Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓟꓬ‐ꓟ ꓙꓳ ꓟ (1000) ꓣꓳ ꓔꓯ ꓴꓢꓮ ꓗꓴꓷꓼ ꓗꓪ ꓐꓰ ꓟꓲ ꓠꓯ ꓢꓷ. ꓠꓲ, ꓢꓳꓻ ꓠ, ꓟ ꓬꓰ ꓙ ꓔꓳ, ꓙ ꓓꓴ ꓙꓳ ꓟ (local news)
ꓟꓬ‐ꓟ ꓙꓳ ꓟ (1000) ꓣꓳ ꓔꓯ ꓴꓢꓮ ꓗꓴꓷꓼ ꓗꓪ ꓐꓰ ꓟꓲ ꓠꓯ ꓢꓷ. ꓠꓲ, ꓢꓳꓻ ꓠ, ꓟ ꓬꓰ ꓙ ꓔꓳ, ꓙ ꓓꓴ ꓙꓳ ꓟ
3 ꓦ ꓟ 1 ꓠꓬꓲ 2024 ꓘꓳꓼ ꓔꓯ ꓟꓬ‐ꓟ ꓙꓳ ꓟ (1000) ꓣꓳ ꓔꓯ ꓟꓲ ꓠꓯ ꓢꓷ. ꓠꓲ, ꓢꓳꓻ ꓠ, ꓟ ꓐꓱ ꓶ ꓬꓰ ꓙ ꓔꓳ, ꓙ ꓓꓴ ꓙꓳ ꓡꓳ ꓐꓰ ꓟꓬ‐ꓟ ꓗꓴꓷꓼ ꓬꓮꓠꓖꓳꓠꓰ ꓡꓳ ꓒꓱ ꓗꓪ ꓙꓳ ꓟ ꓴꓢꓮ ꓰꓟꓐꓮꓢꓢꓬ ꓣꓳ ꓦꓲꓻ ꓗꓪ ꓐꓰ ꓐꓯ ꓔ ꓟ ꓥ ꓡꓳ꓿
ꓟꓬ‐ꓟ ꓗꓴꓷꓼ ꓗꓪ ꓔꓬ ꓟ ꓞꓲꓼ ꓣꓳ ꓟ ꓞꓳ ꓡꓯ. ꓐꓴ ꓐꓱ ꓶ ꓴꓢꓮ ꓗꓴꓷꓼ ꓠꓬ ꓟꓬ‐ꓟ ꓢꓳꓻ ꓒ ꓢꓳꓻ ꓟ ꓐꓴ ꓔꓯ ꓟꓲ ꓠꓯ ꓢꓷ. ꓠꓲ, ꓢꓳ ꓠ, ꓟ ꓬꓰ ꓙ ꓓꓴ ꓥꓳ꓿
ꓕꓱ ꓟ ꓠꓬ ꓥꓪꓽ ꓘꓳꓼ ꓢꓳꓻ ꓠ, ꓟ ꓐꓱ ꓶ ꓥ ꓢꓲ ꓠꓬꓲ ꓕꓮꓲ꓾ ꓗꓴꓷꓼ ꓒꓴ ꓔ ꓟ ꓢꓳꓻ ꓦꓲꓻ ꓐꓰ ꓟꓬ‐ꓟ ꓗꓴꓷꓼ ꓗꓪ ꓒꓴ ꓔ ꓟ ꓮ ꓘꓶ. ꓛꓲ ꓙꓲˍ ꓟ ꓢꓳꓻ ꓦꓲꓻ ꓗꓪ ꓢꓳ ꓣꓴ ꓪ ꓠ,ꓟ ꓬꓰ ꓙ ꓓꓴ ꓥꓳ ꓐꓰ ꓐꓯ ꓔ ꓡꓳ꓿
ꓟꓬ‐ꓟ ꓙꓳ ꓟ ꓐꓴ ꓐꓱ ꓶ (ꓴꓢꓮꓲꓓ) ꓟꓲ ꓠꓯ ꓡ ꓞꓳ ꓮ ꓙꓵꓽ ꓟꓲ ꓠꓯ ꓢꓷ.ꓠꓲ, ꓢꓳꓻ ꓣꓴ ꓠ, ꓟ ꓜꓴꓻ ꓗꓪ ꓐꓰ ꓕꓮꓲ꓾ ꓗꓴꓷꓼ ꓗꓪ 2 ꓦ ꓟ 29 ꓠꓬꓲ ꓕꓯ ꓟꓬ‐ꓟ ꓙꓳ ꓟ ꓐꓴ ꓐꓱ ꓶ ꓟ. ꓖꓶ ꓗꓷꓳ꓿
ꓕꓱ ꓬꓰ ꓙ ꓢꓴ ꓐꓴ ꓡꓰ ꓐꓯ ꓔ ꓟ ꓠꓬ ꓞꓳ ꓡꓯ. ꓐꓴ ꓔꓯ ꓓ. ꓪꓴ. ꓬꓰ ꓙ ꓓꓴ ꓥꓳ꓿ ꓞꓳ ꓡꓱ ꓞꓳ ꓡꓯ. ꓐꓴ ꓟꓲ ꓠꓯ ꓢꓷ. ꓠꓲ, ꓗꓪ ꓮ ꓟꓬ, ꓛꓲ ꓢꓷ. ꓠꓲ, ꓟ ꓬꓲ ꓒꓳ, ꓒꓳ, ꓗꓪ ꓪꓴꓽ ꓟꓴ ꓡ ꓠ, ꓟ ꓐꓱ ꓶ ꓥ ꓡꓳ ꓐꓰ ꓐꓯ ꓔ ꓡꓳ꓿
ꓝꓮꓲ ꓜꓴꓻ ꓮ ꓙꓵꓽ ꓗꓪ ꓞꓳ ꓡꓯ. ꓐꓴ ꓧꓳꓽ ꓪꓴ. ꓟꓴ ꓠ, ꓟ ꓢꓷ. ꓠꓲ, ꓕꓲ ꓒꓳ, ꓗꓪ ꓥ ꓟꓲ ꓞꓳ ꓡꓯ. ꓐꓴ ꓧꓳꓽ ꓪꓴ. ꓟꓴ ꓠ, ꓟ ꓬꓰ ꓔꓶꓻ ꓙꓱ ꓥ ꓡꓳ ꓐꓰ ꓴꓢꓮ ꓰꓟꓐꓮꓢꓢꓬ ꓣꓳ ꓗꓪ ꓐꓰ ꓐꓯ ꓔ ꓡꓳ ꓐꓰ ꓢꓷ. ꓪ ꓡꓳ꓿
Add new comment