ꓟꓬ‐ꓟ Coffee ꓔꓯ ꓕꓮꓲ, ꓶꓻ ꓡꓯꓼ ꓬꓰ ꓢꓴ ꓐꓴ ꓡꓰ ꓮ ꓟꓬ, ꓪꓴ ꓡ ꓟ ꓪꓴ. ꓠꓬꓲ ꓗꓳ. ꓗꓷ ꓟ ꓘꓳꓼ ꓕꓯꓽ ꓢꓲ Coffee ꓢꓶꓽ ꓒꓵꓽ ꓪˍ ꓟ ꓓꓳꓽ

Wednesday, November 23, 2022

ꓟꓬ‐ꓟ Coffee ꓔꓯ ꓕꓮꓲ, ꓶꓻ ꓡꓯꓼ ꓬꓰ ꓢꓴ ꓐꓴ ꓡꓰ ꓮ ꓟꓬ, ꓪꓴ ꓡ ꓟ ꓪꓴ. ꓠꓬꓲ ꓗꓳ. ꓗꓷ ꓟ ꓘꓳꓼ ꓕꓯꓽ ꓢꓲ Coffee ꓢꓶꓽ ꓒꓵꓽ ꓪˍ ꓟ ꓓꓳꓽ

11 ꓦ 22 ꓠꓬꓲ 2022 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓗꓪ ꓕꓮꓲ, ꓶꓻ ꓡꓯꓼ ꓬꓰ ꓢꓴ ꓐꓴ ꓡꓰ ꓮ ꓟꓬ, ꓪꓴ ꓡ ꓟ ꓪꓴ. ꓠꓬꓲ ꓗꓳ. ꓗꓷ ꓟ ꓘꓳꓼ ꓕꓯ ꓢꓲ Coffee ꓢꓶꓽ ꓒꓵꓽ ꓪˍ ꓡꓳ ꓐꓰ ꓐꓯ ꓔ ꓡꓳ꓿

ꓗꓳ. ꓗꓷ ꓟ ꓘꓳꓼ ꓕꓯ ꓟꓬ‐ꓟ Coffee ꓢꓶꓽ ꓕꓲꓽ ꓚ ꓔꓯ (700) ꓒꓯꓼ ꓖꓶˍ ꓥ ꓟꓲ ꓛꓲ ꓠꓲ, ꓠꓬ ꓚꓳꓝꓝꓰꓰ ꓢꓶꓽ ꓕꓲꓽ ꓚ ꓔꓯ (2500) ꓒꓯꓼ ꓪ ꓟ ꓪꓴ. ꓠꓬꓲ ꓚꓳꓝꓝꓰ ꓒꓵꓽ ꓮ ꓟꓬ, ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿

ꓟꓬ‐ꓟ ꓗꓴꓷꓼ ꓗꓪ ꓔꓶꓺ ꓔ ꓟ ꓚꓳꓝꓝꓰꓰ ꓢꓶꓽ ꓔꓯ 11 ꓦ ꓗꓪ ꓐꓰ 4 ꓦ ꓗꓪ ꓧꓼˍ ꓟ ꓙꓵ,ˍ ꓟꓲ ꓥ ꓡꓳ꓿ ꓟꓬ‐ꓟ ꓚꓳꓝꓝꓰ ꓔꓯ ꓕꓮꓲ, ꓶꓻ ꓡꓯꓼ ꓬꓰ ꓢꓴ ꓐꓴ ꓡꓰ ꓚꓳꓝꓝꓰꓰ ꓔꓶꓺ ꓔ ꓟ ꓟꓵꓽ ꓗꓪ ꓙꓰ ꓢꓲ ꓠꓬꓲ ꓪꓴ ꓔꓬ ꓟ ꓥ ꓡꓳ ꓐꓰ ꓟꓬ‐ꓟ ꓚꓳꓝꓝꓰꓰ ꓜꓴꓻ ꓡꓰ ꓐꓯ ꓔ ꓡꓳ꓿ ꓟꓬ‐ꓟ ꓗꓴꓷꓼ ꓗꓪ ꓚꓳꓝꓝꓰꓰ ꓮ ꓟꓬ, ꓔꓶˍ ꓟ ꓟꓵꓽ ꓠꓬ ꓟ‐ꓓꓲ‐ꓡꓲ ꓟꓵꓽ ꓑꓬꓲ‐ꓳ‐ꓡꓪꓲ ꓟꓵꓽ ꓐꓰ ꓐꓶ‐ꓬꓲ ꓟꓵꓽ (ꓮ‐ꓢ ꓟꓵꓽ) ꓐꓰ ꓠꓱ. ꓐꓯ ꓟꓵꓽ ꓮ ꓟꓬ, ꓗꓪ ꓟꓲ ꓔꓶˍ ꓟ ꓥ ꓡꓳ꓿

ꓮ ꓟꓶ ꓟ ꓙꓵ, ꓗꓪ ꓚꓳꓝꓝꓰꓰ ꓓꓳ ꓢꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬꓽ ꓡ ꓟ ꓪꓴ. ꓠꓬꓲ ꓟꓬꓱꓽ ꓬꓰ ꓜꓽ ꓢꓴ ꓐꓴ ꓚꓳꓝꓝꓰꓰ ꓮ ꓟꓬ, ꓔꓶꓺ ꓠ, ꓟ ꓢꓷ. ꓠꓲ, ꓖꓶ ꓔ ꓡꓳ ꓐꓰ ꓢꓷ. ꓪ ꓡꓳ꓿