ꓟꓬ‐ꓟ ꓞꓳ ꓫꓵꓽ ꓔꓴ‐ꓟꓲ‐ꓠꓮꓠ ꓠꓬ One Championship ꓓꓶꓽ ꓔꓯ ꓡꓯꓽ ꓘꓳ_ ꓟ ꓑꓮꓲ ꓗꓪ ꓧꓪ. ꓡꓰ ꓟ ꓓꓳꓽ

ꓟꓬ‐ꓟ ꓞꓳ ꓫꓵꓽ ꓔꓴ‐ꓟꓲ‐ꓠꓮꓠ ꓠꓬ One Championship ꓓꓶꓽ ꓔꓯ ꓡꓯꓽ ꓘꓳ_ ꓟ ꓑꓮꓲ ꓗꓪ ꓧꓪ. ꓡꓰ ꓟ ꓓꓳꓽ

3 ꓦ ꓟ 17 ꓠꓬꓲ 2023 ꓘꓳꓼ ꓠꓬꓲ ꓕꓯ ꓟꓬ‐ꓟ ꓞꓳ ꓫꓵꓽ ꓕꓲ ꓣꓳ ꓥ ꓟ ꓔꓴ‐ꓟꓲ‐ꓠꓮꓠ ꓠꓬ ꓕꓮꓲ, ꓗꓴꓷꓼ ꓗꓪ ꓬꓰ ꓗꓷ ꓟ One Championship ꓓꓶꓽ ꓔꓯ ꓡꓯꓽ ꓘꓳ ꓑꓮꓲ ꓗꓪ ꓕꓮꓲ, ꓞꓳ ꓫꓵꓽ ꓔꓯ ꓧꓪ. ꓡꓰꓳ ꓐꓰ ꓐꓯ ꓔ ꓡꓳ꓿

ꓕꓱ One Championship ꓑꓮꓲ ꓔꓯ ꓕꓮꓲ, ꓗꓴꓷꓼ ꓑ‐ꓖꓳ ꓡꓳ ꓒꓱ ꓗꓪ ꓬꓰ ꓗꓷ ꓟ ꓥ ꓡꓳ꓿ ꓟꓬ‐ꓟ ꓞꓳ ꓫꓵꓽ ꓔꓴ‐ꓟꓲ‐ꓠꓮꓠ ꓠꓬ ꓬꓲ. ꓞꓲꓼ (19) ꓘꓳꓼ ꓙꓳ ꓢꓴ ꓥ ꓡꓳ꓿

ꓬꓲ. ꓐꓰ ꓓꓶꓽ ꓡꓯꓽ ꓘꓳ ꓗꓷ ꓟ ꓕꓮꓲ, ꓒꓽ ꓠꓬ ꓓꓶꓽ ꓔꓯ ꓡꓯꓽ ꓘꓳ_ ꓟ ꓑꓮꓲ ꓗꓪ ꓟꓽ ꓞꓳ. ꓡꓰ ꓢꓴ ꓕꓲ ꓣꓳ ꓥ ꓟꓲ ꓔꓴ‐ꓟꓲ‐ꓠꓮꓠ ꓐꓰ ꓓꓶ: ꓡꓯ: ꓘꓳ ꓗꓷ ꓕꓯ ꓞꓳ. ꓡꓰꓳ꓿ ꓕꓮꓲ ꓒꓽ ꓠꓬ Muay Thai ꓓꓶꓽ ꓒꓽ ꓚ‐ꓖꓳ ꓟꓬꓱꓺ ꓔ ꓢꓴ ꓥ ꓡꓳ꓿

ꓟꓬ‐ꓟ ꓞꓳ ꓫꓵꓽ ꓔꓴ‐ꓟꓲ‐ꓠꓮꓠ ꓡꓰ ꓫ. ꓕꓱ ꓔ ꓟ ꓠꓬ ꓥꓪ ꓕꓱ ꓓꓶꓽ ꓔꓯ ꓡꓯꓽ ꓘꓳ ꓟ ꓑꓮꓲ ꓔꓯ ꓬꓲ. ꓪꓴ. ꓕꓲ ꓧꓪ, ꓟ ꓧꓪ. ꓡꓰ ꓟ ꓪꓴ. ꓠꓬꓲ ꓮ ꓘꓶ. ꓗ, ꓛꓲ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓕꓯꓲ, ꓗꓴꓷꓼ ꓗꓪ ꓔꓬ ꓟ  ꓟꓬ‐ꓟ ꓞꓳ ꓫꓵꓽ ꓐꓴ ꓮ ꓟꓬ, ꓥꓪ ꓔꓯ ꓢꓯꓼ ꓖꓶ ꓪꓽ ꓖꓶ ꓡ ꓟ ꓪꓴ. ꓠꓬꓲ ꓮ ꓙꓵꓽ ꓢꓴ ꓔꓯ ꓫ. ꓟꓳ ꓐꓰ ꓐꓯ ꓔ ꓡꓳ꓿ ꓔꓴ‐ꓟꓲ‐ꓠꓮꓠ ꓬꓲ. ꓮ. ꓬꓲꓼ ꓠꓬ ꓟꓬ‐ꓟ ꓡꓯ‐ꓪꓮꓠ ꓓꓶꓽ ꓒꓽ ꓓꓽ ꓕꓲ ꓣꓳ ꓥ ꓡꓳ꓿ ꓝꓮꓲ ꓔꓴ‐ꓟꓲ‐ꓠꓮꓠ ꓠꓬ Islam ꓙꓵꓻ ꓠꓲ, ꓔꓯ ꓦꓻ ꓡꓱ ꓢꓴ ꓕꓲ ꓣꓳ ꓥ ꓡꓳ꓿