ꓙ‐ꓑ ꓗꓴꓷꓼ ꓗꓪ ꓐꓰ ꓟꓬ‐ꓟ ꓟꓬꓱꓽ ꓬꓰ ꓢꓴ (1000) ꓣꓳ ꓔꓯ ꓘꓴ ꓔꓬ ꓟ ꓓꓳꓽ

ꓙ‐ꓑ ꓗꓴꓷꓼ ꓗꓪ ꓐꓰ ꓟꓬ‐ꓟ ꓟꓬꓱꓽ ꓬꓰ ꓢꓴ (1000) ꓣꓳ ꓔꓯ ꓘꓴ ꓔꓬ ꓟ ꓓꓳꓽ

9 ꓦ ꓟ 15 ꓠꓬꓲ 2023 ꓘꓳꓼ ꓕꓯ ꓙ‐ꓑ ꓗꓴꓷꓼ ꓗꓪ ꓐꓰ ꓟꓬꓱꓽ ꓬꓰ ꓔꓶ. Company (300) ꓗꓪ ꓐꓰ ꓟꓬ‐ꓟ ꓟꓬꓱꓽ ꓬꓰ ꓢꓴ (1000) ꓣꓳ ꓔꓯ ꓘꓴ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓙ‐ꓑ ꓗꓴꓷꓼ ꓗꓪ ꓐꓰ ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓘꓴ ꓔꓬ ꓟ ꓠꓬ 9 ꓦ ꓟ 1 ꓠꓬꓲ ꓗꓪ ꓐꓰ 15 ꓠꓬꓲ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓙ‐ꓑ ꓗꓴꓷꓼ ꓗꓪ ꓐꓰ ꓟꓬꓱꓽ ꓔꓶ. (342) ꓗꓪ ꓐꓰ ꓟꓬ‐ꓟ ꓟꓬꓱꓽ ꓬꓰ ꓢꓴ ꓤ ꓑ ꓤ (300) ꓣꓳ ꓐꓰ ꓤ ꓟꓶ ꓤ (700) ꓣꓳ ꓮ ꓙꓵꓽ ꓔꓯ (1000) ꓣꓳ ꓔꓯ ꓘꓴ ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓙ‐ꓑ ꓗꓴꓷꓼ ꓔꓳ‐ꓙꓴ ꓡꓳ ꓒꓱ ꓗꓪ ꓙꓳˍ ꓟ ꓟꓬ‐ꓟ Embassy ꓗꓪ ꓐꓰ ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓘꓴ ꓟ ꓕꓳꓽ ꓶ ꓔꓯ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓮ ꓡꓲ ꓐꓰ ꓟꓬꓱꓽ ꓬꓰ ꓠ, ꓟ ꓬꓰ ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓙ‐ꓑ ꓗꓴꓷꓼ ꓗꓪ ꓐꓰ ꓟꓬꓱꓽ ꓬꓰ ꓔꓶ. ꓚꓳꓟꓑꓮꓠꓬ ꓐꓴ ꓠꓬ ꓮ ꓡꓲ ꓫꓵꓽ ꓟꓬꓱꓽ ꓔꓯ ꓬꓰˍ ꓟ ꓙꓵ, ꓟꓬꓱꓽ ꓬꓰ ꓡ꓾ ꓟꓽ ꓬꓰ ꓡ ꓐꓰ ꓚꓲ. ꓚ ꓔꓬ ꓡꓳ ꓐꓰ MyanmaPlatform ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿