ꓙ-ꓑ ꓗꓴꓷꓼ ꓗꓪ ꓬꓲ ꓞꓲꓼ 14 ꓘꓳꓼ ꓙꓳˍ ꓟ ꓤ ꓟꓶ ꓤ ꓕꓲ ꓣꓳ ꓬꓲ ꓟꓹ ꓟ ꓔꓯ ꓮꓸ ꓕꓽ ꓐꓰ ꓗꓸ ꓗꓷ ꓟ ꓫꓵꓽ ꓪꓴ ꓒꓬꓱꓼ ꓗꓷ ꓟ

Wednesday, September 06, 2023

ꓙ-ꓑ ꓗꓴꓷꓼ ꓔꓱꓹ ꓫꓵ ꓳ-ꓦ-ꓣꓴ ꓡꓳ ꓒꓱ ꓗꓪ ꓙꓳˍ ꓟ ꓦꓲꓻ ꓕꓲ ꓦꓲꓻ ꓘꓴꓽ ꓗꓪ ꓟꓹ ꓟ ꓣꓱꓽ ꓢꓴ ꓔꓯ ꓮꓸ ꓕꓽ ꓐꓰ ꓗꓸ ꓢꓰꓼ ꓗꓷ ꓟ ꓬꓲ ꓞꓲꓼ 14 ꓘꓳꓼ ꓙꓳˍ ꓟ ꓤ ꓟꓶ ꓤ ꓕꓲ ꓣꓳ ꓔꓯ 2023 ꓘꓳꓼ꓾ 9 ꓦ 6 ꓠꓬꓲ꓾ ꓠꓬꓲꓸ ꓠꓬꓲ ꓕꓯ ꓣꓴ ꓟꓶ ꓡꓰ ꓗꓷꓳ ꓐꓰ ꓟꓯꓼ ꓐꓴ ꓡꓰ ꓐꓯ ꓡꓳ=

ꓮꓸ ꓕꓽ ꓗꓸ ꓟꓶ ꓡꓰ ꓗꓷ ꓟ ꓟꓹ ꓟ ꓠꓬ ꓠꓯꓼ 1ꓽ15 ꓙꓵꓹ ꓕꓯ ꓞꓳ ꓠꓻ ꓚꓰꓹ ꓟꓳ-ꓓꓳ ꓔꓯ ꓘꓴ ꓗꓷ ꓢꓲ꓾ ꓠꓯꓻ ꓞꓲꓼ ꓦꓲꓻ ꓗꓪ ꓧꓳꓽ ꓙꓰ ꓥˍ ꓟꓲ ꓗꓸ ꓠꓯꓸ ꓕꓯ ꓫꓵꓻ ꓟ ꓔꓯ ꓟꓯꓼ ꓐꓴ ꓡꓰ ꓢꓷꓸ ꓙ ꓟꓳ ꓙ ꓗꓷꓳ= ꓤ ꓠꓱ ꓤ ꓠꓬ ꓬꓲ ꓟꓹ ꓟ ꓔꓯ ꓪꓳꓽ ꓒꓬꓽ ꓫꓬꓹ ꓖꓴ ꓗꓪ ꓣꓱꓽˍ ꓟ ꓮꓸ ꓕꓽ ꓐꓰ ꓬꓲ ꓟꓹ ꓟ ꓦꓰꓼ ꓛꓲꓽ ꓗꓪ ꓗꓸ ꓗꓷ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓮꓸ ꓕꓽ ꓐꓰ ꓗꓸ ꓗꓷ ꓟ ꓤ ꓟꓶ ꓤ ꓠꓬ ꓢꓷꓸ ꓠꓲꓹ ꓢꓳ ꓔꓬ ꓟ ꓙꓳꓽ ꓟ ꓕꓲ ꓣꓳ ꓥ ꓢꓲ꓾ ꓟꓯꓼ ꓐꓴ ꓡꓰ ꓠꓴ ꓟꓹ ꓟ ꓔꓯ ꓢꓰꓼ ꓗꓷ ꓡ? ꓐꓰ ꓠ ꓠꓬꓲˍ ꓕꓯ ꓪꓴꓸ ꓓꓵ ꓥꓷꓼ ꓢꓲ ꓒꓳꓹ ꓖꓶ ꓗꓷ ꓥ ꓟꓲ꓾ ꓠꓱꓸ ꓐꓯ ꓠ ꓠꓬꓲ ꓘꓶꓽ ꓔꓯ ꓠꓽ ꓟꓽ ꓒꓳꓹ ꓖꓶ ꓡ꓾ ꓐꓰ ꓢꓷꓸ ꓪ ꓡꓳ=

ꓫꓵꓽ ꓪꓴ ꓖꓳ ꓟ ꓒꓬꓱꓼ ꓔꓬ ꓕꓯ ꓤ ꓟꓶ ꓤ ꓬꓲ ꓠꓬꓲ ꓟ ꓥ ꓟꓲ ꓖꓳ ꓗꓪ ꓔꓬ ꓡꓳ꓾ ꓐꓰ ꓟꓯꓼ ꓐꓴ ꓡꓰ ꓐꓯ ꓡꓳ꓾ ꓐꓰ ꓢꓷꓸ ꓪ ꓡꓳ=

Add new comment

8 + 8 =

Quick Links