ꓙ‐ꓑ ꓗꓴꓷꓼ ꓗꓪ (10) ꓘꓳꓼ ꓘꓴꓽ ꓗꓪ ꓮ ꓘꓶ. ꓪꓴꓽ_ ꓟ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓢꓲ ꓠꓬꓲ ꓬꓲꓻ ꓙꓬ ꓙꓵꓽ ꓔꓬ ꓟ ꓓꓳꓽ

ꓙ‐ꓑ ꓗꓴꓷꓼ ꓗꓪ (10) ꓘꓳꓼ ꓘꓴꓽ ꓗꓪ ꓮ ꓘꓶ. ꓪꓴꓽ_ ꓟ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓢꓲ ꓠꓬꓲ ꓬꓲꓻ ꓙꓬ ꓙꓵꓽ ꓔꓬ ꓟ ꓓꓳꓽ

9 ꓦ 20 ꓠꓬꓲ 2022 ꓘꓳꓼ ꓕꓯ ꓙ‐ꓑ ꓗꓴꓷꓼ ꓗꓪ (10) ꓘꓳꓼ ꓘꓴꓽ ꓗꓪ ꓟꓲ‐ꓦꓲ ꓕꓳꓽ ꓥꓳꓽ ꓙꓱꓼ ꓡ ꓟ ꓠꓬ ꓮ ꓘꓶ. ꓪꓴꓽ_ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓠ‐ꓟ‐ꓓꓳ ꓟꓬꓱꓺ ꓔ ꓟ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓪꓴ. ꓠꓬꓲ ꓙ‐ꓑ ꓗꓴꓷꓼ ꓘꓴꓽ ꓗꓪ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓑ ꓫꓬ ꓐꓴ ꓔꓯ ꓤ ꓟꓳ ꓠ, ꓟ ꓐꓯ ꓖꓶ ꓔ ꓡꓳ꓿ ꓕꓱ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓪꓴ. ꓠꓬꓲ ꓑ ꓫꓬ ꓠꓬꓲꓽ ꓣꓳ ꓫꓵꓻ ꓡꓰ ꓢꓲ ꓠꓬꓲ ꓑ ꓫꓬ (90) ꓣꓳ ꓠꓻ ꓓꓴ ꓡꓰꓳ꓿ ꓝꓮꓲ ꓑ ꓫꓬ 9 ꓫꓬ, ꓣꓳ  ꓔꓯ ꓟꓲꓽ ꓦꓲꓻ ꓕꓳꓽ ꓥꓳꓽ ꓟꓽ ꓛꓲ ꓡ ꓟ ꓟꓵꓽ ꓗꓪ ꓚꓲ. ꓖꓶ ꓗꓷ ꓐꓰ ꓐꓯ ꓔ ꓡꓳ꓿

ꓟꓲꓽ ꓦꓲꓻ ꓕꓳꓽ ꓥꓳꓽ ꓠꓬ ꓮ ꓘꓶ. ꓪꓴꓽ_ ꓟ ꓑꓶ. ꓓꓴ ꓑ ꓫꓬ ꓔꓬ ꓦꓲꓻ ꓮ ꓟꓬ, ꓐꓬ ꓡꓰꓳ꓿ ꓝꓮꓲ ꓮ. ꓔꓳ. ꓥ ꓟꓲ ꓐꓬ ꓡꓰꓳ꓿ ꓙ‐ꓑ ꓗꓴꓷꓼ ꓗꓪ ꓡꓳ ꓒꓱ ꓓꓽ ꓮ ꓟꓬ, ꓗꓪ ꓙꓲ ꓔꓲ ꓐꓰ ꓐꓬꓱ ꓦꓲꓻ ꓮ ꓟꓬ, ꓔꓯ ꓥ ꓟꓲ ꓠꓽ ꓔ ꓡꓳ ꓐꓰ ꓐꓯ ꓔ ꓡꓳ꓿ ꓟꓲꓽ ꓦꓲꓻ ꓕꓳꓽ ꓥꓳꓽ ꓠꓬ ꓝꓮꓲ ꓙꓱꓼ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓔꓯ ꓤ ꓟꓳ ꓠ, ꓟ ꓐꓯ ꓔ ꓡꓳ꓿