Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓟꓬ-ꓟ ꓐꓰ ꓮ-ꓩ-ꓖꓯ-ꓠꓲ-ꓢ-ꓔꓯ ꓗꓪ ꓙꓳˍ ꓟ ꓤ ꓠꓱ ꓤ ꓐꓴ ꓐꓱ ꓶ ꓙ-ꓑꓮꓠ ꓡꓰ ꓴꓢꓮ ꓓꓳ-ꓡ 300 ꓫꓬꓹ ꓟꓽ ꓞꓲꓺ ꓬꓰ ꓙˍ ꓟ
ꓟꓬ-ꓟ ꓐꓰ ꓮ-ꓩ-ꓖꓯ-ꓠꓲ-ꓢ-ꓔꓯ ꓗꓪ ꓙꓳˍ ꓟ ꓤ ꓠꓱ ꓤ ꓐꓴ ꓐꓱ ꓶ ꓙ-ꓑꓮꓠ ꓡꓰ ꓴꓢꓮ ꓓꓳ-ꓡ 300 ꓫꓬꓹ ꓟꓽ ꓞꓲꓺ ꓬꓰ ꓙˍ ꓟ
ꓙ-ꓑꓮꓠ ꓗꓴꓷꓼ ꓠꓬ ꓟꓬ-ꓟ ꓐꓰ ꓮ-ꓩ-ꓖꓯ-ꓠꓲ-ꓢ-ꓔꓯ ꓗꓴꓷꓼ ꓗꓪ ꓙꓳˍ ꓟ ꓤ ꓠꓱ ꓤ ꓐꓴ ꓢꓷꓸ ꓠꓲꓹ ꓢꓳꓻ ꓓꓴ꓾ ꓧꓪꓽ ꓖꓳ ꓓꓱꓽ ꓔꓬꓹ ꓢ ꓓꓴ ꓐꓰ ꓮ-ꓦ-ꓣ ꓖꓶ ꓓꓴ ꓐꓱ ꓶ ꓴꓢꓮ ꓓꓳ-ꓡ300 ꓫꓬꓹ ꓟꓽ ꓞꓲꓺ ꓬꓰ ꓙ ꓗꓷ ꓟ ꓔꓯ ꓴꓠꓲꓚꓰꓝ ꓡꓰ ꓓꓳꓽ ꓐꓯ ꓑꓶ ꓔ ꓟ ꓗꓪ ꓐꓰ ꓢꓷꓸ ꓪ ꓡꓳ=
ꓴꓠꓲꓚꓰꓝ ꓗꓪ ꓧꓳꓽ ꓣꓱꓽ ꓢꓴ ꓕꓲ ꓣꓳ ꓥ ꓟ ꓗꓮꓣꓲꓠ ꓧꓴꓡꓢꓧꓳꓝ ꓠꓬ ꓟꓬ-ꓟ ꓐꓰ ꓮ-ꓩ-ꓖꓯ ꓠꓲ-ꓢ-ꓔꓯ ꓗꓴꓷꓼ ꓐꓴ ꓗꓪ ꓙꓳˍ ꓟ ꓤ ꓐꓱ ꓤ ꓐꓴ ꓐꓱ ꓶ ꓓꓳ-ꓡ 300 ꓫꓬꓹ ꓟꓽ ꓞꓲꓺ ꓬꓰ ꓙ ꓗꓷ ꓟ ꓐꓴ ꓔꓯ ꓗꓳꓸ ꓗꓷ ꓟ ꓠꓬꓲ ꓕꓯ ꓬꓲ ꓪ ꓔꓪꓲꓔꓔꓰꓣ ꓗꓪ ꓐꓰ ꓕꓲ ꓝꓸ ꓐꓯ ꓑꓶ ꓗꓷ ꓟ ꓥ ꓡꓳ=
ꓙ-ꓑꓮꓠ ꓗꓴꓷꓼ ꓠꓬ ꓮ-ꓩ-ꓖꓯ-ꓠꓲ-ꓢ-ꓔꓯ ꓐꓰ ꓟꓬ-ꓟ ꓗꓴꓷꓼ ꓗꓪ ꓙꓳˍ ꓟ ꓤ ꓠꓱ ꓤ ꓐꓴ ꓐꓱ ꓶ ꓬꓰ ꓙ ꓓꓴ ꓐꓴ ꓔꓯ ꓥˍ ꓟꓲ ꓝꓸ ꓢꓲ ꓬꓰ ꓙꓰ ꓠꓹ ꓟ ꓪꓵꓼ ꓘꓶꓽ ꓖꓶꓽ ꓔ ꓟ ꓔꓯ ꓴꓠꓲꓚꓰꓝ ꓗꓪ ꓧꓳꓽ ꓪꓴꓸ ꓟꓴ ꓢꓴ ꓡꓰ ꓐꓯ ꓔ ꓡꓳ=
ꓟꓬ-ꓟ ꓗꓴꓷꓼ ꓗꓪ ꓮ ꓟꓶ ꓒꓬꓱꓼ ꓔꓬ ꓟ ꓫꓸ ꓙꓵˍ ꓟ ꓦꓬꓼ ꓠꓬꓲ ꓠꓬꓲꓽ ꓘꓳꓼ ꓟꓽ ꓞꓲꓺ ꓗꓪ ꓞꓳ ꓤ ꓫꓱꓸ ꓤˍ ꓟ ꓬꓰ ꓙ ꓓꓴ ꓐꓴ ꓔꓯ ꓟꓶ ꓐ ꓡ ꓠꓹ ꓟ ꓐꓱ ꓶ ꓠꓲꓹ ꓞꓼ ꓣꓱꓽ ꓞꓹ ꓔꓬ ꓟ ꓥ ꓢꓲ꓾ ꓬꓰ ꓙ ꓔꓳꓹ ꓙˍ ꓟ ꓔꓯ ꓣꓱꓽ ꓞꓹ ꓔꓬ ꓟ ꓤ ꓠꓱ ꓤ ꓮ ꓙꓵꓽ ꓠꓬ 50 ꓫꓬꓹ ꓟꓽ ꓞꓲꓺ ꓙꓳ ꓔꓬ ꓟ ꓔꓯ ꓴꓠꓲꓚꓰꓝ ꓡꓰ ꓐꓯˍ ꓟ ꓗꓪ ꓐꓰ ꓢꓷꓸ ꓪ ꓡꓳ=
ꓴꓠꓲꓚꓰꓝ ꓐꓴ ꓗꓪ ꓐꓰ ꓟꓬ-ꓟ ꓗꓴꓷꓼ ꓗꓪ ꓙꓳˍ ꓟ ꓤ ꓠꓱ ꓤ ꓐꓴ ꓔꓯ ꓬꓰ ꓙ ꓔꓳꓹ ꓙ ꓐ ꓡ ꓠꓹ ꓟ ꓒꓴ ꓣꓱꓽ ꓞꓹˍ ꓟ ꓙꓳ ꓔꓬ ꓟˍ ꓡꓰ ꓐꓰ ꓬꓲ ꓪ ꓐꓴ ꓔꓬ ꓗꓪ ꓛꓲꓺ ꓬꓰ ꓠꓹ ꓟ ꓠꓬ ꓫꓸ ꓓꓴ ꓙꓳ ꓔꓬ ꓟ ꓘꓴꓽ ꓠꓯꓸꓼ ꓗꓪ꓾ 2022 ꓘꓳꓼ ꓘꓴꓽ ꓗꓪ ꓠꓬ ꓤ ꓠꓱ ꓤ ꓐꓰ ꓞꓳ ꓦꓲꓻ 10 ꓫꓬꓹ ꓛꓲꓺ ꓐꓱ ꓶ ꓬꓰ ꓙ ꓔꓳꓹ ꓙ ꓐ ꓡ ꓗꓷꓳ꓾ ꓐꓰ ꓢꓷꓸ ꓪ ꓡꓳ=
Add new comment