ꓟꓬ-ꓟ ꓑ ꓫꓬ 100 ꓣꓳ ꓟꓽ ꓞꓲꓺ ꓟꓬꓱꓽ ꓬꓰ ꓔꓬ ꓟ ꓐꓮꓠꓖꓗꓳꓗ ꓡꓳ ꓒꓱ ꓗꓪ ꓫꓬꓹ ꓔꓬ ꓟ ꓦꓲꓻ ꓐꓱꓽ ꓙꓰ ꓢꓲ ꓟꓬ-ꓟ ꓟꓬꓱꓽ ꓬꓰ ꓢꓴ 5 ꓣꓳ ꓠꓻ ꓓꓴ ꓓꓴ ꓡꓰ ꓟ

ꓟꓬ-ꓟ ꓑ ꓫꓬ 100 ꓣꓳ ꓟꓽ ꓞꓲꓺ ꓟꓬꓱꓽ ꓬꓰ ꓔꓬ ꓟ ꓐꓮꓠꓖꓗꓳꓗ ꓡꓳ ꓒꓱ ꓗꓪ ꓫꓬꓹ ꓔꓬ ꓟ ꓦꓲꓻ ꓐꓱꓽ ꓙꓰ ꓢꓲ ꓟꓬ-ꓟ ꓟꓬꓱꓽ ꓬꓰ ꓢꓴ 5 ꓣꓳ ꓠꓻ ꓓꓴ ꓓꓴ ꓡꓰ ꓟ (Photo: Thai PBS World)
Wednesday, February 15, 2023

ꓟꓬ-ꓟ ꓑ ꓫꓬ 100 ꓣꓳ ꓟꓽ ꓞꓲꓺ ꓟꓬꓱꓽ ꓬꓰ ꓔꓬ ꓟ ꓐꓮꓠꓖꓗꓳꓗ ꓡꓳ ꓒꓱ ꓗꓪ ꓫꓬꓹ ꓔꓬ ꓟ ꓦꓲꓻ ꓐꓱꓽ ꓙꓰ ꓢꓲ ꓟꓬ-ꓟ ꓟꓬꓱꓽ ꓬꓰ ꓢꓴ 5 ꓣꓳ ꓠꓻ ꓓꓴ ꓓꓴ ꓡꓰ ꓟ

ꓟꓬ-ꓟ ꓑ ꓫꓬ 100 ꓣꓳ ꓟꓽ ꓞꓲꓺ ꓟꓬꓱꓽ ꓬꓰ ꓔꓬ ꓟ ꓐꓮꓠꓖꓗꓳꓗ ꓡꓳ ꓒꓱ ꓗꓪ ꓫꓬꓹ ꓔꓬ ꓟ ꓦꓲꓻ ꓠꓬ 2 ꓦ 12 ꓠꓬꓲ ꓕꓯ ꓐꓱꓽ ꓙꓰ ꓟ ꓑꓶꓸ ꓓꓴ ꓟꓬ-ꓟ ꓟꓬꓱꓽ ꓬꓰ ꓢꓴ 5 ꓣꓳ ꓠꓻ ꓓꓴ ꓓꓴ ꓡꓰꓳ꓾ ꓐꓰ ꓕꓮꓲꓹ ꓓꓳꓽ ꓐꓴ ꓗꓪ ꓟꓳꓸ ꓖꓶ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓐꓮꓠꓖꓗꓳꓗ ꓡꓳ ꓒꓱ꓾ ꓴ-ꓕꓮꓲ-ꓔ-ꓣꓯ ꓢꓳꓻ ꓦꓲꓻ ꓙ ꓖꓴ ꓗꓪ ꓫꓬꓹ ꓔꓬ ꓟ ꓐꓲ-ꓡꓲ-ꓬꓯ-ꓗ-ꓡꓯꓸꓼ ꓦꓲꓻ ꓫꓬꓹ ꓢꓴ ꓐꓴ ꓡꓰ ꓫꓬꓹ ꓔꓬ ꓟ ꓦꓲꓻ ꓐꓱꓽ ꓡꓰ ꓢꓲ ꓟꓬ-ꓟ ꓑ ꓫꓬ ꓐꓰ ꓕꓲ ꓪꓽ ꓟꓬꓱꓽ ꓬꓰ ꓢꓴ ꓮ ꓙꓵꓽ 130 ꓣꓳ ꓟꓽ ꓞꓲꓺ ꓟꓬꓱꓽ ꓬꓰ ꓔꓬ ꓕꓯ ꓦꓲꓻ ꓐꓱꓽ ꓡꓰ ꓟ ꓥ ꓡꓳ= ꓒꓲꓼ ꓬꓰ ꓟꓶꓽ ꓬꓰ ꓢꓴ ꓟꓽ ꓙꓳˍ ꓟꓲ ꓟꓬ-ꓟ ꓟꓬꓱꓽ ꓬꓰ ꓢꓴ 5 ꓣꓳ ꓠꓬ ꓪꓴꓸ ꓓꓵ ꓗꓪ ꓠꓻ ꓓꓴ ꓓꓴ ꓡꓰ ꓢꓲ꓾ ꓠꓻ ꓓꓴ ꓠꓬ ꓮ ꓘꓶꓸ ꓟꓽ ꓪꓴꓽ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓫꓬꓹ ꓔꓬ ꓟ ꓦꓲꓻ ꓐꓱꓽ ꓡꓰ ꓟ ꓪꓴꓸ ꓠꓬꓲ ꓖꓳ ꓗꓪ ꓟ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓦꓲꓻ ꓫꓬꓹ ꓔꓬ ꓟ ꓔꓯ ꓠꓽ ꓗꓷ ꓝꓲ ꓢꓲ꓾ ꓦ ꓐ ꓕꓲ ꓟ ꓘꓴꓽ ꓗꓪ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓢꓷꓸ ꓙ ꓟꓳ ꓙ ꓔ ꓟ ꓟꓬꓱꓽ ꓘꓴꓽ ꓗꓪ ꓟꓬꓱꓽ ꓬꓰ ꓢꓴ ꓠꓻ ꓓꓴ ꓟꓽ ꓓꓴ ꓡꓰ ꓠꓹ ꓟ ꓚꓱꓹ ꓔꓯ ꓦ ꓐ ꓕꓲ ꓟ ꓘꓴꓽ ꓗꓪ ꓖꓼ ꓛꓳ ꓐ ꓡˍ ꓕꓯ ꓢꓲ ꓡꓰꓽ ꓦꓲꓻ ꓔꓯ ꓝꓸ ꓢꓲ ꓫꓬꓹ ꓠꓹ ꓟ ꓐꓯ ꓖꓶ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=

Add new comment

1 + 4 =

Quick Links