ꓟꓬ‐ꓟ ꓗꓴꓷꓼ ꓘꓴꓽ ꓗꓪ Covid-19 ꓠꓽ ꓫꓵꓽ ꓠꓻ ꓢꓴ ꓬꓲ. ꓫꓵꓼ (4) ꓣꓳ ꓙꓳˍ ꓟ ꓓꓳꓽ

ꓟꓬ‐ꓟ ꓗꓴꓷꓼ ꓘꓴꓽ ꓗꓪ Covid-19 ꓠꓽ ꓫꓵꓽ ꓠꓻ ꓢꓴ ꓬꓲ. ꓫꓵꓼ (4) ꓣꓳ ꓙꓳˍ ꓟ ꓓꓳꓽ

6 ꓦ 15 ꓠꓬꓲ 2022 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓗꓪ ꓠꓽ ꓫꓵꓽ ꓬꓲ. ꓫꓵꓼ ꓠꓻ ꓢꓴ (4) ꓣꓳ ꓙꓳ ꓡꓰꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓖꓶ ꓔ ꓡꓳ꓿ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓠꓻ ꓫꓵꓽ ꓗꓽ ꓕ ꓐ ꓡ ꓠ, ꓟ ꓮ ꓟꓬ, ꓢꓯꓼ ꓕꓵꓼ  ꓔꓬ ꓡꓳ ꓐꓰ ꓐꓯ ꓖꓶ ꓔ ꓡꓳ꓿

ꓗꓴꓷꓼ ꓘꓴꓽ ꓗꓪ ꓔꓬ ꓟ ꓑ ꓫꓬ ꓐꓴ ꓥ ꓟꓲ ꓠꓻ ꓫꓵꓽ ꓔꓯ ꓟꓳ. ꓤ ꓟꓳ ꓠ, ꓟ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓔ ꓟ ꓚꓱ, ꓔꓯ ꓛꓳ ꓠ, ꓟ ꓐꓯ ꓖꓶ ꓔ ꓡꓳ꓿

ꓟꓬ‐ꓟ ꓗꓴꓷꓼ ꓗꓪ 6 ꓦ ꓟ 14 ꓠꓬꓲ ꓗꓪ ꓐꓰ 15 ꓠꓬꓲ ꓟꓶ ꓘꓶꓼ 8 ꓙꓵ, ꓗꓪ ꓛꓲ Covid-19 ꓠꓻ ꓫꓵꓽ ꓚꓬ, ꓖꓶ ꓗꓷ ꓢꓴ ꓑ ꓫꓬ (5823) ꓣꓳ ꓗꓪ ꓐꓰ ꓠꓻ ꓫꓵꓽ ꓠꓻ ꓢꓴ (4) ꓣꓳ ꓙꓳ ꓡꓰ ꓐꓰ ꓢꓷ. ꓪ ꓡꓳ꓿ ꓟꓬ‐ꓟ ꓗꓴꓷꓼ ꓗꓪ ꓠꓻ ꓫꓵꓽ ꓑꓶ. ꓓꓴ ꓫꓵꓻ ꓢꓴ ꓑ ꓫꓬ (19434) ꓣꓳ ꓥ ꓢꓲ ꓠꓬꓲ ꓠꓻ ꓫꓵꓽ ꓗꓪ ꓐꓰ ꓓ ꓡꓰ ꓢꓴ ꓑ ꓫꓬ ꓠꓬ (592466) ꓣꓳ ꓥ ꓡꓳ꓿ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓠꓻ ꓫꓵꓽ ꓗꓽ ꓠꓯ., ꓞꓲꓼ ꓔꓯ ꓗ. (ꓕꓴ.) ꓖꓶ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿