ꓟꓬ‐ꓟ ꓟꓟꓮ ꓓꓶꓽ ꓡꓯ ꓘꓳ ꓒꓽ ꓓꓽ AUNGLA NSAN ꓠꓬ ꓡ ꓠ, ꓟ 11 ꓦ ꓟ 19 ꓠꓬꓲ ꓓꓶꓽ ꓡꓯ ꓘꓳ ꓠ, ꓟ ꓬꓰ ꓔꓬ ꓟ ꓓꓳꓽ

ꓟꓬ‐ꓟ ꓟꓟꓮ ꓓꓶꓽ ꓡꓯ ꓘꓳ ꓒꓽ ꓓꓽ AUNGLA NSAN ꓠꓬ ꓡ ꓠ, ꓟ 11 ꓦ ꓟ 19 ꓠꓬꓲ ꓓꓶꓽ ꓡꓯ ꓘꓳ ꓠ, ꓟ ꓬꓰ ꓔꓬ ꓟ ꓓꓳꓽ

ꓟꓬ‐ꓟ ꓓꓶꓽ ꓡꓯ ꓘꓳ ꓒꓽ ꓓꓽ ꓮꓴꓠꓖꓡꓮ ꓠꓢꓮꓠ ꓠꓬ ꓡ ꓠ, ꓟ 11 ꓦ ꓟ 19 ꓠꓬꓲ ꓕꓯ ꓙ‐ꓑ ꓢꓰꓼ ꓡꓯ ꓘꓳ ꓒꓽ ꓓꓽ ꓬꓴ‐ꓢꓧꓲꓳ‐ ꓳꓗꓮꓟꓲ ꓐꓰ ꓓꓶꓽ ꓡꓯ ꓘꓳ ꓚꓴ, ꓡꓯ ꓘꓳ ꓠ, ꓟ ꓬꓰ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓮꓴꓠꓖꓡꓮ ꓠꓢꓮꓠ ꓠꓬ ꓗꓳ. ꓗꓷ ꓟ ꓘꓳꓼ ꓕꓯ ꓐ‐ꓣ‐ꓜꓲ, ꓓꓶꓽ ꓡꓯ ꓘꓳ ꓒꓽ ꓓꓽ ꓡꓲ‐ꓮꓠꓓꓣꓰꓪ ꓔꓯ ꓓꓶꓽ ꓧꓪ. ꓡꓰ ꓟ ꓪꓴ. ꓠꓬꓲ ꓙ‐ꓑ ꓓꓶꓽ ꓡꓯ ꓘꓳ ꓒꓽ ꓓꓽ ꓳꓗꓮꓟꓲ ꓠꓬ ꓮꓴꓠꓖꓡꓮ ꓔꓯ ꓓꓶꓽ ꓡꓯ ꓘꓳ ꓠ, ꓟ ꓐꓯ ꓗꓷ ꓟ ꓥ ꓡꓳ꓿

ꓳꓗꓮꓟꓲ ꓠꓬ ꓬꓲ. ꓞꓲꓼ 41 ꓘꓳꓼ ꓙꓳ ꓢꓴ ꓥ ꓢꓲ ꓠꓬꓲ ꓟꓟꓮ ꓓꓶꓽ ꓡꓯ ꓘꓳ ꓓꓴ 51 ꓧꓪ, ꓓꓶꓽ ꓗꓷ ꓕꓯ 37 ꓧꓪ, ꓧꓪ. ꓡꓰ ꓢꓲ ꓠꓬꓲ 14 ꓧꓪ, ꓞꓳ. ꓡꓰ ꓢꓴ ꓥ ꓡꓳ꓿ ꓮꓴꓠꓖꓡꓮ ꓠꓬ 37 ꓘꓳꓼ ꓙꓳ ꓡꓰ ꓢꓴ ꓥ ꓢꓲ ꓠꓬꓲ ꓟꓟꓮ ꓓꓶꓽ ꓡꓯ ꓘꓳ ꓑꓮꓲꓽ 41 ꓧꓪ, ꓗꓪ 27 ꓧꓪ, ꓧꓪ. ꓡꓰ ꓢꓲ ꓠꓬꓲ 13 ꓧꓪ, ꓞꓳ. ꓡꓰ ꓢꓴ ꓥ ꓡꓳ꓿ ꓟꓬ‐ꓟ ꓗꓴꓷꓼ ꓗꓪ ꓐꓰ ꓟꓟꓮ ꓓ ꓒꓽ ꓓꓽ ꓮꓴꓠꓖꓡꓮ ꓠꓬ ꓗꓳ. ꓗꓷ ꓟ ꓙꓵ, ꓕꓯ ꓣ‐ꓫ ꓟꓟꓮ ꓓꓶꓽ ꓒꓽ ꓥ ꓟ ꓐ‐ꓣ‐ꓔ‐ꓫ ꓔꓯ ꓞꓳ. ꓡꓰ ꓟ ꓥ ꓡꓳ꓿ ꓮꓴꓠꓖꓡꓮ ꓟꓟꓮ ꓓꓶꓽ ꓡꓯ ꓘꓳ, ꓟ ꓑꓮꓲ ꓔꓯ ꓢꓲ‐ꓖ‐ꓑꓴ ꓗꓴꓷꓼ ꓗꓪ ꓬꓰ ꓓꓴ ꓥꓳ꓾ ꓐꓰ ꓢꓷ. ꓪ ꓡꓳ꓿