ꓚꓧꓲꓡꓰ ꓮ ꓔꓳꓸ ꓪ ꓚꓲꓸꓹ ꓙꓬ ꓡ ꓟ ꓑꓶꓸ ꓓꓴ ꓫꓵꓸꓹ ꓡꓰ ꓢꓴ ꓑ ꓫꓬ 122 ꓣꓳ ꓟꓽ ꓞꓲ ꓙꓳ ꓡꓰ ꓟ ꓓꓳꓽ

ꓚꓧꓲꓡꓰ ꓬꓲ ꓔꓱꓹ ꓫꓵ ꓗꓪ ꓡꓳꓹ ꓬꓰ ꓟ ꓢ ꓠꓬꓲ ꓬꓲꓸ ꓘꓴꓽ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓐꓬ ꓔꓬ ꓟ ꓮ ꓔꓳꓸ ꓑꓶꓸ ꓓꓴ ꓑ ꓫꓬ 122 ꓣꓳ ꓟꓽ ꓞꓲ ꓫꓵꓸꓹ ꓡꓰ ꓢꓲ꓾ ꓟꓶꓽ ꓬꓰ ꓔꓬ ꓢꓴ ꓮ ꓟꓬꓹ ꓙꓳ ꓡꓳ ꓐꓰ ꓢꓷꓸ ꓪ ꓡꓳ= ꓮ ꓔꓳꓸ ꓐꓬ ꓠꓽ ꓡꓰ ꓠꓹ ꓟ ꓐꓱ ꓶ ꓮ ꓔꓳꓸ ꓢꓰꓼ ꓜꓴ ꓐꓴ ꓠꓬ ꓡꓯꓼ ꓫꓵ ꓢꓯꓼ ꓕꓵꓼ ꓔꓬ ꓡꓳ ꓐꓰ ꓖꓳ ꓗꓪ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
Vinadel Mar ꓡꓳ ꓒꓱ ꓠꓬ 1931 ꓘꓳꓼ ꓔꓯ ꓫꓬꓹ ꓦ ꓟ ꓡꓳ ꓒꓱ ꓕꓲ ꓡꓳ ꓒꓱ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓖꓳ ꓡꓰ ꓐꓯ ꓥˍ ꓟꓲ ꓚꓧꓲꓡꓰ ꓮ ꓔꓳꓸ ꓐꓬ ꓡ ꓟ ꓑꓶꓸ ꓓꓴ ꓕꓱ ꓡꓳ ꓒꓱ ꓐꓰ ꓠꓱꓸ ꓐꓯꓼ ꓡꓳ ꓒꓱ ꓮ ꓟꓬꓹ ꓮ ꓔꓳꓸ ꓐꓬ ꓡꓰꓳ ꓐꓰ ꓢꓷꓸ ꓪ ꓡꓳ= ꓕꓱ ꓮ ꓔꓳꓸ ꓑꓶꓸ ꓓꓴ ꓑ ꓫꓬ ꓦꓲꓸꓹ 3000 ꓦꓲꓸꓹ ꓟꓽ ꓞꓲ ꓐꓬ ꓡꓰꓳ ꓐꓰ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ= Vinadel Mar ꓡꓳ ꓒꓱ ꓠꓬ ꓑ ꓫꓬ 3 ꓫꓬꓹ ꓟꓽ ꓞꓲ ꓔꓬ ꓟ ꓡꓳ ꓒꓱ ꓥ ꓢꓲ꓾370 ꓣꓳ ꓟꓽ ꓞꓲ ꓟꓶꓽ ꓡꓰ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=