ꓟꓬ‐ꓟ ꓗꓴꓷꓼ ꓗꓪ ꓮ ꓭ. ꓜ ꓒꓵꓽ ꓓꓯ ꓔꓬ ꓟ ꓪꓴ. ꓠꓬ ꓮ ꓭ. ꓩꓴ ꓒꓵꓽ ꓓꓯˍ ꓟ ꓓꓳꓽ

 ꓟꓬ‐ꓟ ꓗꓴꓷꓼ ꓗꓪ ꓮ ꓭ. ꓜ ꓒꓵꓽ ꓓꓯ ꓔꓬ ꓟ ꓪꓴ. ꓠꓬ ꓮ ꓭ. ꓩꓴ ꓒꓵꓽ ꓓꓯˍ ꓟ ꓓꓳꓽ

9 ꓦ 26 ꓠꓬꓲ 2022 ꓘꓳꓽ ꓕꓯ ꓟꓬ‐ꓟ ꓗꓴꓷꓼ ꓘꓴꓽ ꓗꓪ ꓮ ꓭ. ꓩꓴ ꓕꓲ ꓩꓴ ꓠꓬ 200 ꓒꓯꓼ ꓐꓰ 250 ꓒꓯꓼ ꓙꓳ ꓡꓰ ꓐꓰ ꓐꓯ ꓔ ꓡꓳ꓿ ꓮ ꓭ. ꓧꓪꓽ ꓕꓲ ꓚ ꓠꓬ 9000 ꓒꓯꓼ ꓐꓰ 10000 ꓒꓯꓼ ꓙꓳ ꓡꓰꓳ ꓐꓰ ꓐꓯ ꓔ ꓡꓳ꓿ ꓕꓱ ꓮ ꓭ. ꓩꓴ ꓐꓰ ꓮ ꓭ. ꓧꓪꓽ ꓒꓵꓽ ꓓꓯ ꓡ ꓟ ꓠꓬ ꓮ ꓭ. ꓜ ꓒꓵꓽ ꓮ ꓘꓶ. ꓓꓯˍ ꓔꓬ ꓟ ꓪꓴ. ꓠꓬꓲ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓮ ꓭ. ꓜ ꓒꓵꓽ ꓠꓬ ꓕꓲ ꓟꓳ ꓠꓳ ꓗꓪ 80000 ꓒꓯꓼ ꓗꓪ ꓛꓲ ꓡꓰꓳ ꓐꓰ ꓢꓷ. ꓡꓳ꓿ ꓬ‐ꓖꓳꓥ ꓡꓳ ꓒꓱ ꓗꓪ ꓮ ꓭ. ꓧꓪꓽ ꓪꓴꓽ ꓢꓴ ꓕꓲ ꓣꓳ ꓡꓰ ꓐꓯ ꓔ ꓟ ꓠꓬ ꓗꓳ. ꓗꓷ ꓟ ꓙꓵ, ꓕꓯ ꓕꓲ ꓠꓬꓲ ꓘꓴꓽ ꓗꓪ ꓮ ꓭ. 20 ꓟ ꓪꓴꓽ ꓪ ꓥ ꓟꓲ ꓮ ꓟꓶ ꓟ ꓙꓵ, ꓗꓪ ꓠꓬ ꓕꓲ ꓠꓬꓲ 9 ꓟ ꓡꓰ ꓪꓴꓽ ꓪ ꓡꓳ ꓐꓰ ꓐꓯ ꓔ ꓡꓳ꓿

ꓟꓬ‐ꓟ ꓗꓴꓷꓼ ꓗꓪ ꓜꓽ ꓓꓴ ꓓꓳ ꓓꓴ ꓒꓵꓽ  ꓕꓲ ꓠꓬꓲ ꓡꓰ ꓕꓲ ꓠꓬꓲ ꓓꓯ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓟ ꓥ ꓡꓳ꓿ ꓝꓮꓲ ꓗꓴꓷꓼ ꓫꓵꓽ ꓪꓴ ꓐꓰ ꓠꓻ ꓫꓵꓽ ꓒꓬꓱꓼ ꓔꓬ ꓟ ꓪꓴ. ꓠꓬꓲ ꓟꓬ‐ꓟ ꓑ ꓫꓬ ꓐꓴ ꓜꓽ ꓓꓴ ꓓꓳ ꓓꓴ ꓫ. ꓔꓬ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿