ꓚꓳꓡꓴꓟꓐꓲꓮ ꓗꓴꓷꓼ ꓗꓪ ꓐꓬꓱ ꓦꓲꓻ ꓐꓬ ꓡꓰ ꓢꓲ ꓠꓬꓲ (40) ꓠꓬꓲ ꓙꓳ ꓕꓯ ꓤ ꓠꓱ ꓤ (4) ꓣꓳ ꓔꓯ ꓢꓯ. ꓢꓯ. ꓡꓳ. ꓟꓳ ꓪ ꓟ ꓓꓳꓽ

#rvalisu #creditphoto #Plane crush

Monday, June 12, 2023

6 ꓦ ꓟ 10 ꓠꓬꓲ 2023 ꓘꓳꓼ ꓕꓯ ꓚꓳꓡꓴꓟꓐꓲꓮ ꓗꓴꓷꓼ ꓗꓪ ꓐꓬꓱ ꓦꓲꓻ ꓐꓬ ꓡꓰ ꓢꓲ ꓠꓬꓲ ꓟꓵꓽ ꓗꓪ (40) ꓠꓬꓲ ꓙꓳˍ ꓡꓰ ꓟ ꓤ ꓠꓱ ꓤ (4) ꓣꓳ ꓔꓯ ꓢꓯ. ꓢꓯ. ꓡꓳ. ꓟꓳ ꓡꓰꓳ ꓐꓰ ꓐꓯ ꓔ ꓡꓳ꓿ ꓕꓱ ꓤ ꓠꓱ ꓤ ꓐꓴ ꓠꓬ ꓐꓬꓱ ꓕꓲ ꓢꓶ ꓗꓪ ꓡ ꓞꓳ (7) ꓣꓳ ꓐꓰ ꓐꓬꓱ ꓦꓲꓻ ꓤꓶꓽ ꓗꓷ ꓟ ꓥ ꓡꓳ꓿ ꓟꓽ ꓓꓵ ꓙ ꓔ ꓟ ꓙꓵ, ꓕꓯ ꓐꓬꓱ ꓦꓲꓻ ꓞꓼ ꓠꓬ ꓐꓬ ꓡꓰ ꓢꓲ ꓠꓬꓲ ꓢꓲ ꓠꓯꓻ ꓗꓪ ꓞꓲꓻ ꓡꓰ ꓟ ꓥ ꓡꓳ꓿

ꓐꓬꓱ ꓦꓲꓻ ꓐꓬ ꓡꓰ ꓟ ꓠꓬ 5 ꓦ ꓟ 1 ꓠꓬꓲ ꓕꓯ ꓥ ꓢꓲ ꓠꓬꓲ ꓤ ꓠꓱ ꓤ (4) ꓣꓳ ꓠꓬꓲ ꓢꓯ. ꓢꓯ. ꓡꓳ. ꓟꓳ ꓪ ꓡꓰꓳ꓿ ꓝꓮꓲ ꓐꓬꓱ ꓦꓲꓻ ꓫꓱ. ꓒꓽ ꓐꓰ ꓠꓱ. ꓐꓯꓼ (3) ꓣꓳ ꓔꓯ ꓠꓬ ꓫꓵꓻ ꓔꓬ ꓟ ꓔꓯ ꓡꓳ. ꓟꓳ ꓪ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓤ ꓠꓱ ꓤ ꓐꓴ ꓬꓲ ꓞꓲꓼ ꓠꓬ 9 ꓘꓳꓼ 13 ꓘꓳꓼ 10 ꓘꓳꓼ ꓐꓰ 11 ꓦ ꓙꓳˍ ꓟ ꓤ ꓠꓱ ꓤ ꓐꓴ ꓥ ꓡꓳ꓿ ꓕꓱ ꓤ ꓠꓱ ꓤ ꓐꓴ ꓔꓯ ꓚꓳꓡꓴꓟꓐꓲꓮ ꓟꓯꓼ ꓐꓴ ꓐꓰ ꓚꓬꓴ ꓙ ꓢꓴ ꓜꓴꓻ (150) ꓣꓳ ꓡꓰ ꓧꓪ, ꓢꓲ ꓠꓬꓲ ꓡꓳ. ꓟꓳ ꓡꓰ ꓟ ꓥ ꓡꓳ꓿

ꓤ ꓠꓱ ꓤ ꓐꓴ ꓔꓯ ꓠꓯ. ꓞꓲꓼ ꓦꓲꓻ ꓗꓪ ꓠꓽ ꓫꓬ, ꓖꓶ ꓔꓬ ꓟ ꓥ ꓡꓳ꓿ ꓝꓮꓲ ꓚꓳꓡꓴꓟꓐꓲꓮ ꓗꓴꓷꓼ ꓙꓵꓽ ꓢꓴ ꓢꓲꓽ ꓒꓽ ꓡꓰ ꓫ. ꓕꓱ ꓔ ꓟ ꓠꓬ ꓕꓱ ꓤ ꓠꓱ ꓤ ꓐꓴ ꓡꓳ. ꓟꓳ ꓪ ꓟ ꓠꓬ ꓚꓺ ꓟꓲꓽ ꓗꓪ ꓮ ꓟꓬ, ꓓꓵꓽ ꓙ ꓟꓶ ꓓꓴ ꓗꓷ ꓡꓰ ꓓꓴ ꓥꓳ ꓐꓰ ꓐꓯ ꓔ ꓡꓳ꓿