ ꓫꓵꓻ ꓗꓷ ꓟ ꓢꓲꓹ ꓠꓯ ꓟꓬꓱꓽ ꓬꓰ ꓢꓴ 14 ꓣꓳ ꓐꓱ ꓶ ꓮ ꓘꓶꓸ ꓠꓲꓹ ꓟ ꓫꓸ ꓟ ꓬꓲ ꓔꓶ ꓙꓱꓼ ꓗꓷ ꓢꓲ ꓗ-ꓜꓯꓹ-ꓢ-ꓔꓯ ꓕꓲ ꓗꓴꓷꓼ ꓡꓱꓸꓼ ꓗꓪ 6 ꓦ 12 ꓠꓬꓲ ꓕꓯ ꓗꓴꓷꓼ ꓔꓶꓸ ꓛ ꓔꓯ ꓬꓲꓻ ꓘꓴ ꓕꓲ ꓐꓶꓽ ꓛꓲꓺ ꓗꓪ ꓬꓯꓼ ꓢꓲ ꓔꓶꓸ ꓔ ꓡꓳ=

ꓮ ꓔꓳꓸ ꓐꓬ ꓔꓬ ꓟ ꓢꓲꓹ ꓠꓯ 43000 ꓦꓯ-ꓔ ꓔꓯ ꓮ ꓔꓳꓸ ꓢꓰꓼ ꓐ ꓡ ꓠꓹ ꓟ ꓐꓱ ꓶ ꓮ ꓔꓳꓸ ꓢꓰꓼ ꓢꓴ ꓐꓴ ꓠꓬ ꓮ ꓘꓶꓸ ꓢꓯꓼ ꓕꓵꓼ ꓔꓬ ꓡꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓑꓶ ꓔ ꓡꓳ=

ꓗꓳꓸ ꓗꓷ ꓟ ꓕꓲ ꓠꓽ ꓠꓽ ꓡꓲꓸ ꓠꓬꓲ ꓕꓯ ꓢꓲꓹ ꓠꓯ ꓗꓪ ꓟꓬꓱꓽ ꓬꓰ ꓢꓴ ꓐꓴ ꓫꓵꓻ ꓗꓷ ꓟ ꓓꓳꓽ ꓔꓯ ꓑ ꓙꓽ ꓗꓷ ꓢꓲ꓾ ꓬꓲ ꓪ ꓫꓵꓻ ꓟꓳ ꓔꓯ ꓠꓬ ꓠꓽ ꓛꓳꓼ ꓠꓬꓲ ꓕꓯ ꓧꓪ ꓟꓶ ꓡꓰ ꓗꓷꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ=

ꓮ ꓔꓳꓸ ꓢꓰꓼ ꓐ ꓡ ꓠꓹ ꓟ ꓠꓬ ꓬꓲ ꓠꓬꓲ ꓮ ꓔꓲꓸ ꓤ ꓟꓶ ꓫꓵ ꓡꓰˍ ꓥꓳ꓾ ꓐꓰ ꓢꓲꓽ ꓒ ꓫꓵꓼ Syrym Sharipkhanov ꓡꓰ ꓐꓯ ꓑꓶ ꓔ ꓡꓳ ꓐꓰ꓾ ꓔꓯ-ꓖ-ꓣꓲ ꓓꓳꓽ ꓪꓰꓐꓢꓲꓔꓰ ꓗꓪ ꓐꓯ ꓔ ꓡꓳ꓾ ꓐꓰ ꓓꓦꓐ ꓓꓳꓽ ꓗꓪ ꓐꓰ ꓢꓷꓸ ꓪ ꓡꓳ=

 

Add new comment

2 + 5 =

Quick Links