ꓛ‐ꓖꓳ ꓟꓵꓽ ꓘꓳ‐ꓡ‐ꓒꓶ. ꓟꓵꓽ ꓗꓪ ꓠꓯꓻ ꓞꓲꓼ ꓐꓰ ꓠꓯꓻ ꓞꓲꓼ ꓟ. ꓒ ꓓꓽ ꓣꓱꓽ ꓬꓯꓼ ꓔꓬ ꓟ ꓓꓳꓽ

ꓛ‐ꓖꓳ  ꓟꓵꓽ ꓘꓳ‐ꓡ‐ꓒꓶ. ꓟꓵꓽ ꓗꓪ ꓠꓯꓻ ꓞꓲꓼ ꓐꓰ ꓠꓯꓻ ꓞꓲꓼ ꓟ. ꓒ ꓓꓽ ꓣꓱꓽ ꓬꓯꓼ ꓔꓬ ꓟ ꓓꓳꓽ

9 ꓦ ꓟ 16 ꓠꓬꓲ 2023 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓛ‐ꓖꓳ ꓟꓵꓽ ꓘꓳ‐ꓡ‐ꓒꓶ. ꓟꓵꓽ  ꓗꓪ ꓠꓯꓻ ꓞꓲꓼ ꓐꓰ ꓠꓯꓻ ꓞꓲꓼ ꓟ. ꓒ ꓓꓽ ꓣꓱꓽ ꓬꓯꓼ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓖ‐ꓟꓶ‐ꓓꓰ (Putao) ꓟꓵꓽ ꓐꓰ ꓛ‐ꓖꓳ ꓟꓵꓽ ꓞꓳ ꓘ, ꓮ ꓟꓬ, ꓗꓪ ꓑꓮꓠ‐ꓴ‐ꓬꓲꓠ ꓠꓻ ꓫꓬ, ꓖꓶ ꓜꓴꓻ ꓡꓰ ꓠꓻ ꓢꓴ ꓒꓬꓽ ꓢꓴ ꓐꓴ ꓔꓯ ꓠꓻ ꓫꓬ, ꓖꓶ ꓔꓬ ꓥ ꓟꓲ ꓠꓯꓻ ꓞꓲꓼ ꓐꓰ ꓠꓯꓻ ꓞꓲꓼ ꓟ. ꓒ ꓣꓱꓽ ꓞ, ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓑꓮꓠ‐ꓴ‐ꓬꓲꓠ ꓠꓻ ꓫꓬ, ꓖꓶ ꓜꓴꓻ ꓠꓬ ꓡꓳ ꓒꓱ ꓗꓪ ꓐꓰ ꓶ ꓤ ꓗꓪ ꓔꓬ ꓟ ꓑ ꓫꓬ ꓐꓴ ꓔꓯ ꓢꓯꓼ ꓕꓵꓼ ꓢꓲ ꓠꓬꓲ ꓠꓯꓻ ꓞꓲꓼ ꓪꓴꓽ ꓖꓶ ꓢꓲ ꓠꓬꓲ ꓠꓻ ꓫꓬ, ꓖꓶ ꓔꓬ ꓥ ꓟꓲ ꓠꓻ ꓫꓬ ꓖꓶ ꓠ, ꓟ ꓠꓯꓻ ꓞꓲꓼ ꓟ. ꓒ ꓣꓱꓽ ꓞ, ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓠꓻ ꓫꓬ, ꓖꓶ ꓠ, ꓟ ꓙꓰˍ ꓟ ꓙꓻꓖꓴ ꓠꓬ ꓦꓬꓼ ꓠꓬꓲ ꓟꓶ ꓫꓵ ꓙꓰˍ ꓟ ꓙꓻ ꓖꓴ ꓥ ꓟ ꓪꓴ. ꓠꓬꓲ ꓠꓯꓻ ꓞꓲꓼ ꓟ. ꓒ ꓐꓴ ꓐꓱ ꓶ ꓮ ꓘꓶ. ꓫ. ꓔ  ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓛ‐ꓖꓳ ꓟꓵꓽ ꓗꓪ ꓠꓬ ꓠꓻ ꓢꓴ ꓒꓬꓽ ꓢꓴ ꓐꓴ ꓙꓳˍ ꓥ ꓟꓲ ꓠꓯꓻ ꓞꓲꓼ ꓐꓰ ꓠꓻ ꓫꓬ, ꓖꓶ ꓢꓴ ꓟ. ꓒꓽ ꓓꓽ ꓐꓴ ꓟꓽ ꓡꓳꓼ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓡꓳ ꓐꓰ (GNG) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿