ꓙ-ꓑ ꓢꓲꓽ ꓒ ꓓ ꓟ ꓐꓰꓽ ꓫꓲ-ꓜꓳ-ꓮ-ꓐꓰꓹ ꓔꓯ ꓑꓳ ꓗꓷ ꓟ ꓓꓳꓽ

ꓙ-ꓑ ꓢꓲꓽ ꓒ ꓓ ꓟ ꓐꓰꓽ ꓫꓲ-ꓜꓳ-ꓮ-ꓐꓰꓹ ꓠꓬ ꓠꓬꓲꓸ ꓠꓬꓲ 7 ꓦ 8 ꓠꓬꓲ ꓠꓯꓼ ꓕꓯ ꓙ-ꓑ ꓗꓴꓷꓼ ꓐꓶ ꓓꓵꓽ꓾ ꓠ-ꓬ ꓡꓳ ꓒꓱ ꓗꓪ ꓑ ꓫꓬ ꓐꓴ ꓔꓯ ꓫꓸ ꓕꓱ ꓔꓬ ꓕꓯ ꓑꓳ ꓗꓪ ꓐꓰ ꓑꓳ ꓩꓴ ꓡˍ ꓠꓬꓲ ꓠꓯꓻ ꓞꓲꓼ ꓦꓲ ꓗꓪ ꓧꓳꓽ ꓙꓰ ꓢꓲ ꓠꓻ ꓫꓬꓹ ꓔꓬ ꓟ ꓔꓯ ꓙ-ꓑ NHK ꓓꓳꓽ ꓦ ꓔꓶꓸ ꓗꓪ ꓐꓯ ꓑꓶ ꓔ ꓡꓳ=

ꓬꓲ ꓞꓲꓼ 75 ꓘꓳꓼ ꓙꓳ ꓡꓰ ꓟ ꓫꓲ-ꓜꓳ-ꓮ-ꓐꓰꓹ ꓫ ꓕꓱ ꓔꓬ ꓕꓯ ꓑꓳ ꓢꓯꓼ ꓓꓳ ꓡ ꓗ ꓠꓯꓸ ꓡꓱꓸ ꓙꓰ ꓢꓲ ꓬꓲ ꓡꓰ ꓐꓰ ꓗꓪ ꓐꓰ ꓫꓵꓽ ꓓꓳꓻ ꓡ ꓔꓬ ꓟ ꓔꓯ ꓬꓲ ꓡꓲ-ꓐ-ꓣꓯ-ꓓꓲ-ꓟꓳ-ꓘ-ꓣꓯꓸ-ꓔꓲꓸ ꓑ-ꓔꓲ ꓗꓪ ꓟ ꓕꓲ ꓣꓳ ꓡꓰ ꓐꓯ ꓟ ꓗꓪ ꓐꓰ ꓢꓷꓸ ꓪ ꓡꓳ=

ꓑꓳꓻ ꓢꓯꓼ 3 ꓛꓬꓻ ꓑ ꓙ ꓡꓰ ꓗ ꓠꓯꓸ ꓖꓳ ꓡꓰ ꓡꓱꓸ ꓙꓰ ꓟ ꓥ ꓡꓳ꓾ ꓐꓰ ꓖꓳ ꓟ ꓔꓯ ꓟꓳꓻ ꓢꓴ ꓕꓲ ꓣꓳ ꓡꓰ ꓐꓯ ꓡꓳ= ꓑꓳꓻ ꓑꓳ ꓢꓴ ꓥ ꓡꓳ ꓐꓰ ꓚꓬꓹ ꓪ ꓢꓴ ꓞꓳ ꓑ ꓤ ꓕꓲ ꓣꓳ ꓔꓯ ꓠꓬ ꓟꓯꓼ ꓜꓴ ꓐꓴ ꓡꓰ ꓣꓴ ꓟꓶ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=

Ref: Popular News Journal