ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓗꓪ ꓗ‐ꓔꓳ‐ꓡꓲ ꓙꓲ‐ꓢꓴ ꓢꓲꓺ ꓤ ꓐꓴ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓜ ꓚꓲ. ꓚꓲ. ꓢꓲ ꓠꓬꓲ ꓪꓽ ꓘꓴ ꓟ ꓓꓳꓽ

ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓗꓪ ꓗ‐ꓔꓳ‐ꓡꓲ ꓙꓲ‐ꓢꓴ ꓢꓲꓺ ꓤ ꓐꓴ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓜ ꓚꓲ. ꓚꓲ. ꓢꓲ ꓠꓬꓲ ꓪꓽ ꓘꓴ ꓟ ꓓꓳꓽ

11 ꓦ ꓟ 9 ꓠꓬꓲ 2023 ꓘꓳꓼ ꓕꓯ ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓗꓪ ꓗ‐ꓔꓳ‐ꓡꓲꓗ ꓙꓲ‐ꓢꓴ ꓢꓲꓺ ꓤ ꓐꓴ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓜ ꓚꓲ. ꓚꓲ. ꓢꓲ ꓠꓬꓲ ꓪꓽ ꓘꓴ ꓗꓷ ꓟ ꓥ ꓡꓳ꓿ ꓙꓱ‐ꓣꓴ‐ꓢ‐ꓡꓱ ꓗꓪ ꓔꓬ ꓟ ꓗ‐ꓔꓳ‐ꓡꓲ ꓙꓲ‐ꓢꓴ ꓢꓲꓺ ꓤ ꓐꓴ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓜ ꓚꓲ. ꓚꓲ. ꓢꓲ ꓪꓽ ꓘꓴ ꓟ ꓥ ꓡꓳ꓿

ꓪꓽ ꓘꓴ ꓟ ꓬꓲ ꓔꓯ ꓠꓬ ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ Trra Sancta ꓙꓳ ꓦꓲꓻ (ꓢꓳꓻ ꓦꓲꓻ) ꓗꓪ ꓬꓰ ꓟ ꓥ ꓡꓳ꓿ ꓕꓱ ꓪꓽ ꓘꓴ ꓙꓲ ꓗꓪ ꓮꓣꓮꓐ ꓗ‐ꓔꓳ‐ꓡꓲꓗ ꓙꓲ‐ꓢꓴ ꓢꓲꓺ ꓤ ꓜꓴꓻ ꓐꓴ ꓝꓮꓲ ꓠꓱ. ꓐꓯꓼ ꓜꓴꓻ ꓮ ꓟꓬ, ꓥ ꓟꓲ ꓐ ꓗꓷ ꓟ ꓥ ꓡꓳ꓿ ꓪꓽ ꓘꓴ ꓙꓵ, ꓗꓪ ꓔꓲꓺ ꓒ ꓓꓽ ꓐꓴ ꓐꓰ ꓙꓲ‐ꓢꓴ ꓢꓲꓺ ꓤ ꓮ ꓟꓬ, ꓥ ꓟꓲ ꓐ ꓗꓷ ꓟ ꓥ ꓡꓳ꓿

ꓪꓽ ꓘꓴ ꓜꓲꓼ ꓓꓴ ꓔꓯ ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓔꓯ ꓙꓵꓽ ꓔꓬ ꓟ ꓔꓲꓺ ꓒ  ꓔꓲꓺ ꓒ Ibrahim Faltas ꓗꓪ ꓧꓳꓽ ꓪꓴ. ꓟꓴ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓡꓰ  ꓢꓰꓼ ꓡꓯꓽ ꓘꓳ ꓔꓬ ꓟ ꓔꓯ ꓠꓽ ꓗꓷ ꓠ, ꓟ ꓮ ꓟꓬ, ꓛꓲ ꓪꓽ ꓘꓴ ꓠ, ꓟ ꓥ ꓡꓳ꓿ ꓔꓲꓺ ꓒ ꓡꓰ ꓐꓯ ꓔ ꓟ ꓣꓳ ꓠꓬ ꓟꓲ ꓠꓯ ꓡ ꓞꓳ ꓮ ꓙꓵꓽ ꓕꓲ ꓠꓲ ꓕꓲ ꓪ ꓪꓽ ꓡꓯꓽ ꓘꓳ ꓢꓲ ꓠꓬꓲ ꓔꓬ ꓠ, ꓟ ꓥ ꓡꓳ꓿ ꓔꓲꓺ ꓒ ꓡꓰ ꓐꓯ ꓔ ꓟ ꓠꓬ ꓢꓲꓺ ꓒ ꓬꓰ‐ꓢꓴ ꓥ ꓟꓲ ꓢꓰꓼ ꓡꓯꓽ ꓘꓳ ꓟ ꓟꓽ ꓙꓲ ꓟ ꓟꓬꓱꓽ ꓔꓯ ꓟꓽ ꓠꓲ, ꓫꓵˍ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓕꓽ ꓙ ꓫ. ꓐꓰ ꓔꓲꓺ ꓒ ꓡꓰ ꓐꓯ ꓔ ꓡꓳ꓿

ꓟꓲ ꓠꓯ ꓢꓲ ꓡꓰ ꓠ, ꓟ ꓮ ꓘꓶ. ꓛꓲ ꓪꓽ ꓘꓴ ꓠ, ꓟ ꓐꓯ ꓔ ꓡꓳ꓿ꓝꓮꓲ ꓖ‐ꓜ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓐꓰ ꓫ. ꓔꓬ ꓟ ꓑ ꓫꓬ ꓐꓴ ꓮ ꓙꓵꓽ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓓꓴ ꓬꓰ ꓡꓯ ꓐꓰ ꓐꓯ ꓔ ꓡꓳ꓿ ꓖ‐ꓜ ꓗꓪ ꓔꓬ ꓟ ꓑ ꓫꓬ ꓮ ꓟꓬ, ꓠꓬ ꓬꓲ ꓪ ꓔꓬ ꓦꓲꓻ ꓥ ꓟꓲ ꓐꓬ ꓡꓰꓳ ꓝꓮꓲ ꓜ ꓓꓴ ꓓꓳꓻ ꓓꓴ ꓥ ꓟꓲ ꓮ ꓘꓶ. ꓛꓲ ꓫ. ꓔꓬ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓡ ꓞꓳ ꓢꓰꓼ ꓡꓯ ꓘꓳ ꓟ ꓟꓽ ꓙꓲ ꓟ ꓟꓬꓱꓽ ꓔꓯ  ꓠꓽ ꓗꓷ ꓠ, ꓟ ꓪꓴ‐ꓢ ꓗꓪ ꓐꓰ ꓟꓲ ꓠꓯ ꓢꓲ ꓡꓰ ꓓꓴ ꓖꓶ ꓠ, ꓟ ꓮ ꓘꓶ. ꓛꓲ ꓪꓽ ꓘꓴ ꓗꓷ ꓐꓰ (Catholic News Agency) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿