ꓙ-ꓑꓠ ꓗ-ꓕꓳ-ꓡꓲ ꓓꓳꓽ

Covid 19 ꓗꓳ-ꓣꓳ-ꓠ ꓠꓸꓹ ꓫꓵꓽ ꓐꓶꓸ ꓓꓴ ꓙ-ꓑꓠ ꓗꓴꓷꓼ ꓗ-ꓕꓳ-ꓡꓲ ꓘꓴ ꓜꓲꓼ ꓞꓳ ꓔꓲꓸꓹ ꓒꓽ ꓓꓽ ꓙꓵꓽ-ꓟꓵꓽ 16 ꓟ ꓙꓳˍ ꓟ ꓗꓪ 10 ꓟ ꓘꓴꓽ ꓠꓯꓼˍ ꓗꓪ ꓠꓬ ꓪꓽ ꓘꓴ ꓜꓲꓼˍ ꓟ ꓐꓰ ꓫꓱꓸ ꓖꓶꓽˍ ꓟ ꓙꓵꓸꓹ  ꓔꓯꓸ ꓠꓽ ꓗꓷ  ꓡꓰꓳ  ꓐꓰ ꓐꓯˍ ꓡꓳ-ꓸ ꓖꓳ ꓟ ꓠꓬ ꓠꓸꓹ ꓫꓵꓽ ꓔꓯꓹ ꓗꓽ ꓕꓽ ꓐ ꓡ ꓠꓹˍ ꓟ ꓐꓱ ꓶ ꓥꓳ ꓐꓰ ꓐꓯˍ ꓡꓳ=

ꓙ-ꓑꓠ ꓘꓴ ꓜꓲꓼ ꓞꓳ ꓮꓽ ꓙꓵꓽ ꓐꓱ ꓶꓽ ꓟ ꓥ ꓢꓲꓼ ꓠꓸꓹ ꓫꓵꓽ ꓔꓳꓸ ꓜꓳꓽ ꓔꓸ ꓟ ꓟꓵꓽ ꓗꓪ ꓡꓳꓸ ꓠꓬꓲ ꓢꓲꓼ ꓙꓽ ꓖꓶꓽ ꓡꓰˍ ꓟ ꓥ ꓡꓳ= ꓕꓱ ꓟ ꓠꓬ Catholic Bishops Conference of Japan (CBCJ)  ꓗꓪ ꓐꓰ ꓧꓳꓽ ꓪꓴꓹ ꓬꓰ ꓔꓬ ꓟ ꓟꓽ ꓥ- ꓢꓲꓼ ꓚꓲꓸ ꓛꓬꓽ ꓟꓵꓽ ꓗꓪ ꓠꓸꓹ ꓫꓵꓽ ꓗꓽ ꓕꓽ ꓐ ꓠꓹˍ ꓟ ꓐꓱ ꓶ  ꓓꓵꓽ ꓙ ꓢꓲꓼ ꓬꓰ ꓔꓸ ꓟ ꓥ ꓡꓳ=

ꓙ-ꓑꓠ ꓗꓴꓷꓼ ꓗꓪ ꓠꓸꓹ ꓫꓵꓽ ꓠꓸꓹ ꓔꓬ ꓢꓴ (587) ꓣꓳ ꓙꓳ ꓢꓲꓼ (10) ꓣꓳ ꓫꓵꓸꓹ ꓡꓰꓳ ꓐꓰ ꓚꓠꓮ ꓓꓳꓽ ꓗꓪ ꓐꓯ ꓔꓸ ꓡꓳ-ꓸ