ꓙꓮꓑꓮꓠ ꓗꓴꓷꓼ ꓗꓪ ꓐꓰ ꓟꓬ-ꓟ ꓟꓬꓱꓽ ꓬꓰ ꓢꓴ 1200 ꓣꓳ ꓟꓽ ꓞꓲꓺ ꓝꓮꓲ ꓕꓲ ꓧꓪꓹ ꓘꓴꓻ ꓔꓬ ꓟ

Wednesday, April 19, 2023

ꓙꓮꓑꓮꓠ ꓗꓴꓷꓼ ꓗꓪ ꓟ ꓗꓳ-ꓑ-ꓠꓲ ꓐꓴ ꓗꓪ ꓟꓬꓱꓽ ꓬꓰ ꓠꓹ ꓟ ꓟꓬ-ꓟ ꓟꓬꓱꓽ ꓬꓰ ꓢꓴ 1250 ꓣꓳ ꓔꓯ ꓝꓮꓲ ꓕꓲ ꓧꓪꓹ ꓘꓴꓻ ꓓꓴ ꓥꓳ ꓐꓰ꓾ ꓙꓮꓑꓮꓠ ꓗꓴꓷꓼ ꓔꓯ ꓟꓳꓸ ꓟꓬ-ꓟ ꓗꓴꓷꓼ ꓝꓲ ꓓꓴ ꓬꓳꓹ꓾ ꓔꓳ-ꓗꓬꓳ ꓗꓪ ꓐꓰ ꓐꓯ ꓑꓶ ꓔ ꓡꓳ=

ꓗꓴꓷꓼ ꓝꓲ ꓓꓴ ꓬꓳꓹ ꓐꓴ ꓡꓰ ꓟꓬ-ꓟ ꓟꓬꓱꓽ ꓬꓰ ꓢꓴ ꓔꓯ ꓘꓴˍ ꓟ ꓟꓬꓱꓽ ꓘꓴꓻ ꓕꓳꓽ ꓶ ꓐꓴ ꓔꓯ 2023 ꓘꓳꓼ 4 ꓦ 1 ꓠꓬꓲ ꓗꓪ ꓐꓰ 4 ꓦ 18 ꓠꓬꓲ ꓘꓴꓽ ꓗꓪ ꓤꓹ ꓠꓬꓲ ꓢꓲ ꓠꓱꓸ ꓐꓯ ꓗꓴꓷꓼ ꓚꓱꓹ ꓔꓯ ꓟꓳꓸ ꓢꓲꓽ ꓒ ꓟꓬꓱꓽ ꓣꓱꓽ ꓜꓴꓻ ꓗꓪ ꓖꓶ ꓩꓴ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓙꓮꓑꓮꓠ ꓗꓴꓷꓼ ꓗꓪ ꓐꓰ ꓟꓬꓱꓽ ꓬꓰ ꓢꓴ ꓘꓴˍ ꓟ ꓕꓳꓽ ꓶ 383 ꓟ ꓖꓶꓽ ꓔ ꓟ ꓥ ꓢꓲ꓾ ꓟꓬ-ꓟ ꓟꓬꓱꓽ ꓬꓰ ꓢꓴ 1251 ꓣꓳ ꓔꓯ ꓘꓴꓻ ꓓꓴ ꓥꓳ ꓐꓰ ꓐꓯ ꓑꓶ ꓔ ꓟ ꓗꓪ ꓐꓰ ꓢꓷꓸ ꓪ ꓡꓳ=

ꓮ ꓟꓶ ꓟꓬ-ꓟ ꓗꓴꓷꓼ ꓝꓲ ꓓꓴ ꓬꓳꓹ꓾ ꓔꓳ-ꓗꓬꓳ ꓗꓪ ꓐꓰ ꓟꓬꓱꓽ ꓬꓰ ꓢꓴ ꓘꓴꓻ ꓔ ꓟ ꓕꓳꓽ ꓶ ꓔꓯ ꓙꓮꓑꓮꓠ ꓗꓴꓷꓼ ꓗꓪ ꓚꓵ ꓚꓵ ꓒꓴ ꓔ ꓟ ꓥ ꓟꓽ ꓥ꓾ ꓐꓯ ꓟ ꓔꓯ ꓤꓹ ꓠꓬꓲ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓟꓬ-ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓘꓴꓻ ꓔꓬ ꓟ ꓕꓲ ꓘꓳꓼ ꓘꓴꓽ ꓗꓪ ꓙꓮꓑꓮꓠ ꓗꓴꓷꓼ ꓗꓪ ꓙꓰ ꓢꓲ ꓟꓬꓱꓽ ꓬꓰ ꓔꓬ ꓟ ꓟꓬ-ꓟ ꓟꓬꓱꓽ ꓬꓰ ꓢꓴ 15ꓹ000 ꓣꓳ ꓟꓽ ꓞꓲꓺ ꓙꓳ ꓡꓰꓳ꓾ ꓐꓰ ꓓꓳꓽ ꓐꓯ ꓑꓶ ꓔ ꓟ ꓗꓪ ꓐꓰ ꓢꓷꓸ ꓪ ꓡꓳ=