ꓛꓲ ꓡ ꓟ ꓕꓲ ꓫꓵꓽ ꓘꓴꓽ ꓗꓪ ꓟꓬ‐ꓟ ꓗꓴꓷꓼ ꓡꓳ ꓒꓱ ꓓꓽ ꓮ ꓟꓬ, ꓗꓪ ꓟꓶ ꓦ ꓦꓻ ꓡ ꓓꓴ ꓙꓳˍ ꓟ ꓪꓴ. ꓠꓬꓲ ꓜ ꓶꓻ ꓢꓴ ꓑ ꓫꓬ ꓐꓴ ꓤ ꓟꓳ ꓠ, ꓟ ꓐꓯ ꓔ ꓟ ꓓꓳꓽ

ꓛꓲ ꓡ ꓟ ꓕꓲ ꓫꓵꓽ ꓘꓴꓽ ꓗꓪ ꓟꓬ‐ꓟ ꓗꓴꓷꓼ ꓡꓳ ꓒꓱ ꓓꓽ ꓮ ꓟꓬ, ꓗꓪ ꓟꓶ ꓦ ꓦꓻ ꓡ ꓓꓴ ꓙꓳˍ ꓟ ꓪꓴ. ꓠꓬꓲ ꓜ ꓶꓻ ꓢꓴ ꓑ ꓫꓬ ꓐꓴ ꓤ ꓟꓳ ꓠ, ꓟ ꓐꓯ ꓔ ꓟ ꓓꓳꓽ

10 ꓦ ꓟ 21 ꓠꓬ 2023 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓟꓵꓽ ꓘꓳꓼ ꓔꓯ ꓟꓳꓺ ꓢꓷ. ꓠꓲ, ꓙꓳ ꓢꓴ ꓐꓴ ꓡꓰ ꓐꓯ ꓔ ꓟ ꓠꓬ ꓛꓲ ꓡ ꓟ ꓕꓲ ꓫꓵꓽ ꓘꓴꓽ ꓗꓪ ꓟꓬ‐ꓟ ꓗꓴꓷꓼ ꓡꓳ ꓒꓱ ꓓꓽ ꓮ ꓟꓬ, ꓗꓪ ꓟꓲ ꓦ ꓦ ꓡ ꓓꓴ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿

ꓟꓵꓽ ꓘꓳꓼ ꓔꓯ ꓟꓳꓺ ꓢꓷ. ꓠꓲ, ꓙꓳˍ ꓢꓴ ꓐꓴ ꓡꓰ 10 ꓦ ꓟ 25 ꓠꓬꓲ ꓗꓪ ꓐꓰ 26 ꓠꓬꓲ ꓗ ꓪꓠꓬ ꓬ‐ꓗꓮꓲ ꓟꓵꓽ꓾ ꓢ‐ꓗꓮꓲ ꓟꓵꓽ ꓗ‐ꓛꓲ ꓗꓴꓷꓻ ꓫꓴꓻ ꓗꓪ ꓟꓲ ꓦ ꓮ ꓟꓬ ꓦꓻ ꓡ ꓓꓴ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿

10 ꓦ ꓟ 27 ꓠꓬꓲ ꓗꓪ ꓐꓰ 28 ꓠꓬꓲ ꓗꓪ ꓟꓳ ꓟꓵꓽ ꓬ‐ꓖꓳ ꓟꓵꓽ ꓗ‐ꓬꓲ ꓟꓵꓽ ꓲ‐ꓬ‐ꓪ‐ꓓꓲ ꓟꓵꓽ ꓐꓰ ꓗ‐ꓬ ꓟꓵꓽ ꓐꓰ ꓠꓱ. ꓐꓯꓼ ꓡꓳ ꓒꓱ ꓓꓽ ꓗꓪ ꓟꓲ ꓦ ꓮ ꓟꓬ, ꓦ ꓡ ꓓꓴ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓜ ꓶꓻ ꓜ ꓫ ꓢꓴ ꓐꓴ ꓑ ꓫꓬ ꓐꓴ ꓤ ꓟꓳ ꓠ, ꓟ ꓟꓵꓽ ꓘꓳꓼ ꓔꓯ ꓟꓳꓺ ꓢꓷ. ꓠꓲ, ꓙꓳˍ ꓢꓴ ꓢꓴ‐ꓢꓴ‐ꓢꓮꓠ ꓡꓰ ꓐꓯ ꓔ ꓡꓳ ꓐꓰ (MyanmaPlatform) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿