ꓟꓬ‐ꓟ ꓗꓴꓷꓼ ꓡꓲ‐ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴ ꓚꓰꓺ ꓢꓽ ꓡ ꓙꓵꓽ ꓓꓽ ꓟ ꓢꓲ ꓒ ꓔꓯ ꓑꓳꓺ (ꓡꓽ ꓛꓵ.) ꓡꓰ ꓮꓽ ꓟ ꓡꓰ ꓐꓶ ꓗꓷ ꓟ ꓔꓯ ꓟꓽ ꓢꓷ. ꓡꓰ ꓢꓰꓽ ꓟ

ꓟꓬ‐ꓟ ꓗꓴꓷꓼ ꓡꓲ‐ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴ ꓚꓰꓺ ꓢꓽ ꓡ ꓙꓵꓽ ꓓꓽ ꓟ ꓢꓲ ꓒ ꓔꓯ ꓑꓳꓺ (ꓡꓽ ꓛꓵ.) ꓡꓰ ꓮꓽ ꓟ ꓡꓰ ꓐꓶ ꓗꓷ ꓟ ꓔꓯ ꓟꓽ ꓢꓷ. ꓡꓰ ꓢꓰꓽ ꓟ

 7 ꓦ ꓟ 30 ꓠꓬꓲ 2022 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓡꓲ‐ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴ ꓚꓰꓺ ꓢꓽ ꓡ ꓙꓵꓽ ꓓꓽ ꓟ ꓢꓲꓽ ꓒꓽ ꓮ‐ꓞꓲ ꓔꓯ ꓟꓽ ꓙꓲꓻ ꓢꓴ ꓡꓰ ꓟꓶꓽ ꓘꓶꓼ 8 ꓙꓵ, ꓕꓯ  ꓑꓳꓺ (ꓡꓽ ꓛꓵ.) ꓗꓪ ꓐꓰ ꓐꓶ ꓗꓷꓳ ꓐꓰ ꓢꓷ. ꓪ ꓡꓳ꓿ ꓢꓲꓽ ꓒꓽ ꓔꓯ ꓬꓲ ꓦꓲꓻ ꓗ ꓘꓶꓽ ꓗꓪ ꓟꓽ ꓙꓲꓻ ꓢꓴ ꓑꓳ ꓔꓯ, ꓢꓴ ꓡꓰ ꓡ. ꓛꓵ. ꓐꓶ ꓗꓷꓳ ꓐꓰ ꓢꓷ. ꓪ ꓡꓳ꓿ ꓢꓲꓽ ꓒꓽ ꓮ ꓞꓲ  ꓠꓬ ꓟꓬ‐ꓟ ꓗꓴꓷꓼ ꓡꓲ‐ꓢꓴ ꓕꓳ ꓶ ꓐꓰ ꓗ ꓟꓲꓽ ꓡꓲꓽ ꓒꓰꓼ ꓜꓴꓻ ꓚꓰꓺ ꓗꓪ ꓧꓳꓽ ꓪꓴ. ꓟꓴ ꓔꓬ ꓢꓴ ꓥ ꓡꓳ꓿

ꓢꓲꓽ ꓒꓽ ꓠꓬ ꓡꓲ‐ꓢꓴ ꓫꓵꓽ ꓔꓯ ꓠꓲ, ꓠꓵˍ ꓟ ꓠꓲ ꓟ ꓡꓰ ꓧꓳꓽ ꓪꓴ. ꓟꓴ ꓔꓬ ꓢꓴ ꓕꓲ ꓣꓳ ꓥ ꓡꓳ꓿ꓖꓳ. ꓟ ꓑꓶ. ꓓꓴ ꓟꓬ‐ꓟ ꓗꓴꓷꓼ ꓡꓲ‐ꓢꓴ ꓕꓳ ꓶ ꓐꓰ ꓗ ꓟꓲꓽ ꓡꓲꓽ ꓒꓰꓼ ꓜꓴꓻ ꓚꓰ ꓢꓽ ꓡꓻ ꓙꓵꓽ ꓓꓽ ꓟ ꓢꓲꓽ ꓒꓽ ꓮ‐ꓞꓲ ꓔꓯ ꓜꓲꓽ ꓜꓲꓽ ꓑꓰ, ꓑꓰ, ꓢꓰꓼ ꓡ ꓟ ꓮ ꓡꓲꓳ ꓫꓵꓽ ꓜꓴꓻ ꓔꓯ ꓥ  ꓟꓲ ꓡꓲ‐ꓢꓴ ꓞꓳ ꓫꓵꓽ ꓮꓽ ꓙꓵꓽ ꓐꓰ ꓕꓲ ꓪ ꓟꓬ‐ꓟ ꓗꓴꓷꓼ ꓡꓲ‐ꓢꓴ ꓕꓳ ꓶ ꓐꓰ ꓗ ꓟꓲꓽ ꓡꓲꓽ ꓒꓰꓼ ꓜꓴꓻ ꓚꓰ ꓠꓬ ꓔꓷꓼ ꓘꓳꓻ ꓣꓴ ꓟꓽ ꓐ ꓡ ꓐꓰ ꓟꓬ‐ꓟ ꓗꓴꓷꓼ ꓡꓲ‐ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴ ꓚꓰꓺ ꓗꓪ ꓐꓳ ꓔ ꓡꓳ꓿