ꓛꓴ: ꓙꓳ ꓗ. ꓧꓪ. ꓟ ꓓꓳ

ꓙꓮꓑꓮꓠ ꓗꓴꓓꓼ ꓗꓪ ꓟ ꓓꓳꓽ ꓔꓯ ꓠꓮꓠꓖ ꓣꓮꓟ ꓗꓪ ꓐꓰ ꓐꓯꓸꓹ ꓑꓶˍ ꓟ

ꓙꓮꓑꓮꓠ ꓗꓴꓷꓼ Tokyo ꓟꓵꓽ ꓖꓳ ꓪꓴꓸ ꓗꓪ ꓟ Kawasaki ꓟꓵꓽ ꓗꓪ ꓢꓷꓸ ꓠꓲꓹ ꓙꓳꓽ ꓟꓳ-ꓓꓳ ꓡꓳꓸ ꓠꓬ ꓔꓬ ꓟ ꓤ ꓠꓱ ꓤ ꓐꓴ ꓔꓯ ꓞꓳ ꓤ ꓕꓲꓽ ꓣꓳ ꓮꓸ ꓕꓽ ꓔꓯꓹ ꓢꓲꓸ ꓠꓬꓲ ꓛꓴꓽ ꓙꓳ ꓗꓸ ꓧꓪꓸ ꓟ ꓓꓳꓽ=

ꓙꓮꓑꓮꓠ ꓗꓴꓷꓼ Tokyo ꓟꓵꓽ ꓖꓳ ꓪꓴꓸ ꓗꓪ ꓟ Kawasaki ꓟꓵꓽ ꓗꓪ ꓢꓷꓸ ꓠꓲꓹ ꓙꓳꓽ ꓟꓳ-ꓓꓳ ꓡꓳꓸ ꓠꓬ ꓔꓬ ꓟ ꓤ ꓠꓱ ꓤ ꓐꓴ ꓔꓯ ꓞꓳ ꓤ ꓕꓲꓽ ꓣꓳ ꓮꓸ ꓕꓽ ꓔꓯꓹ ꓢꓲꓸ ꓠꓬꓲ ꓛꓴꓽ ꓙꓳ ꓗꓸ ꓧꓪꓸꓸ ꓡꓹ ꓟ ꓪꓴꓸ ꓠꓬꓲ ꓤ ꓠꓱ ꓤ ꓕꓲꓽ ꓣꓳ ꓐꓰ ꓞꓳꓸꓹ ꓟꓳꓽ ꓕꓲꓽ ꓣꓳ ꓫꓵꓸꓸ ꓳ ꓐꓰ ꓐꓐꓚ ꓓꓳꓽ ꓗꓪ ꓐꓯ ꓔ ꓡꓳ=

Myitsone ꓚꓱꓹ ꓔꓯꓸ ꓟꓳꓸ ꓧꓪꓸ ꓛꓲꓽ ꓒꓳꓹ ꓔꓴ ꓢꓴ ꓡꓰ ꓗꓴꓷꓼ ꓙꓵꓽ ꓢꓴ ꓔꓯꓸ ꓶꓼ ꓓꓰ_ ꓟ ꓓꓳꓽ=

ꓟꓶ-ꓡꓲꓸ ꓐꓰ ꓡꓯ-ꓟꓯ-ꓓꓳ ꓡꓳ ꓚꓱ ꓡꓹ ꓟ ꓗꓪ Myitsone ꓐꓯ_ꓟ ꓬꓲꓸ ꓖꓸꓹ ꓗꓪ ꓫꓬꓹ ꓓꓴ ꓬꓰ_ ꓟ ꓬꓲꓸꓹ ꓙꓬꓸꓹ ꓗꓪ ꓐꓰ ꓮꓸ ꓔꓳ ꓖꓶ_ꓟ ꓚꓱꓹ ꓔꓯꓸ ꓟꓳꓸ ꓑ ꓫꓬꓼ ꓮ ꓙꓵꓽ ꓢꓷꓸ ꓡꓰ ꓠ ꓦꓸꓹ ꓐ ꓕꓲꓽ ꓟ ꓬꓲꓸ ꓘꓴꓽ ꓗꓪ ꓟꓸ ꓖꓶꓽ ꓡꓯ ꓐꓰ Myitsone ꓚꓱꓹ ꓔꓯ ꓟꓳꓸ ꓧꓪꓸ ꓛꓲ ꓡꓵꓹ ꓔꓴꓸꓸ ꓢꓴ ꓜꓴꓸꓹ ꓡꓰ ꓗꓴꓷꓼ ꓗꓪꓼ ꓫꓵꓼ ꓢꓴ ꓔꓯ ꓓꓰ_ ꓟ ꓚꓱꓹ ꓣꓝꓮ ꓓꓳꓽ ꓗꓪ ꓐꓯ ꓔ ꓡꓳ=

ꓠꓱꓸ ꓐꓯ ꓙꓵꓸꓹ ꓠꓲꓹ ꓐꓰ ꓙꓸꓸ ꓡꓯꓽ ꓘꓳ-ꓸ ꓚꓸ ꓡꓯꓽ ꓘꓳ ꓓꓴ ꓐꓱ ꓶ ꓒꓴꓸꓸ ꓔ ꓟ ꓜꓴꓸꓹ ꓚꓰꓸꓸ ꓪꓴꓸ ꓓꓵꓸꓸ ꓣꓱꓽ ꓢꓴ ꓑꓸ ꓟ ꓓꓳꓽ=

ꓮ ꓟꓰ 5 ꓦꓸꓹ ꓟ 28 ꓠꓬꓲ ꓗꓪ ꓘꓴ-ꓜꓲ-ꓞꓳ ꓬꓲꓸ ꓚꓰꓸ ꓔꓲ ꓒ ꓪ ꓔꓲ ꓔꓬꓹ ꓖꓴ ꓗꓪ ꓟ-ꓸ ꓠꓱꓸ ꓐꓯ ꓙꓵꓸꓹ ꓠꓲꓹ ꓐꓰ ꓙꓸꓸ ꓡꓯꓽ ꓘꓳ-ꓸ ꓚꓸ ꓡꓯꓽ ꓘꓳ ꓓꓴ ꓐꓱ ꓶ ꓒꓴꓸꓸ ꓔ ꓟ ꓜꓴꓸꓹ ꓚꓰꓸꓸ ꓪꓴꓸ ꓓꓵꓸꓸ ꓣꓱꓽ ꓢꓴ ꓑꓸꓸ ꓗꓷꓳꓸ ꓧꓶꓸ ꓕꓯ ꓪꓴꓸ ꓓꓵꓸꓸ ꓣꓱꓽ ꓢꓴ ꓠꓬ Cardinal Jean-Louis Tauran ꓥ ꓢꓲ-ꓸ 2018 ꓘꓳꓼ ꓶ ꓦꓸꓹ ꓕꓯ ꓧꓪꓽ ꓖꓳ ꓓꓱꓽ ꓛꓶꓸ ꓡꓰ ꓢꓲ-ꓸ ꓫꓵꓸꓸ ꓢꓲ-ꓸ ꓮ ꓟꓶ ꓔꓲ ꓒ Miguel Ayuso ꓔꓯꓸ ꓑꓸ ꓟ ꓥ ꓡꓳ= ꓬꓲꓸ ꓠꓬ Isalam, ꓙꓵꓸꓹ ꓠꓲꓹ ꓚꓱꓹ ꓔꓯ ꓟꓳꓸ ꓓꓸꓸ ꓒꓽ ꓕꓲꓽ ꓣꓳ ꓥ ꓡꓳ= ꓐꓯ_ ꓟ ꓓꓳꓽ ꓔꓯVartican ꓓꓳꓽ ꓗꓪ ꓟꓳꓸꓸ ꓪ ꓓꓹ ꓡꓳ=

ꓔꓲ ꓒ ꓓꓽ ꓐꓴ ꓖꓪ ꓙꓱ ꓜꓲꓼ ꓓꓴ ꓬꓰ ꓟ ꓓꓳꓽ= Vartican ꓬꓲꓸ ꓛꓲꓸꓸ ꓥ ꓟ Paul Tschang In- Nam ꓐꓰ Myanmar ꓗꓴꓷꓼ ꓗꓪ ꓟ ꓔꓲ ꓒ ꓓꓽ ꓟ ꓐꓴ ꓮ ꓙꓵꓽ ꓠꓬ ꓛꓲꓸꓸ ꓡ_ ꓟ 6 ꓦꓸꓹ ꓟ 4 ꓠꓬꓲ ꓕꓯ Yangon ꓡꓳ ꓒꓱ ꓗꓪ ꓟ ꓚꓐꓚꓟ ꓬꓳꓹ ꓚꓰꓸꓸ ꓗꓪ ꓖꓪ ꓙꓱ ꓜꓲꓼ ꓓꓴ ꓬꓰ ꓠ ꓟ ꓚꓐꓚꓟ ꓗꓪ ꓑ ꓙ ꓡꓳ=

Add new comment

1 + 0 =

Please wait while the page is loading