ꓗ-ꓣꓲ ꓬꓲꓻ ꓙꓬ ꓘꓶꓽ ꓟꓵꓽ ꓗꓪ ꓡꓲ ꓕꓲ ꓟ ꓗꓪꓼ ꓡꓰ ꓢꓲ꓾ 79 ꓣꓳ ꓟꓽ ꓞꓲ ꓫꓵꓻ ꓡꓰ ꓟ ꓓꓳꓽ

Thursday, June 15, 2023

ꓗ-ꓣꓲ ꓬꓲꓻ ꓙꓬ ꓘꓶꓽ ꓟꓵꓽ ꓗꓪ ꓡꓲ ꓕꓲ ꓟ ꓗꓪꓼ ꓡꓰ ꓢꓲ꓾ 79 ꓣꓳ ꓟꓽ ꓞꓲ ꓫꓵꓻ ꓡꓰ ꓟ ꓓꓳꓽ

ꓗ-ꓣꓲ ꓬꓲꓻ ꓙꓬ ꓘꓶꓽ ꓟꓵꓽ ꓗꓪ ꓚꓵꓸ ꓔꓬ ꓢꓴ ꓐꓴ ꓔꓯ ꓧꓳꓽ ꓔꓯꓹ ꓡ ꓟ ꓥꓪꓸ ꓣꓴ ꓡꓲ ꓕꓲ ꓟ ꓟꓳꓼ ꓡꓰ ꓟ ꓑꓶ ꓓꓴ ꓞꓳ ꓤ 79 ꓣꓳ ꓟꓽ ꓞꓲ ꓫꓵꓻ ꓡꓰ ꓢꓲ꓾ ꓡ ꓞꓳ ꓮ ꓟꓬꓹ ꓟꓶꓽ ꓡꓰ ꓔꓬ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ_ ꓡꓳ=

ꓗ-ꓣꓲ ꓗꓴꓷꓼ ꓖꓴ ꓟꓶꓸ Peloponnese ꓕꓲ ꓛꓱ 75 ꓗꓟ ꓛꓲ ꓗꓪ ꓬꓲꓻ ꓙꓬ ꓡꓳ ꓓꓽ ꓗꓪ ꓡꓲ ꓗꓪꓼ ꓡꓰ ꓢꓲ꓾ ꓞꓳ ꓤ 104 ꓣꓳ ꓔꓯ ꓬꓰ ꓙ ꓚꓬꓴ ꓙ ꓪ ꓡꓰ ꓟ ꓥꓳ= ꓢꓯꓸ ꓔꓬ ꓢꓴ ꓐꓴ ꓔꓯ ꓠꓯꓺ ꓞꓲꓼ ꓦꓲꓻ ꓗꓪ ꓧꓳꓽ ꓔꓯꓹ ꓦ ꓟ ꓥꓳ=

ꓟꓵꓽ ꓚꓵꓸ ꓟ Agency IOM ꓡꓰ ꓐꓯ_ ꓟ ꓠꓬ ꓡꓲ ꓘꓴꓽ ꓗꓪ ꓞꓳ ꓤ 400 ꓣꓳ ꓛꓲ ꓐ_ ꓟ ꓥ ꓢꓲ꓾ ꓬꓲꓻ ꓙꓬ ꓘꓴꓽ ꓗꓪ ꓮ ꓟꓬ ꓣꓳ ꓛꓲ ꓟꓶꓽ ꓡꓰ ꓟ ꓔꓯ ꓟꓽ ꓢꓷꓸ ꓔ ꓢꓰ ꓟ ꓥꓳ= ꓑ-ꓡ-ꓢ-ꓔꓮꓲ꓾ ꓰ-ꓙꓲꓼ꓾ ꓑ-ꓗꓲ-ꓢ-ꓔ ꓐꓰ ꓢꓲ-ꓣꓲ-ꓬ ꓗꓪ ꓐꓰ ꓡ ꓢꓴ ꓐꓴ ꓐ_ ꓡꓳ ꓐꓰ ꓢꓷꓸ ꓪ ꓡꓳ=