ꓜ-ꓬꓳ ꓔꓲꓺ ꓒ ꓙꓵꓽ ꓔꓶꓸ ꓢ-ꓢꓶ-ꓠ ꓬꓲꓸ ꓫꓵꓼ ꓘꓳꓹ ꓣꓴ ꓑꓮꓲ=

ꓜ-ꓬꓳ ꓔꓲꓺ ꓒ ꓙꓵꓽ ꓔꓶꓸ ꓢ-ꓢꓶ-ꓠ ꓬꓲꓸ ꓫꓵꓼ ꓘꓳꓹ ꓣꓴ ꓑꓮꓲ=
1 ꓦ 15 ꓠꓬꓲ 2022 ꓕꓯ ꓛ-ꓖꓳ ꓟꓵꓽ ꓤ-ꓬꓳ ꓘꓹ ꓗꓪ ꓔꓲꓺ ꓒ ꓙꓵꓽ ꓔꓶꓸ ꓢ-ꓢ-ꓠ ꓬꓲꓸ ꓫꓵꓼ ꓙꓵꓽ ꓔꓶꓸ ꓒꓴ ꓗꓷꓳ= ꓕꓱ ꓤ-ꓬꓳ ꓢ-ꓢ-ꓠ ꓬꓲꓸ ꓫꓵꓼ ꓒꓴ ꓑꓮꓲ ꓗꓪ ꓟꓲ-ꓚꓲ-ꓠ ꓗꓪ ꓐꓰ ꓔꓲꓺ ꓒ Mrgs. Dr. Fr. Peter Hka Awng Tu ꓡꓰ ꓧꓳꓽ ꓣꓱ ꓢꓲ ꓠꓬꓲ ꓒꓴ ꓖꓶˍ ꓗꓷ ꓟ ꓥ ꓡꓳ=

ꓤ-ꓣꓳ ꓟꓵꓽ ꓗꓪ ꓗ-ꓕꓳ-ꓡꓲ ꓢꓲꓺ ꓤ ꓐꓴ (96) ꓦꓲꓻ ꓔꓬ ꓢꓲ ꓠꓬꓲ ꓢꓲꓺ ꓤ (500) ꓣꓳ ꓔꓬ ꓟ ꓥ ꓡꓳ= ꓝꓮꓲ ꓤ-ꓣꓳ ꓢ-ꓢꓶ-ꓠ ꓬꓲꓸ ꓫꓵꓼ ꓙꓵꓽ ꓔꓶꓸ ꓗꓪ ꓔꓲꓺ ꓒ PETER Z-ꓬꓳ ꓒꓴ ꓠꓬ ꓔꓬ ꓟ ꓠꓹ ꓟ ꓙꓵꓽ ꓪ ꓖꓶ ꓗꓷꓳ= ꓑꓮꓲ ꓗꓪ ꓔꓲꓺ ꓒ (9) ꓣꓳ ꓐꓰ ꓔꓲꓺ ꓟ (3) ꓣꓳ ꓐꓰ ꓙꓲ-ꓢꓴ ꓢꓲꓺ ꓤ 1000 ꓣꓳ ꓔꓺ ꓗꓷ ꓟ ꓥ ꓡꓳ=
ꓛ-ꓖꓳ ꓟꓵꓽ Z-ꓣꓳ ꓟꓵꓽ ꓗꓪ ꓠꓬ ꓑꓴꓔꓮꓳ ꓡꓳ ꓒꓱ ꓗꓪ ꓐꓰ ꓟꓳ-ꓓꓳ ꓚꓬꓚꓡꓰ ꓗꓪ ꓐꓰ (2) ꓠꓬꓲ ꓝꓮꓲ ꓙꓽ ꓖꓴ (2) ꓠꓬꓲ ꓫꓱ ꓢꓲ ꓠꓬꓲ ꓙꓰ ꓟ ꓟꓵꓽ ꓟꓲ ꓥ ꓡꓳ=

ꓟꓲ-ꓚꓲ-ꓠ ꓗꓪ ꓐꓰ ꓔꓲꓺ ꓒ ꓔꓲꓺ ꓟ (12) ꓣꓳ ꓐꓰ ꓐꓰ ꓟꓳ-ꓓꓳ (9) ꓦꓲꓻ ꓗꓪ ꓐꓰ ꓟꓸ ꓒ ꓟ. ꓟ ꓐꓴ (80) ꓣꓳ ꓜ-ꓬꓳ ꓑꓮꓲ ꓗꓪ ꓡ ꓗꓷ ꓟ ꓥ ꓡꓳ= ꓝꓮꓲ ꓑꓮꓲ ꓖꓴꓽ ꓡꓰ ꓟ ꓦꓬꓼ ꓠꓬꓲ ꓗꓪ ꓥ ꓟꓲ ꓪꓽ ꓙꓳˍ ꓟ ꓢꓧꓲꓠꓖ ꓧꓗꓮꓪꓠꓖ ꓟꓵꓽ ꓗꓪ ꓙꓰ ꓢꓲ ꓠꓬꓲ ꓗꓹ ꓛꓲꓽ ꓛꓲꓽ ꓡꓰꓽ ꓚꓳ ꓗꓷ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓝꓮꓲ ꓑꓮꓲ ꓗꓪ ꓡ ꓢꓴ ꓐꓴ ꓐꓱ ꓶ (Lucky draw) ꓥ ꓟꓲ ꓬꓰ ꓖꓶ ꓗꓷꓳ꓿ ꓜ‐ꓬꓳ. ꓑꓮꓲ ꓗꓪ ꓐꓰ Lucky draw ꓕꓲꓽ ꓪ ꓡꓰ ꓢꓴ ꓠꓬ ꓟꓳ‐ꓓꓳ ꓢ‐ꓗꓰ ꓝꓮꓲ ꓫ. ꓕꓱ ꓓꓴ (phone 4 ꓢꓶ) ꓐꓰ ꓠꓱ. ꓐꓯ ꓡꓯꓼ ꓫꓴꓻ ꓮ ꓟꓬ, ꓐ, ꓡꓳ ꓐꓰ ꓢꓷ. ꓪ ꓡꓳ꓿