ꓙꓲ ꓖꓴ ꓟꓽ ꓙꓳ_ ꓟ Ukraine ꓗꓴꓷꓼ ꓫꓵꓽ ꓪꓴ ꓢꓰꓼ ꓡꓯꓼ ꓘꓳ_ ꓟ ꓔꓯ ꓠꓽ ꓗꓷ ꓠꓹ ꓟ ꓶꓽ ꓓꓰꓽ ꓘꓶꓽ ꓐꓯ ꓗꓷꓳ

Thursday, February 23, 2023

ꓙꓲ ꓖꓴ ꓟꓽ ꓙꓳ_ ꓟ Ukraine ꓗꓴꓷꓼ ꓫꓵꓽ ꓪꓴ ꓢꓰꓼ ꓡꓯꓼ ꓘꓳ_ ꓟ ꓔꓯ ꓠꓽ ꓗꓷ ꓠꓹ ꓟ ꓶꓽ ꓓꓰꓽ ꓘꓶꓽ ꓐꓯ ꓗꓷꓳ

2 ꓦ 22 ꓠꓬꓲ ꓘꓳ ꓦ ꓟꓲꓻ_ ꓟ ꓑꓮꓲ ꓙꓵꓹ ꓕꓯ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ Ukraine ꓗꓴꓷꓼ ꓢꓰꓼ ꓡꓯ ꓘꓳ_ ꓟ ꓔꓯ ꓠꓽ ꓗꓷ ꓠꓹ ꓟ ꓔꓲꓺ ꓒ ꓪ ꓔꓲ ꓡꓰ ꓶꓽ ꓓꓰꓽ ꓘꓶꓽ ꓐꓯ ꓗꓷ ꓟ ꓥꓳ= ꓕꓱ ꓡꓱ ꓢꓰꓼ ꓔꓬ ꓟ ꓫꓸ ꓓꓴ ꓥ ꓟꓲ ꓑ ꓫꓬ ꓐꓴ ꓠꓯꓼ ꓗꓪ ꓡꓰ ꓔꓳꓹ ꓜꓳ ꓡ ꓟ ꓫꓸ ꓔꓬ ꓟ ꓠꓬ ꓕꓲ ꓘꓳꓼ ꓡꓱꓼ ꓗꓷ ꓡꓰ ꓟ ꓥꓳ ꓐꓰ ꓐꓯ_ ꓡꓳ=

2 ꓦ 24 ꓠꓬꓲ ꓠꓬ Ukraine ꓗꓴꓷꓼ ꓫꓵ ꓪꓴ ꓕꓲ ꓘꓳꓼ ꓐꓲ ꓡꓰ ꓠꓹ ꓟ ꓥꓳ= ꓕꓱ ꓟ ꓠꓬ ꓬꓲ ꓚꓱꓹ ꓟꓽ ꓙꓳ꓾ ꓙꓲ ꓖꓴ ꓟꓽ ꓙꓳ ꓟ ꓗꓴꓷꓼ ꓢꓰꓼ ꓓꓴ ꓪꓴꓸ ꓔꓴ_ ꓟ ꓥꓳ ꓐꓰ ꓐꓯ_ ꓡꓳ= ꓑ ꓫꓬ ꓫꓵꓻ ꓡꓰ ꓝꓲ_ ꓟ꓾ ꓕꓲ ꓦꓲꓻ ꓡ ꓞꓳ ꓧꓹ ꓡꓯ ꓘꓳ ꓡꓰ ꓝꓲ_ ꓟ꓾ ꓟꓯꓼ ꓘꓰꓹ ꓘꓰꓹ ꓡꓰ ꓝꓲ_ ꓟ꓾ ꓠꓲꓹ ꓟ ꓗꓪ ꓠꓻ ꓓꓴ ꓡꓰ ꓝꓲ_ ꓟ ꓥ ꓡꓳ=

ꓬꓲ ꓪ ꓠꓲꓹ ꓟ ꓒꓳꓹ ꓬꓲꓼ ꓠꓹ ꓟ ꓐꓱ ꓶ ꓪꓽ ꓘꓴ ꓖꓶ_ ꓡꓳ= ꓢꓲ ꓡꓲꓹ ꓟ ꓚꓱꓹ ꓔꓯ ꓣꓱꓽ ꓢꓲ ꓢꓰꓼ ꓡꓯ ꓘꓳ ꓓꓴ ꓔꓯ ꓠꓽ ꓠꓹ ꓟ ꓥ ꓟꓲ ꓶꓽ ꓓꓰꓽ ꓗꓷ ꓟ ꓥꓳ= ꓖꓳ ꓕꓲ ꓠꓬꓲ Ukraine ꓑ ꓫꓬ ꓐꓴ ꓔꓯ ꓓꓵꓽ ꓙ ꓫꓸ ꓡꓰ ꓝꓲ_ ꓟ ꓔꓯ ꓥꓳꓽ ꓡꓯ ꓒꓳ ꓔꓶꓸ ꓓꓴ ꓔꓯ ꓔꓲꓺ ꓒ ꓪ ꓔꓲ ꓘꓳꓹ ꓣꓴ ꓟꓶ_ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ ꓡꓯꓼ ꓐꓳ ꓔꓶꓸ ꓓꓴ ꓔꓯ ꓠꓬ ꓔꓲꓺ ꓒ Vyacheslave Grynevych, Secretary General of Caritas Spes-Ukrine, ꓡꓰ ꓔꓯꓹ ꓖꓶ ꓡ_ ꓟ ꓚꓱꓹ ꓢꓷꓸ ꓪ ꓡꓳ= ꓕꓱ ꓟ ꓠꓬ Russia ꓡꓰ ꓟꓯꓼ ꓢꓰꓼ ꓪꓴꓸ ꓔꓴ ꓡ ꓟ ꓦꓬꓼ ꓠꓬꓲ Kyiv ꓡꓳ ꓒꓱ ꓗꓪ ꓑꓳꓺ ꓡꓰ ꓐꓶꓻ ꓡ ꓟ ꓑꓳꓺ ꓬꓲꓸ ꓕꓳꓸ ꓐꓰ ꓬꓰ ꓔ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=