ꓟꓬ‐ꓟ ꓟꓬꓱꓽ ꓬꓰ ꓢꓴ (1100) ꓣꓳ ꓔꓯ ꓙ‐ꓑ ꓗꓴꓷꓼ ꓗꓪ ꓘꓴˍ ꓠ, ꓟ ꓙꓳˍ ꓡꓳ ꓐꓰ ꓐꓯˍ ꓟ ꓓꓳꓽ

ꓟꓬ‐ꓟ ꓟꓬꓱꓽ ꓬꓰ ꓢꓴ (1100) ꓣꓳ ꓔꓯ ꓙ‐ꓑ ꓗꓴꓷꓼ ꓗꓪ ꓘꓴˍ ꓠ, ꓟ ꓙꓳˍ ꓡꓳ ꓐꓰ ꓐꓯˍ ꓟ ꓓꓳꓽ

6 ꓦ ꓟ 16 ꓠꓬꓲ 2023 ꓘꓳꓼ ꓕꓯ ꓟꓬ‐ꓟ ꓟꓬꓱꓽ ꓢꓴ (1100) ꓣꓳ ꓔꓯ ꓙ‐ꓑ ꓗꓴꓷꓼ ꓗꓪ ꓟꓬꓱꓽ ꓬꓰ ꓠ, ꓟ ꓘꓴˍ ꓓꓴ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿ ꓙ‐ꓑ ꓗꓴꓷꓼ ꓘꓴꓽ ꓗꓪ ꓚꓳꓟꓑꓮꓠꓬ ꓮ ꓟꓬ, ꓗꓪ ꓟꓬꓱꓽ ꓬꓰ ꓠ, ꓟ ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓝꓮꓲ ꓘꓴˍ ꓔꓬ ꓡꓳ ꓐꓰ ꓐꓰ ꓙ‐ꓑ ꓗꓴꓷꓼ ꓗꓪ ꓙꓳˍ ꓟ ꓟꓬ‐ꓟ ꓰꓟꓐꓮꓢꓢꓬ ꓣꓳ ꓦꓲꓻ ꓗꓪ ꓐꓰ ꓐꓯ ꓔ ꓡꓳ꓿

ꓕꓱ ꓟꓬ‐ꓟ ꓟꓬꓱꓽ ꓬꓰ ꓢꓴ (1100) ꓣꓳ ꓐꓴ ꓔꓯ ꓘꓴˍ ꓔ ꓟ ꓕꓳ ꓶ (352) ꓒꓬ ꓔꓯ ꓘꓳ, ꓣꓴ ꓪ ꓔ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓘꓴˍ ꓔ ꓟ ꓚꓳꓟꓑꓮꓠꓬ ꓐꓴ ꓠꓬ ꓙ‐ꓑ ꓗꓴꓷꓼ ꓗꓪ ꓮ ꓫꓵꓽ ꓟꓬꓱꓽ ꓔꓯ ꓬꓰ ꓔꓬ ꓡ ꓮ ꓟꓬ, ꓫꓵꓽ ꓔꓯ ꓙꓵꓽ ꓪ ꓙꓳˍ ꓢꓴ ꓐꓴ ꓡꓰ ꓚꓵ. ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓡꓱ ꓐꓰ ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓙ‐ꓑ ꓗꓴꓷꓼ ꓗꓪ ꓟꓬꓱꓽ ꓬꓰ ꓔꓬ ꓟ ꓙꓵ, ꓕꓯ ꓫ. ꓢꓴ ꓟꓷꓼ ꓢꓴ ꓟꓽ ꓔꓳ, ꓜꓳ ꓠ, ꓟ ꓮ ꓟꓬ, ꓫꓵꓽ ꓔꓯ ꓬꓰ ꓙ ꓔꓳ, ꓙ ꓔꓬ ꓡꓳ ꓐꓰ ꓙ‐ꓑ ꓗꓴꓷꓼ ꓗꓪ ꓙꓳˍ ꓟ ꓟꓬ‐ꓟ ꓰꓟꓐꓮꓢꓢꓬ ꓡꓰ ꓐꓯ ꓔ ꓟ ꓗꓪ ꓐꓰ ꓢꓷ. ꓪ ꓡꓳ ꓐꓰ ((MyanmaPlafform) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿    ‐