ꓜꓲꓠꓐꓮꓐꓪꓰ ꓗꓴꓷꓼ ꓗꓪ ꓡꓽ ꓞꓳ 50 ꓫꓬꓹ ꓟꓽ ꓛꓲ ꓦꓰꓼ ꓟꓷꓼ ꓓꓴ ꓓꓽ ꓟ ꓔꓳꓹ ꓜꓳꓽ ꓔꓬꓹ ꓟ=

ꓜꓲꓠꓐꓮꓐꓪꓰ  ꓗꓴꓷꓼ ꓗꓪ  ꓡꓽ ꓞꓳ 50 ꓫꓬꓹ ꓟꓽ ꓛꓲ ꓦꓰꓼ ꓟꓷꓼ ꓓꓴ ꓓꓽ ꓟ ꓔꓳꓹ ꓜꓳꓽ ꓔꓬꓹ ꓟ=

7 ꓦꓻ ꓟ 7 ꓠꓬꓲ꓾ 2019

ꓜꓲꓠꓐꓮꓐꓪꓰ  ꓗꓴꓷꓼ ꓗꓪ ꓡꓽ ꓞꓳ 50 ꓫꓬꓹ ꓟꓽ ꓛꓲ ꓦꓰꓼ ꓟꓷꓼ ꓓꓴ ꓓꓽ ꓟ ꓔꓳꓹ ꓜꓳꓽ ꓔꓬꓹ ꓢꓲ꓾ ꓜꓽ ꓓꓴ ꓐꓰ ꓔꓳꓹ ꓙˍ ꓟ ꓣꓱꓽ ꓙˍ ꓟ ꓣꓱꓽ ꓞ ꓔꓬ ꓡꓳ꓾ ꓐꓰ ꓴꓠ ꓗꓪ ꓐꓰ ꓐꓯ ꓔ ꓟ ꓥ ꓡꓳ=ꓡꓳꓹ ꓬꓰ ꓟ ꓠꓽ-ꓠꓬꓲꓽ-ꓠꓬꓲ ꓕꓯ ꓜꓲꓟꓐꓮꓐꓪꓰ ꓗꓴꓷꓼ ꓔꓯ ꓙꓵꓽ ꓢꓴ ꓢꓲꓺ ꓒꓽ Emmerson Managagwa ꓗꓪ ꓐꓰˍ ꓟꓲ ꓗꓴꓷꓼ ꓦꓰꓼ ꓟꓷˍ ꓟ ꓔꓳꓹ ꓜꓳꓽˍ ꓟ ꓥꓳ꓾ ꓐꓰ ꓐꓯ ꓗꓷꓳ=

ꓟꓲꓽ ꓦꓲꓺ ꓓꓽ ꓟ ꓙꓱꓼ ꓟꓶˍ ꓟ ꓐꓰ ꓜꓽ ꓪꓳ ꓡꓳꓺ ꓪꓳꓽ ꓬꓲꓸ ꓒꓵꓽ ꓮ ꓟꓬꓹ ꓓꓯ ꓗꓷ ꓟ ꓪꓴꓸ ꓠꓬꓲ꓾ ꓪ ꓙꓲ ꓫꓸ ꓙꓵꓻ ꓡ ꓔꓬꓹ ꓟ ꓔꓯ ꓟꓸ ꓖꓶꓽ ꓔ ꓡꓳ= ꓴꓠ ꓜꓽ ꓫꓵꓽ ꓓꓳꓺ ꓫꓵꓽ ꓔꓳꓹ ꓙ ꓜꓴꓻ ꓗꓪ ꓐꓰ ꓫꓸ ꓙꓵꓻ ꓔꓬ ꓢꓴ ꓞꓳ ꓤ 50 ꓫꓬꓹ ꓟꓽ ꓛꓲ ꓔꓯ ꓜꓽ ꓓꓴ ꓐꓰ ꓔꓳꓹ ꓙ ꓠꓹ ꓟ ꓴꓢ ꓓꓳꓡꓡꓮꓣ 3315 ꓫꓬꓹ ꓓꓰꓽ ꓔ ꓡꓳ=ꓖꓳ ꓡꓱ  ꓟꓶˍ ꓟ ꓒꓴꓻ ꓔꓯ ꓜꓽ ꓓꓴ ꓐꓰ ꓓꓳ ꓓꓴ ꓬꓲꓺ ꓙꓬꓻ ꓟꓶ ꓠꓹ ꓟ ꓬꓰˍ ꓟ꓾

ꓗꓴꓷ ꓦꓰꓼ ꓟꓷꓼˍ ꓟ ꓣꓳꓸ ꓚꓲˍ ꓟ ꓠꓬ ꓟꓶꓽ ꓦꓻ ꓟꓽ ꓦꓻ ꓟ ꓐꓰ ꓬꓲꓺ ꓙꓬꓻ ꓫ ꓟ ꓪꓴꓸ ꓠꓬꓲ ꓕꓲꓽ ꓗꓴꓷꓼ ꓡꓱꓸꓼ ꓫꓸ ꓙꓵꓻ ꓔꓬꓹ ꓟ꓾ ꓖꓳ ꓟ ꓪꓴꓸ ꓠꓬꓲ ꓜꓽ ꓓꓴ ꓓꓳ ꓓꓴ ꓮ ꓔꓳꓺ ꓔꓳꓺ ꓟꓽ ꓗꓷ ꓡꓰ ꓠꓹ ꓟ ꓐꓰ ꓣꓱꓽ ꓡꓳꓼ ꓠꓹ ꓟ ꓔꓯ ꓟꓳꓸꓼ ꓣꓱꓽ ꓬꓰ ꓠ ꓗˍ ꓟ꓾ ꓮ ꓟꓶ ꓠꓬ ꓞꓳ ꓤ 515000 ꓣꓳ ꓔꓯ ꓡꓰꓽ ꓔꓳꓹ ꓙ ꓐ ꓡˍ ꓟ꓾ ꓛꓲ ꓡˍ ꓟ 1 ꓦꓻ (January) ꓕꓯ ꓞꓳ ꓤ 20 ꓫꓬꓹ ꓗꓪ ꓛꓲ ꓡꓯꓼ ꓕꓲꓺ ꓔꓳꓹ ꓙ ꓬꓰ ꓓꓴ ꓐꓰ ꓥꓳ ꓡꓳꓸ ꓔ ꓟ꓾ ꓮ ꓟꓶ ꓟ ꓡꓰ ꓐꓰ  ꓪꓴꓽ ꓓꓰˍ ꓟ ꓫꓸ ꓙꓵꓻ ꓓꓴ ꓔꓳꓹ ꓜꓳꓽˍ ꓟ ꓠꓬ ꓟꓲꓽ ꓕꓯꓽ ꓢꓲꓺ ꓟ ꓦꓬꓼ ꓠꓬꓲ ꓗꓪ ꓟꓲ ꓒꓬꓱꓼ ꓡ ꓓꓹ ꓟ ꓔꓯ ꓜꓲꓠꓐꓮꓐꓪꓰ  ꓟꓵꓽ ꓗꓳꓹ ꓓꓵꓺ ꓓꓵꓺ ꓟ ꓜꓽ ꓫꓵꓽ ꓓꓳ ꓫꓵꓽ ꓔꓳꓹ ꓙ ꓜꓴꓻ ꓔꓯ ꓙꓵꓽ ꓢꓴ Ashley Baxstrom ꓗꓪ ꓐꓰ ꓐꓯ ꓗꓷ ꓟ ꓥ ꓡꓳ=

ꓧꓶꓸ ꓕꓯ Africa ꓑ ꓑ ꓬꓲꓸ ꓚꓰꓺ ꓐꓰ ꓔꓯꓺ ꓗꓷ ꓪ ꓡꓰ ꓟ ꓜꓲꓠꓐꓮꓐꓪꓰ  ꓗꓴꓷꓼ ꓠꓬ ꓟꓽ ꓢꓲꓺ ꓡꓲꓺ ꓟ ꓗꓴꓷꓼ ꓡꓵꓹ ꓫꓴꓺ ꓓꓴ ꓪꓴꓸ ꓠꓬꓲ ꓦꓰꓼ ꓟꓷꓼ ꓓꓴ ꓓꓽ ꓟ ꓔꓳꓹ ꓜꓳꓽˍ ꓗꓪ ꓛꓲ ꓫꓸ ꓙꓵꓻˍ ꓟ ꓗꓴꓷꓼ ꓕꓲꓽ ꓗꓴꓷꓼ ꓥ ꓡꓳ=

Photo credits to Vatican News

https://bit.ly/2OHEFxP