ꓟꓬ‐ꓟ ꓗꓴꓷꓼ ꓲꓠ‐ꓓꓮꓪ ꓟꓵꓽ ꓗꓪ ꓔꓬ ꓟ ꓤ ꓠꓱ ꓤ ꓐꓴ ꓐꓰ ꓞꓲꓼ ꓪꓴꓽ ꓡꓰ ꓢꓴ ꓐꓴ ꓔꓯ ꓠꓻ ꓫꓬ, ꓖꓶ ꓠ, ꓟ ꓣꓱ ꓞꓼ ꓔꓬ ꓟ ꓓꓳꓽ

#rvalisu #Myanmar #Need urgent food #shelter

Monday, October 09, 2023

10 ꓦ ꓟ 6 ꓠꓬꓲ 2023 ꓘꓳꓼ ꓕꓯ ꓢ‐ꓗꓮꓲ ꓟꓵꓽ ꓲꓠ‐ꓓꓮꓪ ꓗꓪ ꓔꓬ ꓟ ꓞꓲꓼ ꓣꓳ ꓟ ꓤ ꓠꓱ ꓤ ꓐꓴ ꓐꓰ ꓞꓲꓼ ꓪꓴꓽ ꓡꓰ ꓢꓴ ꓪꓴ ꓐꓱ ꓶ ꓠꓻ ꓞꓲꓼ ꓐꓰ ꓠꓻ ꓫꓬ, ꓖꓶ ꓠ, ꓟ ꓬꓰ ꓞꓼ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ꓮ ꓟꓶ ꓟ ꓙꓵ, ꓗꓪ ꓲꓠ‐ꓓꓮꓪ ꓟꓵꓽ ꓗꓪ ꓔꓬ ꓟ ꓞꓲꓼ ꓣꓳ ꓟ ꓤ ꓠꓱ ꓤ ꓐꓴ ꓐꓰ ꓞꓲꓼ ꓪꓴꓽ ꓡꓰ ꓢꓴ ꓐꓴ ꓐꓱ ꓶ ꓜꓻ ꓓꓴ ꓓꓳꓻ ꓓꓴ ꓐꓰ ꓠꓯꓼ ꓞꓲꓼ ꓐꓰ ꓠꓻ ꓫꓬ, ꓖꓶ ꓠ, ꓟ ꓮ ꓘꓶ. ꓛꓲ ꓣꓳ ꓬꓯꓼ ꓔꓬ ꓟ ꓥ ꓡꓳ꓿

ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓤ ꓠꓱ ꓤ ꓟ, ꓟ ꓐꓴ ꓠꓬ ꓤ ꓠꓱ ꓟꓽ ꓦꓵꓻ ꓢꓲ ꓕꓯ ꓠꓯꓻ ꓞꓲꓼ ꓔꓴ(ꓗ) ꓟ ꓠ, ꓟ ꓮ ꓘꓶ. ꓫ. ꓔ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓟ ꓡꓰ ꓟꓽ ꓞꓲ ꓠꓻ ꓫꓬ ꓢꓴ ꓤ ꓠꓱ ꓤ ꓐꓴ ꓐꓱ ꓶ ꓥ ꓟꓲ ꓠꓯꓻ ꓞꓲ ꓔꓯ ꓪꓴꓽ ꓠ, ꓟ ꓫ. ꓔ ꓡꓳ ꓐꓰ ꓐꓯ ꓔ ꓡꓳ꓿

ꓫ. ꓔꓬ ꓟ ꓑ ꓫꓬ ꓐꓴ (7000) ꓠꓯ, ꓗꓪ ꓐꓰ ꓤ ꓠꓱ ꓟꓯꓺ ꓟ ꓤ ꓠꓱ ꓤ ꓠꓬ (50) ꓣꓳ ꓕꓯ ꓢꓲ ꓔꓬ ꓟ ꓥ ꓡꓳ꓿ ꓝꓮꓲ ꓤ ꓠꓱ ꓦꓵꓻ ꓠ, ꓟ ꓐꓰ ꓦꓵꓻ ꓓꓳꓺ ꓡꓰ ꓢꓴ ꓤ ꓠꓱ ꓔꓯ ꓮ ꓡꓰ ꓠꓯꓻ ꓫꓬ, ꓖꓶ ꓠ, ꓟ ꓮ ꓘꓶ. ꓛꓲ ꓫ. ꓔꓬ ꓡꓳ ꓐꓰ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓫ. ꓔꓬ ꓑ ꓫꓬ ꓐꓴ ꓐꓰ ꓤ ꓠꓱ ꓟꓯꓺ ꓢꓴ ꓤ ꓟꓶ ꓤ ꓐꓴ ꓐꓱ ꓶ ꓐꓰ ꓞꓲꓼ ꓤꓳ ꓢꓴ ꓤ ꓠꓱ ꓤ ꓐꓴ ꓐꓱ ꓶ ꓠꓯꓻ ꓫꓬ, ꓖꓶ ꓠ, ꓟ ꓞ, ꓞ, ꓣꓱ ꓬꓯꓼ ꓔꓬ ꓡꓳ ꓐꓰ (KNG) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿