ꓟꓬ‐ꓟ ꓗꓴꓷꓼ ꓗꓪ ꓔꓧꓲꓠꓖꓬꓮꓠ ꓑꓮꓲ ꓓꓳꓺ ꓡꓰ ꓗ. ꓠꓯ. ꓚꓳꓦꓲꓓ‐19 ꓠꓻ ꓫꓵ ꓠꓻ ꓢꓴ 300 ꓣꓳ ꓛꓲ ꓙꓳ ꓡꓰ ꓟ ꓓꓳꓽ

ꓟꓬ‐ꓟ ꓗꓴꓷꓼ ꓗꓪ ꓔꓧꓲꓠꓖꓬꓮꓠ ꓑꓮꓲ ꓓꓳꓺ ꓡꓰ ꓗ. ꓠꓯ. ꓚꓳꓦꓲꓓ‐19 ꓠꓻ ꓫꓵ ꓠꓻ ꓢꓴ 300 ꓣꓳ ꓛꓲ ꓙꓳ ꓡꓰ ꓟ ꓓꓳꓽ

ꓔꓧꓲꓠꓖꓬꓮꓠ ꓑꓮꓲ ꓓꓳꓺ ꓡꓰ ꓗ. ꓠꓯ. 4 ꓦ 19 ꓠꓬꓲ ꓗꓪ ꓐꓰ ꓗꓴꓷꓼ ꓘꓴꓽ ꓗꓪ ꓚꓳꓦꓲꓓ‐19 ꓠꓻ ꓫꓵ ꓠꓻ ꓢꓴ 300 ꓣꓳ ꓟꓽ ꓞꓲ ꓙꓳ ꓡꓰ ꓢꓲ꓾ ꓠꓻ ꓫꓵ ꓠꓻ ꓢꓴ ꓟꓬ ꓡ ꓔꓬ ꓢꓰ ꓡ ꓥꓳ ꓐꓰ ꓠꓯꓺ ꓞꓲꓼ ꓟꓬꓱꓽ ꓣꓱꓽ ꓜꓴꓻ ꓗꓪ ꓐꓰ ꓐꓯ ꓑꓶ ꓔ ꓡꓳ꓿

ꓮ ꓟꓶ ꓡꓰ ꓐꓰ ꓗꓴꓷꓼ ꓘꓴꓽ ꓗꓪ ꓚꓳꓦꓲꓓ‐19 ꓠꓻ ꓫꓵ ꓠꓻ ꓢꓴ ꓟꓬ ꓡ ꓟ ꓡꓰ ꓐꓰ ꓲ‐ꓓꓲ‐ꓬ꓾ ꓔꓧꓮꓲ ꓐꓰ ꓠꓶꓽ ꓞ, ꓟ ꓗꓴꓷꓼ ꓗꓪ ꓚꓳꓦꓲꓓ‐19 ꓠꓻ ꓫꓵ ꓡꓰ ꓐꓰ ꓫꓐꓐ.1.16 ꓠꓻ ꓫꓵ ꓠꓻ ꓔꓬ ꓟ ꓥ ꓢꓲ꓾ ꓫꓵꓻ ꓢꓴ ꓥ ꓟꓲ ꓔꓬ ꓟ ꓑꓶ ꓓꓴ ꓟꓬ‐ꓟ ꓗꓴꓷꓼ ꓗꓪ ꓥ ꓟꓲ ꓠꓻ ꓫꓵ ꓗꓽ ꓕ ꓠ, ꓟ ꓣꓱꓽ ꓬꓯꓼ ꓡꓳ ꓐꓰ ꓠꓯꓺ ꓞꓲꓼ ꓟꓬꓱꓽ ꓣꓱꓽ ꓜꓴꓻ ꓗꓪ ꓐꓰ ꓐꓯ ꓑꓶ ꓔ ꓡꓳ꓿ 

ꓖꓳ ꓟ ꓡꓰ ꓟꓽ ꓞꓲ ꓠꓻ ꓔꓬ ꓢꓴ꓾ ꓞꓲꓼ ꓪꓴꓽ ꓢꓴ꓾ ꓠꓻ ꓫꓵ ꓗꓽ ꓕ ꓠꓯꓺ ꓞꓲꓼ ꓔꓯ ꓝꓮꓲ ꓕꓴ. ꓠ, ꓟ꓾ ꓕꓲꓽ ꓣꓳ ꓐꓰ ꓕꓲ ꓣꓳ ꓶꓽ ꓢꓲ ꓔꓬ ꓠ, ꓟ꓾ ꓞꓳ ꓤ ꓮ ꓘꓶ. ꓔꓬ ꓟ ꓗꓪ ꓤ ꓟꓳ ꓠ, ꓟ꓾ ꓟꓮꓢꓗ ꓕ ꓠ, ꓟ ꓕꓱ ꓡꓱ ꓫꓵ ꓔꓯ ꓛꓳ ꓠ, ꓟ꓾ ꓤ ꓟꓳ ꓠ, ꓟ ꓐꓱ ꓶ ꓐꓯ ꓑꓶ ꓢꓷ. ꓡꓰ ꓝꓲ_ ꓡꓳ꓿