ꓟꓬ‐ꓟ ꓗꓴꓷꓼ ꓗꓪ ꓑꓮꓴꓠꓖ꓾ ꓡꓳ ꓒꓱ ꓗꓪ ꓬꓲꓻ ꓙꓬ ꓙꓵꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓫ. ꓔꓬ ꓟ ꓓꓳꓽ

ꓟꓬ‐ꓟ ꓗꓴꓷꓼ ꓗꓪ ꓑꓮꓴꓠꓖ꓾ ꓡꓳ ꓒꓱ ꓗꓪ ꓬꓲꓻ ꓙꓬ ꓙꓵꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓫ. ꓔꓬ ꓟ ꓓꓳꓽ

9 ꓦ 30 ꓠꓬꓲ 2022 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓑꓮꓴꓠꓖ꓾ ꓡꓳ ꓒꓱ ꓗꓪ ꓬꓲꓻ ꓙꓬ ꓙꓵꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ ꓬꓲꓻ ꓙꓬ ꓓꓵꓽ ꓡ ꓡꓳ ꓐꓰ ꓐꓯ ꓔ ꓡꓳ꓿ 9 ꓦ 30 ꓠꓬꓲ ꓠꓽ ꓥꓪ ꓠꓬꓲ ꓠꓯꓼ 9 ꓙꓵ, ꓕꓯ ꓟꓶꓽ ꓦ ꓮ ꓟꓬ, ꓦ ꓗꓷ ꓟ ꓪꓴ. ꓠꓬꓲ ꓬꓲꓻ ꓙꓬ ꓙꓵꓽ ꓡ ꓟ ꓥ ꓡꓳ꓿ ꓟꓲꓽ ꓦ ꓮ ꓟꓬ, ꓦ ꓔꓬ ꓟ  ꓪꓴ. ꓠꓬꓲ ꓬꓲꓻ ꓙꓬ ꓡꓳ ꓗ. ꓮ ꓟꓬ, ꓥ ꓟꓲ ꓬꓲꓻ ꓙꓬ ꓙꓵ_ ꓟ ꓥ ꓡꓳ꓿ ꓬꓲꓻ ꓙꓬ ꓙꓵꓽ ꓔꓬ ꓟ ꓪꓴ. ꓠꓬꓲ ꓙꓻ ꓖꓴ ꓗꓪ ꓑ ꓫꓬ ꓐꓴ ꓙꓰ ꓠ, ꓟ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓑ ꓫꓬ ꓐꓴ ꓔꓯ ꓬꓰ ꓙ ꓜꓴꓻ ꓡꓰ  ꓙꓲꓻ ꓙꓬ ꓟꓽ ꓛꓲ ꓡ ꓟ ꓔꓶ. ꓗꓪ ꓚꓲ. ꓖꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓬꓰ ꓙ ꓢꓴ ꓜꓴꓻ ꓡꓰ ꓑ ꓫꓬ ꓐꓴ ꓔꓯ ꓜꓽ ꓓꓴ ꓓꓳ ꓓꓴ ꓬꓰ ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿