ꓟ‐ꓡꓰ,‐ꓫ ꓗ‐ꓕꓳ‐ꓡꓲ ꓘꓴ ꓜꓲꓼ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓐꓱ ꓓꓴꓽ ꓕꓳꓽ ꓦꓲꓻ ꓗꓪ ꓜꓽ ꓚꓲ. ꓚꓲ. ꓪꓽ ꓘꓴ ꓑꓮꓲ ꓬꓰ ꓗꓷ ꓟ ꓓꓳꓽ

ꓟ‐ꓡꓰ,‐ꓫ  ꓗ‐ꓕꓳ‐ꓡꓲ ꓘꓴ ꓜꓲꓼ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓐꓱ ꓓꓴꓽ ꓕꓳꓽ ꓦꓲꓻ ꓗꓪ ꓜꓽ ꓚꓲ. ꓚꓲ. ꓪꓽ ꓘꓴ ꓑꓮꓲ ꓬꓰ ꓗꓷ ꓟ ꓓꓳꓽ

7 ꓦ 6 ꓠꓬꓲ 2022 ꓘꓳꓼ ꓔꓯ ꓟ‐ꓡꓰ,‐ꓫ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓐꓱ ꓓꓴꓽ ꓕꓳꓽ ꓦꓲꓻ ꓗꓪ ꓜꓽ ꓚꓲ. ꓚꓲ. ꓪꓽ ꓘꓴ ꓑꓮꓲ ꓬꓰ ꓗꓷꓳ꓾ ꓐꓰ ꓢꓷ. ꓪ ꓡꓳ꓿ ꓟ‐ꓡꓰ,‐ꓫ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓐꓱ ꓓꓴꓽ ꓕꓳꓽ ꓦꓲꓻ ꓗꓪ ꓬꓰ ꓙˍ ꓟ ꓜꓴꓻ ꓡꓰ ꓢꓯꓼ ꓕꓵꓼ ꓢꓲ ꓠꓬꓲ Kuala Lumpur ꓐꓱ ꓓꓴꓽ ꓕꓳꓽ ꓦꓲꓻ ꓗꓪ ꓗꓳ. ꓗꓷ ꓟ 6 ꓦ 10 ꓠꓬꓲ ꓐꓰ 12 ꓠꓬꓲ ꓗꓪ ꓐꓱ ꓓꓴꓽ ꓕꓳꓽ ꓦꓲꓻ ꓗꓪ ꓐꓱ ꓔꓬ ꓟ (50) ꓣꓳ ꓐꓰ ꓜꓽ ꓚꓲ. ꓚꓲ. ꓪꓽ ꓘꓴ ꓑꓮꓲ ꓬꓰ ꓗꓷꓳ꓾ ꓐꓰ ꓢꓷ. ꓪ ꓡꓳ꓿

ꓐꓱ ꓓꓵꓽ ꓕꓳꓽ ꓦꓲꓻ ꓗꓪ ꓔꓬ ꓟ ꓑ ꓫꓬ ꓐꓴ ꓔꓯ ꓬꓰ ꓙ ꓜꓴꓻ ꓗꓪ ꓧꓳꓽ ꓪꓴ. ꓟꓴ ꓢꓴ ꓠꓬ ꓔꓲꓺ ꓒ George ꓥ ꓡꓳ꓿ ꓔꓲꓺ ꓒ ꓐꓴ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓪꓽ ꓘꓴ ꓑꓮꓲ ꓬꓰ ꓗꓷꓳ꓿ ꓝꓮꓲ ꓪꓽ ꓘꓴ ꓑꓮꓲ ꓗꓪ ꓟ‐ꓡꓰ,‐ꓫ. ꓗ‐ꓕꓳ‐ꓡꓲꓗ ꓔꓲꓺ ꓒ ꓓꓽ Julian Leow ꓥ ꓟꓲ ꓐ ꓗꓷꓳ꓿

ꓔꓲꓺ ꓒ ꓐꓴ ꓠꓬ ꓐꓱ ꓓꓴꓽ ꓗꓪ ꓐꓱ ꓔꓬ ꓟ ꓙꓲ‐ꓢꓴ ꓢꓲ ꓤ ꓐꓴ ꓔꓯ ꓪꓴ‐ꓢ ꓐꓯ ꓘꓶꓽ ꓮ ꓟꓬ, ꓟ. ꓖꓶ ꓗꓷꓳ꓿ ꓢꓲꓽ ꓫꓬ ꓕꓳ ꓶ ꓟ‐ꓕꓲ ꓕꓳ ꓶ (25ꓽ 36) ꓝꓲ. ꓗꓪ ꓥꓪ ꓙꓬꓽ ꓡꓯꓼ ꓟ ꓗꓪ ꓠꓴ ꓪ ꓥꓪ ꓔꓯ ꓖꓶ ꓖꓪꓽ ꓡꓺꓳ꓿ ꓥꓪ ꓠꓻˍ ꓕꓯ ꓠꓴ ꓪ ꓥꓪ ꓔꓯ ꓠꓬꓲ ꓙ ꓡꓺꓳ꓿ ꓐꓱ ꓓꓴꓽ ꓗꓪ ꓔꓬ ꓕꓯ ꓠꓴ ꓪ ꓥꓪ ꓔꓯ ꓠꓬꓲ ꓙ ꓡꓺꓳ꓿ ꓐꓯˍ ꓡꓳ꓿ ꓪꓴ‐ꓢ ꓐꓯ ꓘꓶꓽ ꓐꓰ ꓕꓲ ꓠꓲ, ꓕꓲ ꓪ ꓪꓽ ꓘꓴ ꓢꓲ ꓠꓬꓲ ꓟꓲ‐ꓢ ꓔꓲ ꓪꓽ ꓘꓴ ꓜꓲꓼ ꓓꓴ ꓔꓯ ꓟꓲ ꓟ.  ꓖꓶ ꓗꓷꓳ꓾ ꓐꓰ ꓢꓷ. ꓪ ꓡꓳ꓿