ꓙ-ꓑ ꓗꓴꓷꓼ ꓖꓴ ꓟꓶꓸ ꓗꓪ ꓟꓶꓽ ꓦ ꓓ ꓟ ꓦ ꓗꓷ ꓟ ꓑꓶꓸ ꓓꓴ ꓞꓳ ꓤ 6 ꓣꓳ ꓫꓵꓻ ꓢꓲ 3 ꓣꓳ ꓒꓲꓼ ꓓꓹ ꓟ

ꓙ-ꓑ ꓗꓴꓷꓼ ꓖꓴ ꓐꓶ ꓓꓵꓽ ꓖꓴ ꓟꓶꓸ ꓬꓲꓻ ꓗꓳ ꓡꓳ ꓟꓵꓽ ꓗꓪ ꓟꓶꓽ ꓦ ꓬꓲꓸ ꓓ ꓟ ꓦ ꓗꓷ ꓟ ꓪꓴꓸ ꓠꓬꓲ ꓬꓲꓻ ꓙꓬ ꓙꓵꓽ ꓟꓷꓸˍ ꓟ ꓐꓰ ꓡꓳ ꓓꓳ ꓧꓳꓹˍ ꓟ ꓒꓬꓱꓼ ꓗꓷ ꓢꓲ ꓞꓳ ꓤ 6 ꓣꓳ ꓫꓵꓻ ꓟ ꓡꓰꓽ ꓟꓽ ꓞꓲꓺ ꓒꓲꓼ ꓡꓰ ꓟ 3 ꓣꓳ ꓔꓯ ꓥˍ ꓟꓲ ꓬꓰ ꓙ ꓢꓴ ꓐꓴ ꓡꓰ ꓧꓪ ꓔꓬ ꓡꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ 7 ꓦ 11 ꓠꓬꓲ꓾ ꓮ ꓟꓰ ꓕꓯ ꓐꓯˍ ꓡꓳ=

ꓙꓵꓽ ꓪ ꓙꓳ ꓢꓴ ꓐꓴ ꓠꓬ ꓫꓵꓻˍ ꓟ ꓝꓮꓲ ꓙꓳ ꓡ꓾ ꓟꓽ ꓙꓳ ꓡ ꓟ ꓔꓯ ꓚꓬꓹ ꓠꓬꓲ ꓔꓬ ꓡꓳ= ꓖꓳ ꓡꓱ ꓥ ꓟꓲ ꓮ ꓟꓶ ꓕꓯ ꓞꓳ ꓤ 3 ꓣꓳ ꓫꓵꓳ ꓐꓰ ꓓꓳꓽ ꓟꓶ ꓔ ꓥˍ ꓟꓲ꓾ ꓝꓮꓲ 3 ꓣꓳˍ ꓟꓲ ꓫꓵꓻ ꓡ ꓟꓽ ꓢꓷꓸ= ꓒꓲꓼ ꓓꓹ ꓢꓴ ꓠꓬ 3 ꓣꓳ ꓛꓲꓺ ꓙꓳ ꓢꓲ ꓠꓻ ꓓꓴ ꓓꓴ ꓡꓰ ꓢꓴ ꓠꓬ 2 ꓣꓳ ꓙꓳˍ ꓡꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ꓾ ꓐꓰ ꓢꓷꓸ ꓪ ꓡꓳ=